Надворешна политика
Силна соработка меѓу Македонија и Грција – важен предуслов за ефикасно справување со мигрантската криза
Подигнувањето на нивото на соработка помеѓу македонските полициски, безбедносни и разузнавачки сили со нивните грчки партнери за ефикасно справување со мигрантскиот бран кој го зафаќа Балканот – ова било побарано од страна на македонската страна на мини-Самитот посветен на западнобалканската рута, кој во неделата под покровителство на претседателот на Европската комисија (ЕК), Жан-Клод Јункер беше организиран во неделата во Брисел.
Од кабинетот на претседателот Ѓорге Иванов, кој ја претставуваше Македонија на овој Самит, брифираат дека земјата јасно и ставила до знаење на Комисијата и на земјите членки на Унијата што е потребно за ефикасно справување и сузбивање на кризата, а меѓу другото било потенцирано дека учеството на европската погранична агенција Фронтекс на двете страни од македонско-грчката граница и во меѓупросторот би било поволно и за двете земји. Од кабинетот додаваат дека главната улога којашто би ја вршел Фронтекс е во регистрацијата на тоа кои се бегалци а кои мигранти, и со ова Македонија би била вклучена во размената на информациите, нешто што би го олеснало регулирањето на огромниот проток на луѓе, кои преку Македонија и останатите балкански земји се упатуваат во поголем дел кон Германија и Шведска.
Грчкиот одговор на ова бил негативен, поради тоа што според нив мисијата на Фронтекс се однесува кон трети земји, односно со неа не се опфатени и земјите кандидати за членство и тие се третираат како надворешна граница на Унијата. Од грчката страна сепак било потенцирано дека тие се подготвени за подигнување на нивото на соработка.
Една од 17-те точки за кои се согласија десетте земји членки на ЕУ и трите земји кандидати, односно покрај Македонија тука се и Србија и Албанија, е околу зголемувањето на капацитетите за прифаќање на мигрантите, при што било нагласено дека Грција ќе прифати 50 илјади луѓе, додека пак уште 50 илјади ќе бидат сместени во земјите на рутата до Германија. Македонската страна потенцирала дека во моментов таа во своите транзитни прифатни центри има можност да згрижи две илјади бегалци, 1.500 во Прифатниот центар Југ и уште 500 во Табановце.
Статистиката околу илегалната покажува пак дека Македонија во однос на минатите години се соочува со огромен пораст на бројката на мигрантите кои транзитираат низ неа, односно како за пример, во 2008-та година оваа бројка изнесувала 1,448 лица, додека пак оваа година досега таа изнесува 424.656 лица. Земјата исто така се уште ја чека и ветената помош од страна на ЕУ, која изнесува 90 илјади евра и чија реализација е во процедура.
Иако можеби реакцијата на ЕК на чело со Јункер делува задоцнето, сега кога кризата е веќе во полн ек, од македонската страна додаваат дека сепак и ова претставува успех поради тоа што сега Македонија се наоѓа и на самата маса на која се дискутира околу мерките кои ЕУ треба да ги примени за да се справи со кризата. Исто така, преку документот на Јункер, кој иако не е обрзувачки, се воведува еден систем и пости една унифицирана процедура која ќе ги смири тензиите и помеѓу самите земји членки на Унијата во однос на ова прашање./крај/мф/бс
Извор: Фото/Вечер
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.