Надворешна политика
Словачка со целосна поддршка за интеграцијата на Македонија во НАТО
Министерот за одбрана Зоран Јолевски во петок и сабота учествува на водечкиот форум за безбедност и надворешна политика во Централна Европа – ГЛОБСЕК 2015, во словачката престолнина Братислава, а досега министерот оствари средба со својот словачки колега, Мартин Глвач.
Министерот за одбрана Зоран Јолевски во петок и сабота учествува на водечкиот форум за безбедност и надворешна политика во Централна Европа – ГЛОБСЕК 2015, во словачката престолнина Братислава, а досега министерот оствари средба со својот словачки колега, Мартин Глвач.
„Република Македонија ги исполнува сите услови и критериуми за влез во Северноатлантското семејство и во целост ги споделуваме и негуваме вредностите на НАТО-алијансата“, изјави Јолевски, додавајќи дека припадниците на Армијата на Република Македонија повеќе од една деценија исклучително и несебично придонесуваат кон развојот на мирот, стабилноста и демократијата во светот преку мисиите на НАТО, ЕУ и ОН.
Јолевски истакна дека односите и поддршката од Словачка за интеграција на Македонија во евроатлантските структури се од високо значење, посебно поради фактот дека Македонија е подготвена да биде дел од НАТО.
Јолевски и Глвач се согласија да работат на натамошно унапредување на билатералната соработка во областа на одбраната. За таа цел тимови од двете министерства и двата генералштаба ќе се сретнат да ги дефинираат конкретните проекти за поинтензивна соработка.
Глвач потврди дека Македонија ја има целосната поддршка од Словачка за полноправно членство во Алијансата. Тој истакна дека Македонија со придонесите во мировните мисиите на НАТО ги споделува вредностите на Северноатлантската Алијанса.
На средбата беа разменети мислења за геополитичката состојба во Европа и пошироко. Воедно министрите се согласија дека постои потреба да се зајакне соработката со цел поуспешно справување со глобалните закани./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.