Надворешна политика
Вајгл: Неподготвеноста за компромис, на крајот донесе неуспех за државата
Откако Европската унија се тргна настрана, на македонските политичари им останува да најдат решение за кризата, но тоа можеби ќе биде доцна за добивање на негативен извештај на Европската комисија без препорака за отворање на пристапните преговори на Република Македонија со ЕУ, по што би следела и слична резолуција на Европскиот парламент, предупреди во четвртокот словенечкиот европратеник Иво Вајгл, кои е воедно и известувач за земјава во Европскиот парламент, по маратонските неуспешни преговори на македонските политички челници во Брисел да ги изнајдат модалитетите за надминување на политичката криза кои се водат под покровителство на ЕУ.
„Јас сум бесен и разочаран и не сакам да давам изјава на тој начин. Малку да размислам…“, вели Иво Вајгл на почетокот во разговорот со дописникот на МИА од Брисел.
Потсетува притоа дека како известувач на Европскиот парламент за Република Македонија и член на групата од тројцата пратеници, членови на ЕП, тој изминатите неколку седмици интензивно работел на тоа да се надмине политичката криза меѓу политичките лидери во Македонија.
„Не сакам да кажам дека сум разочаран со вчерашниот дијалог, туку со резултатот од развојот на настаните со дијалогот. Се разбира, големо е разочарувањето од односот на некои политички актери, кои очигледно немаат чувство за евроатлантската иднина на Република Македонија. Имено, и покрај заплашувањето од страна на некои европски политичари за блокирање на процесот на проширување на Европската унија, има голем интерес да ѝ се даде на Македонија почеток на преговорите, сега е на патот нова препрека. Потребен е политички договор и демонстрација на единствена волја на македонските политичари и тие да направат сé за државата да претендира кон ЕУ и почеток на преговори“, посочува Вајгл.
На прашање да го каже името на главниот виновник за неуспехот на дванаесетчасовните преговори, што според премиерот Груевски е лидерот на СДСМ Зоран Заев, кого претходно го обвини дека единствено пристигнал во Брисел со цел да не постигне договор, Вајгл, како и претходно комесарот Хан во својата порака на Twitter, одбива директно да каже име.
„Премногу сум искусен за да давам изјава за поедини личности и политичари, и тоа е работа на македонските политичари. Јас можам да говорам за интересот на Македонија и македонските политичари како целост и како целина, а со цел да успееме да излеземе од кризата. Па, дури ако и само еден од политичарите не е подготвен на компромисно решение, што беше случајот синоќа, сепак, на крајот резултатот е на штета на сите, а најмногу на државата“, вели Вајгл.
Тој порачува дека „топката сега е целосно во рацете на Скопје“ и на македнските политичари е сами да се договорат за излез од кризата. Но, според него, за жал, дури и да биде постигне договор во брзо време, можно е истиот да дојде предоцна за добивање на негативен извештај од Еврокомисијата и за првпат по шест години, Македонија да не добие препорака за почеток на преговорите за членство во ЕУ.
„Да се вложат напори за компромисно решение е потребно и за негово постигнување, никогаш не е доцна. Но, времето истекува и дури кога ќе дојде до договор, мислам дека ќе биде доцна кога станува збор за конкретното прашање, а тоа е извештајот во октомври на Европската комисија и потоа Резолуцијата на Европскиот парламент во однос на носење на одлука за напредокот на Македонија во евроинтеграциите. Тука времето е ограничено и потребни се сите напори. ЕУ не им стои тукутака на располагање на македонските политичари. Тоа мораат да го разберат сите релевантни политичари во земјата во однос на целиот процес“, порачува Иво Вајгл.
Словенечкиот европратеник посочува дека тој, како известувач од ЕП за Македонија, има намера за активно да учествува да се најде решение за излез од политичката криза на Македонија, бидејќи, како што вели во прашање е кандидатурата на Македонија за членство во Унијата.
„Вчера, по завршувањето на разговорите, заклучивме дека дијалогот мора да продолжи. Решение има и мора да се договори, но сега е се до македонските полтиичари, заврши Вајгл,/крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.