Надворешна политика
Вељаноски присуствуваше на молитвениот појадок
Претседателот на Собранието на Република Македонија, Трајко Вељаноски присуствуваше на Националниот молитвен појадок во Вашингтон кој претседателот на САД, Барак Обама, и членовите на Конгресот го организираат секоја година.
На појадокот присуствуваа високи функционери, дипломати и претставници на повеќе од 140 земји од светот кои ја искористија оваа можност да се сретнат и да разменат мислења, искуства и ставови за глобалните случувања и предизвици и заедно да се заблагодарат за пријателството и благосостојбата.
На настанот свое обраќање имаше претседателот на САД. Барак, а претседателот Вељаноски во оваа прилика се сретна и разговараше со дел од присутните.
Исто така, претседателот Вељаноски присуствуваше и на лидерскиот ручек организиран за земјите од Југоисточна Европа на кој учество земаа неколку конгресмени и сенатори меѓу кои и еден од домаќините на овогодинешниот Молитвен појадок, конгресменот Роберт Адерхолт. На ручекот претседателот Вељаноски имаше можност да се обрати пред присутните.
„На самиот почеток, сакам да ја споделам мојата искрена благодарност до организаторите на овој величествен собир.
Се надевам дека овие денови за сите нас ќе бидат уште една важна животна лекција.
Уште една инспирација и предизвик да опстоиме на патот на верата, на надежта и на љубовта.
Иако сум длабоко свесен дека правилата на секое куртоазно однесување налагаат ваков пристап, но навистина, сосема искрено ви го посакувам сето ова што предмалку го кажав.
Молитвениот појадок како традиција е една непресушна инспирација.
Фактот дека секоја година, од сите страни на светот личности со сосема различни светогледи, вери, нации, уверувања и ставови, сосема нормално дискутираат и се разбираат, доволно говори за големината на ова дело.
Живеејќи во свет во кој малку повеќе се говори за омразата отколку за љубовта, ретките настани каде таа – љубовта доминира, вреди постојано да се истакнуваат, поддржуваат и развиваат.
Почитувани дами и господа,
Независно од фактот каде живееме или кој народ и држава ги претставуваме, сведоци сме дека постојат теми кои ги надминуваат географските меридијани.
Прашањата поврзани со границите на колективниот морал, темите кои се однесуваат на сe поголемата изложеност на децата до содржини штетни за нивниот морал и здравје се теми кои треба сите подеднакво да нe окупираат и инспирираат да направиме нешто повеќе.
Силно верувам во концептот на меѓусебно вмрежување и соработка.
Убеден сум дека развивајќи ја меѓусебната доверба, даваме влог кон зацрвстувањето на темелите на ова ново морално мнозинство кое и’ е неопходно на Eвропа.
Драги пријатели,
На самиот крај сакам да потенцирам дека сите ние го добиваме она што сме го заслужиле.
Верувам дека со организацијата на овие настани, придонесуваме да испросиме поголема милост од Бога кој е почетокот и крајот на се’.
Bидете благословени.
Господ нека ги благослови нашите народи и држави и да ни даде мудрост уште подобро да ги совладуваме предизвиците со кои се соочуваме како личности и како политичари“, рекол во своето обраќање претседателот на Собранието на РМ, Вељаноски. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.