Надворешна политика
Вељаноски-Жбогар: Решавањето на политичката криза ќе даде позитивен имплус за напредок
Претседателот на Собранието на Република Македонија, Трајко Вељаноски, во петокот му посака добредојде на новиот амбасадор на Европската унија во Република Македонија, Самуел Жбогар и ја потенцираше личната подготвеност и подготвеноста на пратениците на Собранието на Република Македонија да дадат поддршка на секоја иницијатива во насока на плодна и ефикасна соработка.
Вељаноски изрази задоволство од досегашната успешна соработка со претходните шефови на Делегацијата на Европската унија во Република Македонија. Во делот кој се однесува на Собранието на Република Македонија, Вељаноски истакна дека секогаш било високо оценувана неговата работа и дека ќе продолжи со позитивниот континуитет да биде мост на соработка и размена на идеи и мислења. Вељаноски истакна дека е благодарен што сите претходни амбасадори на Европската унија се ангажирале за унапредување на работата на Собранието и од таа соработка се произлезени бројни проекти што се во интерес на Собранието и демократските процеси.
На средбата се зборуваше за политичката криза во Република Македонија и постигнатиот договор со кој ќе се одржат избори и на кои граѓаните ќе ја имаат демократската можност да одлучат кој ќе ги води. Двајцата соговорници беа согласни дека преку изборите се добива можност да биде рестартиран целокупниот државен систем и ќе продолжат сите реформски процеси за побрза интеграција на Република Македонија во Европската унија. Двајцата соговорници се согласни дека со решавање на политичката криза ќе се даде позитивен импулс во однос на напредокот на државата.
Амбасадорот Жбогар на средбата истакна дека ги познава политичките случувања во Република Македонија и искажа уверување дека ќе ја продолжи позитивната работа во застапувањето на Европската унија, Тој посочи дека ќе ја поддржува работата на сите институции кои ќе работат во интерес на граѓаните и напредокот во реформите кои се исклучително важни за интеграција во Европската унија.
Соговорниците разговараа и за актуелната состојба со бегалците од Блискиот Исток и Африка, каде што Република Македонија се најде како транзитна држава. Вељаноски истакна дека Македонија ги почитува сите стандарди и прописи кои се пропишани од Европската унија за овие кризни состојби, но мора да се даде поголем ангажман од сите релевантни меѓународни организации за да помогнат во успешно справување со оваа состојба./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.