Надворешна политика
Во среда започнува Виенската конференција посветена на западен Балкан
Лидерите на Европската унија (ЕУ) и западен Балкан во следните два дена ќе учествуваат на Виенската конференција, организирана во рамките на Берлинскот процес и која има за цел да го промовира членството на земјите од регионот во Унијата. Самитот и политичките дискусии ќе се одржат на 27-ми август, соопштуваат од Советот за регионална соработка, кој е дел од организацијата на конференцијата.
За првпат, граѓанското општество од западен Балкан ќе игра важна улога на еден ваков самит и гласот на неговите претставници ќе биде слушнат од страна на лидерите на ЕУ и домаќини па Берлнскиот процес – минатата година тоа беше Германија, оваа година Австрија, а следната година тоа ќе биде Франција.
Од Советот за регионална соработка додаваат дека тие учествувале во подготовките на форумот на граѓанското општество, кој ќе се одржи во следните три дена, започнувајќи од вторник. Од таму додаваат дека ова ќе биде шанса за претставниците на граѓанското општество да ја презентираат својата работа, фокус, и амбиции во следниот период. Трите главни цели се обезбедување на слобода на изразување, создавање на работни места и зголемување на регионаланта соработка.
Средбата на министрите за економија е предвидено да биде посветена на предлозите за подобри услови за инвестиции и нови инфраструктурни проекти, соопштуваат од Советот.
Интересно е тоа што на маргините на самитот ќе се одржи и фудбалски натпревар помеѓу „тимот на ЕУ и тимот на Идната ЕУ“. Во тимот на „Идната ЕУ“ ќе бидат и македонскиот премиер Никола Груевски и шефот на македонската дипломатија Никола Попоски, а покрај нив тука уште се албанскиот премиер Еди Рама, министерот за надворешни работи на Албанија Дитмир Бушати и албанскиот министер за економија Арбен Ахметај, потоа косовскиот министер за надворешни работи Хашим Тачи и косовскиот министер за евроинтеграции Беким Чолаку, министрите за надворешни работи на Црна Гора и Босна и Херцеговина, Игор Лукшиќ и Игор Црнадак, српскиот премиер Александар Вучиќ и генералниот секретар на Советот за регионална соработка, Горан Свилановиќ.
Тимот на ЕУ ќе го сочинуваат претставници од Европската комисија, Австрија, Хрватска, Германија и Словенија, а судија на натпреварот ќе биде еврокомесарот за проширување Јоханес Хан./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.