Контакт

Надворешна политика

Заев се сретна со францускиот пратеник Филип Диран

Објавено пред

Шансите за решавање на политичката криза со помош на меѓународните претставници, актуелните политички предизвици на Македонија, економските проблеми, закочените евро-атлатски процеси, беа темите на коишто во понеделник разговараа претседателот на СДСМ, Зоран Заев и пратеникот во Парламентот на Р.Франција, Филип Диран.

dobivaj vesti na viber

 

 

„Неопходни се споделени гаранции за имплементација на препораките од Извештајот на Прибе, бидејќи посочените критични области се кочничар за демократско функционирање на институциите на системот, коишто се комплетно партизирани, како и за организирање слободни избори“, рече Заев.

 

Двајцата соговорници, како што се наведува во соопштението од СДСМ, констатирале дека процесот Вистината за Македонија откри бројни злоупотреби во највисоките врвови на власта, злоупотреби на релација извршна – правосудна власт, контрола на власта врз медиумите.

 

На средбата е изразена посебна загриженост за проблематичниот Избирачки список, како и за недозволивото функционирање на републичкиот јавниот обвинител, на обвинителот за организиран криминал, на судството, по директиви на актуелната власт.

 

„Доколку утре со помош на пријателите од Европската Унија и САД не бидат договорени организацијата на влада и механизмите што треба да обезбедат демократски институции и избори, СДСМ ќе пристапи кон алтернативните начини за остварување на овие цели“, најави Заев.

 

Францускиот пратеник Диран ги поздрави храброста и одлучноста на претседателот на СДСМ, Заев, СДСМ и опозицијата, во битката за промените коишто се потребни, како на граѓаните на Македонија, така и за иднината на државата, се вели во соопштението од СДСМ. /крај/со/ст

Македонија

МНР: Македонскиот јазик е неоспорен и не е условен во предлог преговарачката рамка

Објавено пред

Министерството за надворешни работи соопшти дека најостро ги демантира наводите што се споменуваат во јавноста дека македонскиот јазик не е чист во француската предлог преговарачка рамка за почнување на преговорите на Северна Македонија со Европската Унија.

dobivaj vesti na viber

Ваквите наводи, велат од МНР, се неточни, опасни, ја доведуваат во заблуда јавноста и им штетат на интересите на државата.

Во продолжение целото објаснување од Министерството.

„Ја информираме јавноста дека македонскиот јазик е неоспорен и не е условен во предлог преговарачката рамка, која, меѓу другото, е преведена (и објавена) на македонски јазик од страна на преведувачките служби на Советот на ЕУ.

Став 22 од предлогот недвосмислено кажува дека правото на ЕУ ќе се преведе на македонски јазик: „Северна Македонија ќе треба навремено да направи преводи на правото на ЕУ (acquis) на македонски јазик пред пристапувањето и ќе треба да обучи доволен број преведувачи и толкувачи потребни за правилно функционирање на институциите на ЕУ по нејзиното пристапување“.

Во согласност со позициите консензуално утврдени од страна на нашето Собрание во декларацијата за спорот со Република Бугарија наша цел беше позицијата на Република Бугарија во однос на македонскиот јазик да не стане и позиција на ЕУ, а во оваа предлог-рамка тоа е целосно исполнето.

Практичната потврда за ваква неоспорна употреба на македонскиот јазик ќе биде потпишувањето на договорот за Фронтекс, со стандардна клаузула, каде што е наведен македонскиот јазик (без фусноти или дообјаснувања). Потпишувањето на договорот за Фронтекс е предвидено да се случи веднаш по одржувањето на првата меѓувладина конференција помеѓу Република Северна Македонија и ЕУ и државите членки. Оттука, овој меѓународен договор меѓу Република Северна Македонија и ЕУ, односно државите членки, и на македонски јазик, ќе стане дел од законодавството на ЕУ.

Со овој договор и нему сличните во иднина, како и со преводот на правото на ЕУ на македонски јазик во текот на преговорите за членство, македонскиот јазик ќе биде вклучен на исто рамниште во групата официјални јазици на ЕУ по нашиот прием во ЕУ.

Тврдењето дека Република Северна Македонија требало да бара цврсти гаранции преку внесување на Поглавјето 34 во преговарачката рамка е погрешно и манипулативно. Поглавјето 34 се дискутира на крајот на преговарачкиот процес кога е извесно дека земјата кандидат ќе стане земја членка на ЕУ. Ова поглавје не е ексклузивно посветено на внесување на јазикот на земјата кандидат за членство во семејството на официјални јазици на ЕУ и уште помалку има амбиција да признава јазици.

Во Поглавјето 34 се разработуваат институционалните и процедуралните правила на ЕУ и видовите адаптации кои се неопходни да се направат во постојното ЕУ-право за да ја внесе во прием новата земја членка (на пр., соодветната застапеност на новата земја членка во телата на ЕУ итн.). Земја кандидат нема процедурална можност да го отвора ова поглавје, ниту да го дискутира пред отворањето на преговорите.

Министерството за надворешни работи заедно со Владата на Република Северна Македонија и сите релевантни фактори ќе работи напорно во претстојниот период да ги надмине сите недоразбирања со Република Бугарија во согласност со договорот за добрососедски односи и со цел обезбедување непречени преговори и брза интеграција на Република Северна Македонија во ЕУ. Предлог-рамката со недвосмислен македонски јазик и идентитет претставува основа за почнување на процесот на преговори“, велат од МНР.

Прикажи повеќе...

Македонија

Бибер: Францускиот предлог е катастрофа

Објавено пред

Францускиот предлог за одблокирање на бугарското вето е катастрофа за проширувањето, смета експертот за Балканот, Флоријан Бибер.

dobivaj vesti na viber

Бибер на Твитер објави дека иако изгледа добро да се стави крај на бугарското вето, тоа постигнува малку и носи големи опасности:

„ 1. Го вклучува билатералниот спор во преговарачкиот процес на ЕУ, давајќи им легитимитет и охрабрување на идните членки на ЕУ кои ги блокираат земјите членки,
2. Значително се приближува до бугарските барања отколку позицијата на Македонците, па затоа е неурамнотежена.
3. Во суштина ја прифаќа националистичката логика на бугарската влада и сугерира дека постои прашање за дискриминација на Бугарите во Северна Македонија.
4. Игнорира дека проблемот е (делумно) создаден од ЕУ. 10.000 македонски граѓани добија бугарски пасоши бидејќи се ЕУ-пасоши, не затоа што се бугарски. Граѓаните и нивните барања да бидат граѓани на ЕУ (да работат) се злоупотребени од Бугарија за да тврди дека се „етнички“ Бугари.
5. Ги билатеризира и дискредитира механизмите за вистинските малцински права.
6. Нема да има доволно поддршка во Северна Македонија и нератификувањето на договорот ќе се толкува како неуспех во Северна Македонија, а не како неуспех на бугарските националистички барања.

Наместо лесен излез, францускиот предлог дополнително ќе го наруши угледот на ЕУ и ќе го закопа процесот на проширување“,
напиша Бибер.

Прикажи повеќе...

Македонија

Шарл Мишел се сретна со Џафери и со координаторите на пратеничките групи

Објавено пред

Претседателот на Собранието, Талат Џафери, се сретна со претседателот на Европскиот совет, Шарл Мишел, кој престојува во еднодневна посета на земјата. На средбата присуствуваше и aамбасадорот на ЕУ, Дејвид Гир, и координаторите на пратеничките групи и претставниците на помалите политички партии во Собранието.

dobivaj vesti na viber

Поздравувајќи ја одлуката на претседателот Мишел за посета на земјата во овие моменти со цел да се запознае со разните мислења и ставови, претседателот Џафери посочи дека актуелното раководство и во минатото носело одлуки, кои долгорочно се покажале како правилни за државата и нејзината иднина и дека носи одговорност за донесување стратешки одлуки. Правејќи паралела со помирувањето на Франција и Германија како основа за формирањето на денешната Европска Унија, заклучи дека единствен начин за надминување на билатералните несогласувања остануваат отворениот дијалог и меѓусебното разбирање. Во однос на доставувањето на документите за прифаќањето на преговарачката рамка, претседателот Џафери истакна дека по нив соодветно ќе се пристапи штом бидат доставени до Собранието.

Претседателот Мишел образложи дека доаѓа во име на 27 земји членки на Унијата, кои стојат зад предложената рамка за лично да ги чуе аргументираните и легитимни мислења и резерви на политичките актери нагласувајќи дека има разбирање за фрустрациите и разочараноста во последните години во врска со официјалното непочнување на преговорите. Случувањата во поширокото европско соседство придонесоа за порешителни одлуки на европските лидери во однос на процесот на проширување и спречување трети страни за остварување на нивните интереси, кои се спротивни на интересите на Унијата. Во однос на загриженоста за формулациите во преговарачката рамка, тој појасни дека за македонскиот јазик се упатува јасна порака од Советот на ЕУ дека тој се почитува и сите документи во текот на процесот ќе се преведуваат на македонски јазик. Исто така, потенцира дека добрососедските односи се дел од критериумите и дека е важно тие да бидат надминати, но дека во процесот на преговори се вклучени сите членки на ЕУ, кои будно ќе го следат процесот на преговори.

Координаторот на пратеничката група на ВМРО-ДПМНЕ, Никола Мицевски, искажа благодарност за денешната средба во еден исклучително сензитивен период за државата укажувајќи ја нетранспарентноста во водењето на стратешките прашања како причина за реакциите на пошироката јавност искажувајќи резерва за предлогот со барање да се достави на увид билатералниот протокол со Република Бугарија за да се увери јавноста дали тој е или не е дел од преговарачкиот пакет.

Координаторот на пратеничката група на СДСМ, Јован Митрески, посочи дека процесот на преговори е комплексен и го образложи револтот кај граѓаните поради непочитувањето на дадените гаранции по преспанскиот договор и за почеток на преговорите со ЕУ. Граѓаните чувствуваат несигурност дали во оваа преговарачка рамка се последните барања за земјата. Тој искажа поддршка и побара помош од ЕУ во текот на процесот.

Координаторот на пратеничката група на Демократската унија за интеграција, Арбер Адеми, истакна дека пријателите доаѓаат да дадат поддршка во тешки времиња. Тој алармира за напливот на лажни вести во врска со актуелниот предлог, особено за македонскиот јазик и за почетокот на преговорите само за Република Албанија апелирајќи до сите фактори да го прифатат предлогот, со што ќе се стави крај на овие вести и за рационалност во донесувањето вакви важни одлуки.

Претставничката на Алтернативата, Сафије Садики-Шаини, го поддржа актуелниот предлог повикувајќи на државна и општествена кохезија во процесот.

Координаторот на пратеничката група на Алијансата за Албанците, Илире Даути, го наведе нивниот јасен став за донесување стратешки одуки, како членството во НАТО и сега почетокот на преговорите со ЕУ, давајќи поддршка на актуелниот предлог и искористување на моментот за враќање на надежта, особено кај младата популација во земјата.

Претставникот на Беса, Бастри Бајрами, наведе дека земјата нема друга алтернатива, освен членство во Европската Унија и дека даваат јасна поддршка на актуелниот предлог, со апел за зрелост на политичките субјекти за иднината на следните генерации.

Претседателот Мишел се заблагодари за искажаните ставови посочувајќи дека има многу појасна слика за актуелните случувања охрабрувајќи ги политичките лидери да донесат одлуки според сопствените убедувања. Вратата на ЕУ е отворена: сега од вас зависи дали ќе влезете внатре, заклучи Мишел.

Прикажи повеќе...

Најново

Македонија60 минути

Ковачевски: Најостро го осудувам насилството на протестите

Премиерот Димитар Ковачевски на „Фејсбук“ остро ги осуди немилите настани на вчерашните протести, апелирајќи до граѓаните да го изразат својот...

Свет2 часа

(Видео) Борис Џонсон поднесе оставка

Премиерот Борис Џонсон ѝ се обрати на британската јавност и ја разреши дилемата дали поднесува оставка или не. Пред Даунинг...

Економија2 часа

Поевтинуваат бензините и дизелот

Малопродажната цена на бензинот ЕУРОСУПЕР БС-95 се намалува за 3,00 ден/лит, додека малопродажните цени на бензинот ЕУРОСУПЕР БС-98, ЕУРОДИЗЕЛ (Д-Е...

Македонија3 часа

Макрон: Се отвора историска можност, изборот е ваш

„Повторно Северна Македонија се наоѓа пред клучен момент од својата историја. Седумнаесет години по добивањето кандидатски статус, штотуку се отвора...

Македонија3 часа

Нови 355 заразени со ковид и двајца починати

Согласно податоците од Институтот за јавно здравје, Министерството за здравство информира дека во последните 24 часа: Направени се 1.129 тестови,...

Македонија4 часа

Чулев: Оставки на Спасовски и Османи затоа што тргнаа против својот народ

„На вчерашниот протест Оливер Спасовски и неговите партиски пулени, исклучиво раководејќи се од партиски интереси и желба за зачувување на...

Македонија5 часа

Приведен 18-годишник кој фрли молотов коктел кон Собранието

Во текот на вчерашното деноноќие приведено е 18-годишно момче кое фрли молотов коктел кон зградата на Собранието, соопшти МВР. Станува...

Македонија6 часа

Вечерва нов протест во Скопје – „Ултиматум – НЕ благодарам“

„Нема враќање чекор назад. Нема отстапување од Македонија. Денес продолжуваме, масовно, мирно и гордо во 19:00 часот пред Влада, преку...

Македонија7 часа

Пендаровски: Неприфатливо е користење и поттикнување насилство во политички цели

Претседателот Стево Пендаровски се огласи по вчерашниот инцидент за време на протестите против францускиот предлог. „Неприфатливо е користење насилство и...

Економија7 часа

Лајен: Европа мора да се подготви за целосно прекинување на испораките на руски гас

Европската Унија мора да се подготви за потенцијално целосно суспендирање на испораките на руски гас, изјави претседателката на Европската комисија,...

Свет7 часа

Војната во Украина во фокусот на самитот на Г20 во Индонезија

Министрите за надворешни работи на Групата 20 (Г20) денеска доаѓаат на Бали, Индонезија, на разговори во кои ќе доминира конфликтот...

Македонија18 часа

Мицкоски: Подолго време добивам информации за моја елиминација

Лидерот на ВМРО-ДПМНЕ, Христијан Мицкоски, тврди дека на денешниот протест при инцидентите кај „Мавровка“ имало намера да се изгуби човечки...

Македонија20 часа

Демонстрантите нападнати со камења и шишиња кај „Мавровка“

Демонстрантите што протестираа против францускиот предлог беа нападнати со стаклени шишиња и камења од група луѓе кај плоштадот Скендербег по...

Спорт20 часа

Ексклузивно интервју со Калин Ивановски: Верувам дека в недела можам да го освојам Вимблдон

Од Лондон, Ненад Живановски Калин Ивановски, осумнаесетгодишниот русокос скопјанец, веќе втора година по ред како единствен ја претставува Македонија на...

Македонија21 час

Маричиќ: Би можеле да ги завршиме преговорите до крајот на оваа деценија, шансата е сега

Вицепремиерот Бојан Маричиќ е убеден дека Македонија може да влезе во ЕУ ако го прифати францускиот предлог и ги почне...

Регион22 часа

Генчовска: Имаме џентлменски договор со Османи дека протоколите се прецизирани, нема да ги отвораме текстовите

Бугарија ќе преземе мерки против говорот на омраза што деновиве се случува Македонија, како што секогаш правиме, изјави бугарската министерката...

Македонија1 ден

(Видео) Митрески: Ќе дадеме наши предлог-заклучоци кои ќе се однесуваат на стратешките определби за членството во ЕУ

„Зборуваме за заклучоци коишто би се донеле евентуално по информацијата што ќе ја достави Владата до Собранието по која ние...

Македонија1 ден

(Видео) Порака со среден прст за францускиот предлог

Маж изведе перформанс пред Клубот на пратеници, испраќајќи порака до политичарите со среден прст. Тој со кацига на главата во...

Македонија1 ден

ДУИ: Се гледа кој е за Европа, а кој е против!

„Демократската унија за интеграција најостро го осудува антиевропското насилство на улиците на Скопје поттикнато и спроведено од проруските елементи во...

Македонија1 ден

Бибер: Францускиот предлог е катастрофа

Францускиот предлог за одблокирање на бугарското вето е катастрофа за проширувањето, смета експертот за Балканот, Флоријан Бибер. Бибер на Твитер...