Надворешна политика
Заклучоци од состанокот на ЦЕИ: Поголема поврзаност и интензивирање на макро-регионалните иницијативи
Инфраструктурното поврзување на регионот како главен фактор за економски развој на Западен Балкан, особено преку регионалните проекти со можност за искористување на средства од ЕУ, како и улогата на невладиниот сектор и можноста за негово активирање за засилени евроатлански интеграции беа главните теми на Министерскиот состанок на министрите на земјите членки на Централно европската иницијатива (ЦЕИ) кој во понеделикот се одржа во Охрид.
Во своето обраќање министерот за надворешни работи Никола Попоски, во улога на актуелен претседавач особено ја истакна конструктивната улога на Република Македонија во рамки на регионалната соработка како и искористувањето на можностите што ги нуди Иницијативата.
Тој ги увери присутните во почитувањето на основните стратешки цели на ЦЕИ, како поддршката на државите-членки во нивниот пат кон Европската интеграција, промоција на Европските стандарди, имплементација на мали и средни проекти, како и конвертирање на конструктивни идеи во иновативни резултати, како главни стожери на просперитетот на државите-членки на ЦЕИ.
„На денешниот министерски состанок го споделивме ставот дека за нашиот регион има многу заеднички работи кои се случиле, но она што е најзначајно е фактот дека имаме заедничка иднина во рамки на европското семејство. ЦЕИ е токму онаа регионална организација која се стреми кон интегрирање на сите земји од овој регион во рамки на Европската унија. Денеска разговаравме за нашата одлучност да градиме добрососедство и да ја зајакнеме регионалната соработка. Денеска се согласивме мисисијата на ЦЕИ да биде главен актер во понатамошната грижа за балканските држави кои не се дел од ЕУ да станат дел, што претставува единствен рецепт за постигнување стабилен безбеден и просперитетен регион. Покрај другото, договоривме проекти и декларации, а една од нив беше и на тема справување со миграциите кои во овој период се од особено значење за нашиот регион бидејќи сме соочени со нови трендови, досега не забележани на ова подрачје“ , истакна Попоски.
На состанокот присуствуваа министри за надворешни работи и шефови на делегации од државите-членки на ЦЕИ Македонија, Албанија, Австрија, Белорусија, Босна и Херцеговина, Бугарија, Хрватска, Чешка, Молдавија, Црна Гора, Полска, Романија, Србија, Словачка, Унгарија, Италија, Словенија и Украина
Република Македонија годинава е претседавач со ЦЕИ. Централната Европска Иницијатива е основана во 1989 година и претставува регионален меѓувладин форум посветен на поддршка на европската интеграција преку соработката со државите-членки. Ги комбинира мултилатералната дипломатија и проектниот менаџмент, двострано и како донор и како реципиент, истовремено премостувајќи ги европските макро- региони./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.