Македонија
Обвинетите од „Дива населба“ бараат предметот да го преземе Катица Јанева
Одбраната на обвинетите за тероризам за мајските инциденти во кумановската населба „Дива населба“ на седницата за оценка на обвинителниот акт побара изземање на обвинителот од Јавното обвинителство за организиран криминал и корупција и предметот да го преземе Специјалното обвинителство.
Според одбраната, овој предмет произлегувал од незаконско прислушуваните разговори. Судскиот совет, составен од судиите Огнен Ставрев, Јани Нича и судијката Љубинка Башеска, иако им образложи на бранителите дека судот не е надлежен за ова ниво барање,сепак, решаваше за ова и одлучи ова барање да биде испратено на повисоко ниво, односно до Јавното обвинителство.Адвокатот Насер Рауфи рече дека иако седум месеци обвинетите се во притвор на никого не му бил дозволен увид во списите на предметот и никој не видел никакви докази. Дел од обвинетите имале здравствени проблеми и еден од адвокатите побара да се утврди нивната здравствена состојба. Еден од обвинетите стана и се пожали до судот дека „ногата му била за операција“ и имале тешки телесни повреди Јавната седница за настаните во Куманово се одржува во големата сала во Врховниот суд, за да се соберат сите 29 обвинети за тероризам. Пред влезот на судот беа насобрани роднините на обвинетите, а сите згради во судот ги обезбедуваат полицајци и специјалци. Новинарите пред влезот беа детално претресувани и судењето започна со речиси еден час задоцнување. Обвинителот Наум Пановски прочита краток дел од обвинението за нападот на полициската станица Гошинце и за настаните во Куманово.Според обвинението, вечерта на 9-ти мај припадниците на Единицата за специјални задачи постапувале по судска наредба за вршење на претрес со цел да ги лишат од слобода лицата инволвирани во инцидентот во Полициската станица Гошинце. Приближувајќи се кон објектот каде требало да извршат претрес вооружената група фрлила рачна бомба кон полицајците. Потоа пукале со автоматско оружје и снајпери, а борбите траеле цела вечер и другиот ден. Следниот ден вечерта голем дел од групата биле приведени, а 18 од нив носеле униформи на УЧК.Во судот се појавија водачите на група Сами Укшими, командант Соколи и Мухамед Красниќи, командант Малишева, додека другите двајца водачи Бег Ризај и Мирсад Ндрецај, официјално, загинаа во борбите. Во јавноста се појавија информации дека разузнавачи од македонските тајни служби биле вмешани во договарање на инцидентите во Куманово, а се објавија и разговори меѓу Ндрецај и агент од македонските тајни служби.Во инцидентите во Куманово загинаа осуммина полицајци и десетмина припадници на вооружената група. Судскиот совет за оценка обвинението треба да одлучи дали ќе го прифати обвинителниот акт против групата./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.