Контакт

Македонија

„Од сон до сонце” – логото на одбележувањето на 2 Август – Илинден

Објавено пред

„Од сон до сонце” е логото под кое оваа година ќе се одвива одбележувањето на големиот македонски државен празник 2 Август во кој се одбележува 70 годишнината од одржувањето на АСНОМ и 111 годишнината од Илинденското востание, соопшти во сабота портпаролот на Владата, Александар Ѓорѓиев.

„Она што нашите предци го изградиле во минатото, е нашиот најцврст темел врз кој што ја градиме нашата иднина. Сонот за кој што тие се бореле, е слободата во која што живееме денес. Да продолжиме да се движиме напред, кон сигурна иднина, затоа што секоја наша победа денес, е нов Илинден за идните поколенија”, е пораката која Република Македонија ја испраќа за овој празник, на тој начин правејќи симболично поврзување на минатото, сегашноста и иднината, промоција на вредностите и придобивките“, рече Ѓорѓиев.           

Владата на Република Македонија на седница усвои програма за одбележување на празникот 2 Август – Илинден, Денот на Републиката што предвидува повеќедневно одбележување на празникот, односно одбележување во текот на целата следна недела, а во неа се содржат поголем број на активности од културен, образовен, спортски и државнички карактер.           

Програмата започнува од 28-ми јули, кога ќе се организира планинарскиот илинденски марш, кој ќе започне во Скопје, на 2-риавгуст ќе помине во Крушево и ќе заврши во Охрид. Во рамките на спортските активности е предвидена и велосипедска тура, односно велосипедски караван кој симболично ќе започне во Крушево на 31-ви јули, ќе помине низ неколку градови, а ќе заврши на Пелинце на 2-ри август. Предвидено е и симболично освојување, односно искачување на највисокиот врв во Република Македонија, Кораб, и симболично искачување на Славеј Планина каде што е формиран првиот партизански баталјон кој е зачетник на денешната Армија на Република Македонија.           

Во рамките на програмата од културен карактер, во музеите низ Македонија ќе бидат организирани историски поставки кои асоцираат и кореспондираат со Илинденското востание и со АСНОМ, а централната поставка е во организација на Државниот архив и ќе биде поставена во објектот на Македонската академија на науките и уметностите, со тематика на документи од овие периоди кои се одбележуваат. Воениот оркестар ќе одржи концерт, главниот одбор на Сојузот на борците ќе има свечена седница во Домот на АРМ во Скопје, а членовите на Сојузот на борците ќе бидат примени на средба кај претседателот на Републиката Ѓорге Иванов.           

Во соработка со Универзитетот „Свети Кирил и Методиј“ ќе биде организирана научно-образовна трибина за вредностите и придобивките од Илинденското востание и од АСНОМ, и нивното значење за понатамошниот развој на државата. 

Значајно учество во одбележувањето на празникот ќе земе и националниот сервис Македонската радио телевизија, со емитување на богата филмска и документарна програма со тематика од Илинденскиот период или пак Народноослободителната борба и АСНОМ, која ќе започне со реализација од 28-ми јули до 3-ти август. Во рамките на оваа програма ќе бидат емитувани филмовите Републиката во пламен, Мис Стон, Најдолгиот пат, Македонскиот дел од пеколот, Денови на искушението, Волчја ноќ и Пресуда, и ќе бидат реемитувани култните серии Волшебното самарче и Тврдокорните. Ќе бидат емитувани и серијалите Илинденска епопеја, АСНОМ, Македонски фронт и Јуначко колено.           

Свечената академија ќе биде организирана од страна на Македонската академија на науките и уметностите, и на неа ќе присуствува државниот врв, а говорници ќе бидат претседателот на МАНУ, Владо Камбовски и претставник на Сојузот на борците.           

Владата на Република Македонија им укажа и препорача на општините во Република Македонија, со активности по свој избор организирани на локално ниво во периодот од следната недела, да се вклучат во одбележувањето на празникот.            

Централната прослава на празникот ќе се одвива на Пелинце, во Крушево и во Скопје. На Пелинце каде што ќе се одбележи 70 годишнината на АСНОМ ќе говори премиерот Никола Груевски, претседателот на македонското собрание Трајко Велјановски ќе говори на централната манифестација во Крушево каде што ќе се одбележи 111 годишнината од Илинденското востание, а претседателот на Републиката Ѓорге Иванов ќе се обрати на централната прослава во Скопје. 

Како и секоја година, Владата на Република Македонија ќе организира бесплатен автобуски превоз од целата територија на државата за оние граѓани кои имаат желба да присуствуваат на централните прослави во Пелинце и Крушево, а распоредот на автобусите, времето и локациите за нивно тргнување и враќање ќе бидат објавени во текот на следните денови.крај/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Заев: За три години ги остваривме стрешките цели, членка сме на НАТО, почнуваме преговори со ЕУ

Објавено пред

За само 2,5 години постигнавме многу, заедно успеавме од заробена држава да ја внесеме земјата во НАТО, да ги откочиме интегративните процеси и цврсто да зачекориме кон ЕУ. За само три години преку одговорни и државнички одлуки ги остваривме стратешките цели на државата и се гордееме со тоа што заедно со сите наши граѓани, истакна претседателот на СДСМ, Зоран Заев.

„ Денес ние сме 30 земја членка на НАТО, на иста маса со најмоќните, најсилни и најразвиени земји. Денес, нашите граници се обезбедени, нашиот мир е загарантиран. Денес Северна Македонија е пред почеток на процесот на преговори со ЕУ, наскоро ги отвораме и првите поглавја.

Сето ова го остваривме зачувувајќи го македонскиот идентитет, важен за нас Македонците. Благодарни сме на Албанците, Ромите, Србите, Власите, Турците, Бошњаците и на сите други помалку бројни етнички заедници за солидарност која ја имаа за решавање на оваа прашање.

Како предводник на најголемата мултиетничка коалиција во државата горди сме што успеавме заедно, Македонци, Албанци, Срби, Турци, Роми, Власи, сите. Речиси три децении нашата држава споро чекореше кон интеграција во ЕУ и НАТО, наша цел поставена уште од Денот на независноста. 11 години со ВМРО-ДПМНЕ тоа беше невозможна мисија, наместо интеграција, имавме изолација, наместо напредок, имавме режим, етнички тензии и поделби.

Ние, за само три години покажавме дека можеме, можеме да ги решиме споровите, можеме да ги отвориме вратите на ЕУ и НАТО, да ги отвориме Фондовите за сите наши граѓани. 2,5 милијарди евра европски пари ни стојат на располагање во следниот период. Европски пари за европски стандарди дома но и за полесно справување со последиците од коронавирусот.

Подготвени сме, знаеме и можеме да отвориме 80 отсто од поглавјата до 2024 а за шест години, да го затвориме целиот преговарачки процес со Европската унија. Ова е нашата понуда за следните 4 години. Точно знаеме каква држава сакаме да биде Северна Македонија во 2024 година. Слободна, демократска, европска држава, интегрирана, пријател со соседите.

Од другата страна, од ВМРО-ДПМНЕ немаме ништо освен обнова на режим со истите луѓе на Никола Груевски, нема ништо освен нова изолација, нови кавги внатре и со соседите. Затоа е важно да не застанеме, заедно да продолжиме, да го завршиме започнатото.

На 15 јули се носи уште една голема одлука. Одлучуваме за иднината, наша и иднината и на нашите деца. Одлучуваме дали ќе продолжиме напред или ќе се вратиме назад во минато, поделби, изолација и режим.

Само глас за коалицијата Можеме е сигурност за да продолжиме напред и да не ја доведеме во опасност државата од ВМРО-ДПМНЕ. Затоа ве повикувам масовно да излеземе на гласање на 15 јули. Да одбереме да продолжиме на прав пат кон ЕУ и НАТО. Ја бараме вашата поддршка за да продолжиме напред уште побрзо. Заедно можеме, уште повеќе и уште подобро“ порача Заев.

Прикажи повеќе...

Македонија

Кекеновски: Груевски ќе го вратиме во рок од 90 дена, а украдените пари ќе ги поделиме на народот

Објавено пред

Се плашиме дека по изборите ќе ни се преслика здравствената ситуацијата од Србија, порача од општина Ѓорче Петров носителот на листа во ИЕ 2 од коалицијата „Никогаш северна, само Македонија“, Јове Кекеновски.

„Неспобниот технички министер познат по пиши-бриши уредбите, на сметка на мртвите и жртвите се пуштил во ловење на гласови. Ветува брда и долини, а не гледа дека бројот на зарзени постојно расте“, посочи Кекеновски.

Според него, иста како несовесниот технички премиер е и министерката за правда.

„Нејзините пратиски колеги и функционери му овозможија на Груевски да избега во Будимпешта, а таа не мрднува ниту со најмалиот прст да го врати и да одговара за другите злодела“, кажа претставникот на коалицијата.

Кекеновски пред граѓните се обврза дека доколку коалицијата стане дела од законодаваната и извршната власт, во рок од 90 дена ќе го врати Груевски.

„Онака како што и замина, така ќе биде и вратен, а украдените пари ќе бидат поделени на граѓаните“, кажа тој.

Коалицијата „Никогаш северна, само Македонија“ смета и дека уставните судии се срам за државата и затоа бара нивна оставка.

На крајот од своето обраќање во Ѓорче Петров, Кекеновски кажа дека претставниците од коалицијата како дел од извршната власт би имале максимална соработка со единиците на локалната самоуправа без разлика на нивната партиска припадност.

„Ниту еден проект, ниту еден закон кој се однесува до ЛС не ќе смее да биде донесен без претходно истиот да биде косултиран од страна на нашите пратеници со базата од која се избрани“, порача Кекеновски.

Прикажи повеќе...

Македонија

Димитровски: Напредокот во европските интеграции го постигнавме со болни отстапки, но тој е најдобриот начин да ги надминеме сите проблеми

Објавено пред

Демократскиот сојуз оваа година одбележува јубилеј 20 години од формирањето на партијата, а тоа се совпаѓа со предвремените парламентарни избори што ќе се одржат на 15 јули. Веќе две децении Демократскиот сојуз е препознатлив по својата автентична политичка програма и енергичното залагање на нашиот претседател Павле Трајанов за создавање правна држава, борба против организираниот криминал и корупцијата, деполитизирани институции, слободни медиуми, изјави Зоран Димитровски, генерален секретар на партијата.

„ Изборната програма на Демократскиот сојуз за овие избори оди под мотото „За Европска Македонија“. Нашето дведецениско залагање за европски вредности и стандарди во Македонија е причината што на овие избори Демократскиот сојуз настапува заедно со коалицијата „Можеме“ што ја предводи СДСМ.

Сметаме дека со членството во НАТО и почетокот на преговорите за членство во ЕУ, кои очекуваме да започнат до крајот на оваа година, во Македонија конечно ќе почнат да се почитуваат високите европски стандарди на правдата, слободата и демократијата. Напредокот во европските интеграции го постигнавме со болни отстапки, но тој е најдобриот начин да ги надминеме сите проблеми со кои се соочуваме. Пред се, здравствената и економската криза, но исто така да го реформираме судството, да ја направиме правдата еднаква и достижна за сите, да создадеме услови младите луѓе да останат да живеат во Македонија, да ги кренеме стандардите на демократијата.

За сите овие предизвици, во нашата изборна програма има оригинални решенија, кои се надеваме дека ќе станат дел од владината програма на победничката коалиција.

Демократскиот сојуз ќе го одржи својот Шести Конгрес во сабота на 11 јули во 11 часот пред Хотелот „Белви“ со почитување на сите заштитни мерки и здравствени протоколи. Конгресот ќе биде изборен, каде што ќе бидат избрани нови раководни тела на партијата, Централен совет и претседател.

Инаку, на листата на кандидатите на коалицијата за пратеници во ИЕ 4 е нашиот претседател Павле Трајанов.

Почитувани граѓани, Ве повикуваме да гласате за кандидатите под реден број 3 на коалицијата „Можеме“!“ порача Димитровски.

Прикажи повеќе...

Најново

Регион1 час

Без гушкање и бакнување, дозволен само бакнеж на младенците: Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет2 часа

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Регион2 часа

(Видео) Полицијата нападнала две новинарки на протестот во Белград

Две новинарки на порталот „Нова.рс“ вчера биле нападнати од страна на полицијата на протестот во Белград. Порталот објави дека новинарката...

Топ2 часа

Комбе со 50 мигранти се превртело на патот Валандово – Струмица, возачот побегнал

Во вечерните часови на 8 јули на регионалниот пат Валандово – Струмица, пред крстосницата за село Раборци, се превртело комбе...

Македонија3 часа

Глоба за угостителски објект, на иста маса седеле четири лица што не биле од исто семејство

Обвинителството предложи глоби за угостителски објект во Скопје и за управителот на правното лице поради непочитување на мерките за заштита...

Регион4 часа

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но рече...

Македонија5 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион5 часа

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија5 часа

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион15 часа

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион16 часа

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион17 часа

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Свет20 часа

Бројот на заболени од коронавирус низ целиот свет надмина 12 милиони

Низ целиот свет oд новиот коронавирус досега се заразиле над 12 милиони луѓе, односно 12.002.132, според најновите податоци објавени на...

Регион21 час

Вучиќ: Имаме сознанија за вмешаност на странски служби во вчерашниот протест

Претседателот на Србија, Александар Вучиќ, ги осуди синоќешните протести организирани пред националното собрание, оценувајќи ги како акт на политичко насилство....

Македонија22 часа

За гласање на изборите се пријавиле 137 заболени од коронавирус

Вкупно 137 лица позитивни на коронавирус се пријавиле за гласање на предвремените парламентарни избори, а Државната изборна комисија добила пријави...

Македонија23 часа

163 новозаболени од Ковид-19 во земјата, починаа осум лица

Министерството за здравство информира дека во последните 24 часа се направени 1.794 тестирања, а регистрирани се 163 нови случаи на...

Македонија1 ден

Владата итно ќе одлучува за ПЦР-тестот за патници од регионот

Премиерот Оливер Спасовски информира дека Комисијата за заразни болести ѝ препорачала на Владата од утре при влез во нашата земја...

Регион1 ден

Белград по синоќешниот хаос – запалени автомобили, смет, скршени стакла

Заменик-градоначалникот на Белград, Горан Весиќ, објави на „Фејсбук“ фотографии од хаосот што остана на улиците на Белград по синоќешните немири....

Регион1 ден

(Видео) Демонстрант во Белград: Тато, ова е за тебе затоа што почина бидејќи немаше респиратор

Новинарка на телевизијата „Н1“ пред српскиот парламент ја сними шокантната исповед на Петар Ѓуриќ, син на познатиот уметник Љубиша Ѓуриќ,...

Регион1 ден

(Видео) Полицијата со палка тепа момчиња што мирно седат на клупа во Белград

Полицијата во Белград, по неколкучасовни масовни протести, почна да ги тепа луѓето, дури и оние што седат мирно. Како што...

Досие