Македонија
Околу педесет лица во Драчево затруени со салмонела
Со висока температура, повраќања, проливи, дехидрирање и физичка слабост деновиве околу 50 лица биле згрижени во Инфективната клиника во Скопје откако било констатирано дека кај сите нив станува збор за затрување со салмонела.
Лекарите од клиниката соопштиле за Дневник, дека станува збор за поголем број лица кои во изјава сите посочиле дека претходно консумирале храна од позната сендвичара во скопската населба Драчево.
Според последните информации околу 12 лица биле задржани на Инфективната клиника, а меѓу нив имало и една 29-годишна трудница.
Првиот пациент бил примен ноќта меѓу вторник и среда.
Првичните претпоставки се дека сите имаат бактериска цревна инфекција, но се чекаат резултатите од ИЈЗ за дефинитивно лоцирање на причинителот.
„Моите две деца сега се дома, но вчера имаа критичен ден. Повраќаа, има силни проливи и температура. Но, мојата внука, која има 4 години, е сместена на клиниката и прима инфузија. Се спаси само мојата снаа, која е бремена и одбила да и стават мајонез во сендвичот со плескавици. Многу сме уплашени оти девојчето е мало и кревко. А купивме сендвичи од место кое е многу познато во населбата, бевме убедени дека храната е во исправна состојба. На клиниката лекарите при приемот на девојчето ни рекоа дека сме едни од педесетината деца што се затруени од сендвичи купени во сендвичарницата во Драчево. Ова навистина не уплаши од каде да купуваме храна и со што да ги храниме кога од секаде ги демне опасност“, вели Бобан Ѓуриќ, родител на двете деца што се затруле, пренесува Дневник.
Весникот пишува дека ниту еден лекар на Инфективната клиника во Скопје не сакал да ја коментира состојбата на децата со образложение дека одговорните што треба да дадат изјава се на годишен одмор./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.