Македонија
Општина Кисела Вода: Одбележан Светскиот ден на хуманоста, подароци и нови можности за децата од згрижувачките семејства
Денеска, на 19 август, кога се одбележува Светскиот ден на хуманоста, градоначалничката на Општина Кисела Вода, Бети Стаменкоска Трајкоска, заедно со директорката на Центарот за поддршка на згрижувачки семејства при ЈУ Детски дом „11 Октомври“, Павлина Трајановска, посетија дел од дечињата без родителска грижа кои се сместени во згрижувачки семејства на територијата на општината.
Од општината велат дека вистинската хуманост на дело се покажува токму преку грижата за најмладите и обезбедувањето поддршка за децата на кои таа им е најпотребна. За време на посетата, на дечињата им беа поделени ваучери за набавка на училишен прибор и материјали, а за сите нив општината ќе обезбеди и училишни ранци.
Според податоците, на територијата на Кисела Вода во моментов функционираат 8 згрижувачки семејства и 6 роднински згрижувачки семејства, каде што се згрижени вкупно 18 деца без родители и родителска грижа.
„Општина Кисела Вода континуирано се грижи за ранливите категории граѓани. За сите овие деца и нивните згрижувачки семејства, локалната самоуправа ќе овозможи бесплатно користење на низа општински услуги, мерки и субвенции кои значително ќе го олеснат нивното секојдневие и едукација. Пакетот мерки кои ќе важат за нив опфаќа бесплатни ранци и прибор за првачињата, бесплатни логопедско-дефектолошки третмани и психолошка поддршка на семејствата, субвенционирање на целодневен престој за децата во јавните детски градинки, субвенционирање на месечните сметки за дневен (продолжен) престој за учениците, како и бесплатни училишни униформи“.
-Хуманоста не се покажува само преку зборови, туку преку дела и реална поддршка. Децата се нашата иднина, а наша должност е да им овозможиме еднакви услови за раст, развој и образование. Сите мерки, можности и субвенции кои ги нуди Општина Кисела Вода им стојат целосно на располагање на овие деца и нивните згрижувачи. Општината останува отворена и достапна за овие семејства во секоја сфера од општинското функционирање. Во соработка со Центарот за поддршка на згрижувачки семејства при ЈУ Детски дом „11 Октомври“, континуирано работиме и посветено ќе продолжиме да делуваме преку кампања за јакнење на свеста кај локалното население, со цел да поттикнеме отворање на повеќе вакви семејства. Само така ќе овозможиме повеќе деца да добијат соодветна грижа, топол дом и љубов- изјави градоначалничката Бети Стаменкоска Трајкоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сиљановска-Давкова по повод 11 Октомври: Имаме обврска да градиме демократска, правна и просперитетна држава
Претседателката Гордана Сиљановска-Давкова по повод 11 Октомври – Денот на народното востание, порача дека жртвата на востаниците и партизаните е...
Од утре под лупа на „Безбеден град“ и возачите во Охрид, Струга, Кичево и Дебар
Системот за сообраќаен надзор „Безбеден град“ од утре, 12 октомври, ќе почне да функционира и во Охрид, Струга, Кичево и...
ЛДП: За владините функции има пари, а за судии и обвинители нема
Правосудниот систем во Македонија се соочува со сериозни проблеми поради недоволното финансирање, недостигот од кадар и политичките влијанија, реагираат од...
Попова Шапка и Берово со најниска утринска температура од 8 степени
Попова Шапка и Берово утрово беа најстудените места во земјава, со измерени минимални температури од 8 степени Целзиусови. Температура од...
По 50 години прв случај на беснило кај ракун во Лос Анџелес
Здравствените власти на округот Лос Анџелес денеска ги предупредија жителите да избегнуваат контакт со диви животни, откако во Вестлејк Вилиџ...
Македонија го чествува 11 Октомври – Денот на народното востание
Денеска е 11 Октомври, 85 години од Народното востание на македонскиот народ. Во 1941 година се случува неповторлив и клучен...
Сметот од Куманово ќе се носи во Дрисла, Димитриевски им се извини на сограѓаните
Сметот од Куманово од вечерва привремено ќе се транспортира и депонира на депонијата Дрисла во Скопје, откако се појави проблем...
Кардиолог открива како неправилното чување го уништува „течното злато“
Маслиновото масло е познато по своите корисни својства и поволното влијание врз здравјето на срцето, но начинот на кој се...
Утрово затворена лева лентата на мостот „Близнак“ поради санација на оградата
Дел од булеварот „Киро Глигоров“, на мостот „Близнак“ во правец кон населбата Аеродром, утрово од 6 до 8 часот ќе...