Општина Куманово објави повик до граѓаните да пријават штети од невремето

Општина Куманово ги известува граѓаните кои претрпеле штета од обилните врнежи од дожд во текот на вчерашниот ден, да поднесат барање до комисијата за процена на вредност на штета од природни несреќи и други непогоди во архивата на Општина Куманово, најдоцна до 10 јули (петок).

Во прилог на Барањето, потребно е да се достави следната документација: Копија од личен документ (лична карта) за физички лица, или решение / тековна состојба од регистрација во Централен регистар за правни субјекти – сопственици на имотот; Копија од имотен лист за објектите кои претрпеле оштетувања од поплавите; Копија од трансакциска сметка на сопственикот.

Доколку потребната документација не биде доставена при поднесувањето на Барањето, претставниците од Комисијата ќе ги информираат барателите за дополнување на истата при увид на лице место.

Градоначалникот на Куманово, Максим Димитриевски, објави дека во текот на ноќта, екипите на ЈП „Чистота и зеленило“ извршиле машинско миење на улиците и булеварите низ градот, со цел отстранување на наносите и нечистотиите што останаа по обилните врнежи.