Надворешна политика
Муцунски: Слободните медиуми се клучни за развој на демократијата
Слободата на изразување претставува основен столб за развојот на демократијата, а клучната улога во тоа ја имаат слободните медиуми рече во вторникот заменик министерот за информатичко општество и администрација Тимчо Муцунски.
Муцунски задно со амбасадорот на Република Македонија при Организацијата а безбедност и соработка во Европа (ОБСЕ) Кире Илиоски, учествуваше на конференцијата на високо ниво, насловена „Слободата на медиумите во Западен Балкан“, што се одржа во Виена, во организација на австриското претседателство со ОБСЕ, а во соработка со Канцеларијата на ОБСЕ за слобода на медиумите.
Муцунски се обрати на воведната сесија на конференцијата, при што истакна дека слободата на изразување претставува основен столб за развојот на демократијата, а клучната улога во тоа ја имаат слободните медиуми и притоа се осврна на важноста на квалитетното и професионално новинарство кое како што потенцираше, треба целосно да се поддржи, заштити и негува.
Според заменик министерот, обезбедувањето слобода на изразување, слободни и плурални медиуми, бара континуирано следење на состојбите и соодветно преземање мерки и активности од страна на различни субјекти и во различни области.
„Усогласувањето со меѓународните стандарди е битно прашање во процесот на регулација на медиумската сфера. Но, круцијално е и создавањето на саморегулација која се базира на принципите на транспарентност и отчетност, а истовремено промовира и етичко известување”, рече Муцунски.
Свои обраќања на воведната сесија имаа и Претседавачот со ОБСЕ за 2017 година и Министер за надворешни работи на Република Австрија, Себастијан Курц, како и Дуња Мијатовиќ , претставник на ОБСЕ за слобода на медиумите.
Конференцијата имаше за цел, да обезбеди платформа за размена на иницијативи и најдобри практики во однос на важните прашања поврзани со слободата на медиумите кај земјите од регионот, со посебен акцент на безбедноста на новинарите и медиумската етика. На неа учествуваа високи претставници на ОБСЕ, регионални експерти, претставници на граѓански организации, министри и други високи владини претставници од регионот, кои дискутираа за прашања поврзани со задржувањето на професионалните стандарди и довербата во медиумите кои треба да останат независни и непристрасни./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.