Општество
Двојките од „Танц со ѕвездите" ќе танцуваат за Боро Стаиќ
Двојките од светски познатото шоу „Танц со ѕвездите” својот талент и вештините кои ги стекнаа овие неколку месеци со учеството во ова шоу, ќе ги донираат на хуманитарниот концерт наменет за собирање средства за лекување на Боро Стајиќ.
Поттикнати од желбата на сестрата на Боро, танцовите двојки од ова шоу ќе го отворат концертот со танго, танго кое се надеваат и посакуваат за некое време Боро заедно со неговата сестра да го заигра и со тоа да ја исполни желбата на Јана Стајиќ.
„Она што најмалку можам да го направам е да играм, пеам и помогнам за Боро… Од душа ќе играм танго, а играјќи ќе се молам за денот кога истото ќе можам да го направам со Боро… и верувам дека тоа ќе се случи. Знам!”, вели Викторија Лоба, една од ѕвездите која со својот партнер ќе игра на овој хуманитарен хепенинг.
Боро Стаиќ е 18 годишен тинејџер кој минатото лето, при скок во вода се здоби со повреда на 4. и 5. р’бетен пршлен. Како последица на повредата има целосна парализа на рацете и нозете (tetraplegia). Неговиот живот доби сосема поинаков тек. Од тогаш, единствена желба му е да оздрави, да ја поврати функцијата на рацете и нозете и да живее достоинствен и исполнет живот. Во борба за исполнување на неговата желба сите негови роднини, пријатели, познаници започнаа секакви хуманитарни акции ширум државата, но она што следи и она кое што ќе се случи во Универзална Сала на 03.04.2013 е вистински мевлем за душа. Концертно шоу на ултра познатите Нокаут, Игор Џамбазов, Леб и Сол, Бени и Нон Стоп, подготвено со комплетен оркестар, спектакуларно лајт шоу, интимна атмосфера и вистински вредности ќе бидат главните поставки за кои вреди да бидете сведоци но притоа да бидете хуманитарни.
Цената на влезниците изнесува 500 МКД, а истите може да се купуваат веќе од 15.03.2013 год. во сите продажни места на www.kupikartizase.com ( „ Југотон”, „Нико Фон”, „Моби Клуб Плус”, Цвеќарница „Розе Веро” 2, Спортски центар „Борис Трајковски”,„ ТНТ ИТ Маркет”, kupikarti.com City Mall) и на билетарницата на Универзална сала. За оние кои не се во можност да танцуваат со двојките од шоуто „Танц со ѕвездите”, за оние кои не се во можност да ги слушаат неповторливите состави, за оние кои сочувствуваат…
Денарска сметка: Сметка: 210-700000600857 Назив: Луиза Стајиќ за лекување на дете Боро СтајиќБанка: НЛБ Тутунска Банка АД Скопје, ул. Водњанска бр.1, Скопје
Девизна сметка : IBAN Code: MK07210501594890345 Name of account owner: Zoran StajikjBank name: NLB Tutunska Banka A.D. Skopje , Vodnjanska br.1 Skopje SWIFT : TUTUNMK22
ТЕЛЕФОНСКИ ЛИНИИ на кои можете да донирате 100 ден/повик:070/143-112075/143-171077/143-402/крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.