Општество
Американски доктори почнаа да обучуваат македонски колеги
Министерот за здравство, Никола Тодоров во вторник го посети Центарот за континуирана медицинска едукација, по повод почеток на обука која ја спроведува траума-тимот од доктори од САД, во рамки на проектот за престој на странски специјалисти во Република Македонија.
Траума–тимот (кој е дел од 50 доктори од САД кои до крајот на годинава ќе престојуваат во РМ во рамки на проектот за престој на странски специјалисти), од денес врши тридневна обука (Advanced trauma training) за докторите од одделенијата за трауматологија од јавните здравствени установи во РМ.
Обуката опфаќа 20 доктори од одделенијата за трауматологија при Универзитетската клиника за трауматологија, ортопедија, анестезиологија, реанимација, интензивно лекување и Ургентен центар (ТОАРИЛУЦ), Специјалната болница по хируршки болести Св.Наум Охридски, Клиничките болници во Штип, Битола и Тетово, Општата болница во Охрид и други.
Обуката е фокусирана на стандарди за унапредување на третманот на пациенти во животозагрозувачки состојби, со цел брзо, соодветно и правилно реагирање и спасување на животот на пациентите.
Едукацијата ја вршат шест доктори-специјалисти, од повеќе области, меѓу кои: анестезиологија, хирургија, васкуларна хирургија (реномираниот доктор Стивен Вебер кој престојува вкупно еден месец во РМ) и три доктора од итни медицински служби.
Станува збор за специјалисти со долгогодишно искуство во областа на трауматологија, како и во улога на едукатори за методи и стандарди на третирање на овие пациенти. Докторите од итните медицински служби во рамки на своето работно искуство имаат одржано голем број меѓународни обуки, едукации, семинари за третирање на пациенти во животозагрозувачка состојба (едниот доктор има 30-годишно, друг 20-годишно работно искуство, а васкуларниот хирург Стивен Вебер исто така има 20-годишно работно искуство). Едукативниот материјал за обуката е адаптиран на траума-стандардите кои се применуваат во 63 држави во светот.
Уште една ваква обука ќе се спроведе од 13 до 16 октомври и со неа ќе бидат опфатени уште 20 доктори од одделенијата за трауматологија од други јавни здравствени установи во РМ (кои не биле опфатени со првата обука), што значи вкупно 40 македонски доктори од одделенијата за трауматологија ќе ги унапредат и надградат знаењата и вештините за третирање на овие пациенти. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.