Општество
Демант од МО: Обезбедени се средстава за сите активности во АРМ
Одговорно тврдиме дека во буџетот на Министерството за одбрана планирани се и одобрени доволно средства за извршување на сите планирани активности во армијата. Динамиката на реализација на одобрените буџетски средства за оваа година овозможува непречено функционирање, дури и извршување на непланирани активности, како на пример, ангажирањето на значителни армиски капацитети во обезбедување на државната граница во справување со мигрантската криза.
Ова се ситакнува во реакцијата од средата на Министерството за одбрана во однос на инсинуациите на одредени портали поврзани со наводен недостиг од финансиски средства во буџетот на Министерството и наводната наредба за откажување на превозот за припадниците на армијата поради недоволноте финансиски средства,
Во демантот се потсетува дека министерот за одбрана Зоран Јолевски посочи оти надоместоците за припадниците на АРМ за нивниот ангажман на јужната граница се исплатени заклучно со април и првата половина на мај. Министерот, исто така, информираше и дека поради евентуални технички пропусти во единиците, можно е на мал број на припадници на АРМ да не им е исплатен пропишаниот надоместок.
„Во однос на превозот на припадниците на АРМ информираме дека тендерската процедура започна навремено и веќе се потпишаа договори за превоз на 23 линии. На барање на Генералштабот на АРМ, за 30 линии, поради високата цена понудена од фирмите, тендерската процедура е поништена и повторена. Воедно заради користењето на годишни одмори, како и ангажманот на јужната граница намален е бројот на корисници на организиран превоз, односно намален е бројот на автобуси кои се користат. Започната е нова процедура за набавка која очекуваме да заврши до крај на месец септември“, уверуват од Минситерството за одбрана.
Истакнуваат дека средствата за превоз на припадниците на АРМ, кои нема да користат организиран превоз, ќе им бидат надоместени согласно правилникот во Министерството за одбрана.
„Министерството за одбрана е згрозено од постојаното ширење на лаги и невистини од одредени портали, кои не се одважија одговор да побараат на вистинското место, туку сензационалистички удрија по гарантот на независноста, суверенитетот и територијалниот интегритет на нашата татковина“, се заклучува во ракцијата./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.