Општество
Доделени сертификатите на 27 „Pride“ тренери
– СОС Детско село Македонија, организираше доделување сертификати за 27 „PRIDE“ обучувачи, односно згрижувачи кои учествуваа во обуките.
Целта на „PRIDE“ програмата е да се зголеми квалитетот и достапноста на згрижувањето за децата без родителска грижа, нивна социјална инклузија и раст и развој во грижлива семејна средина каде се практикуваат детските права, како и да се унапредат капацитетите на професио-налците и згрижувачите и да се зајакне нивната компетентност преку обуки и да се унапреди институционалната рамка за оперативна и ефикасна испорака на услуги. Дополнителниот заменик министер за труд и социјална политика, Диме Спасов потенцираше дека Министерството ја продолжи и зголеми соработката со СОС Детско село, а со договорите за стратешка соработка овозможена е финансиска поддршка на згрижувачите, но и за младинците кои живеат во младинските куќи. Исто така, додаде Спасов, минатата година е реализирано зголемување на надоместокот за згрижувачки семеј-ства, кои навистина вршат хумана мисија во Македонија. Тоа нѐ задолжува да продолжиме со мерките кои го помагаат нивното функционирање и извршувањето на нивната мисија, заклу-чи Спасов.„PRIDE“ проектот, кој во Република Македонија започна во 2014 година влегува во завршна фаза. Поставивме амбициозни цели а сега гледам дека скоро ги исполнивме. „PRI-DE“ проектот беше насочен кон градење на капацитетите на згрижувачките семејства во Македонија и унапредување на грижата за деца згрижени во овие семејства. Спроведовме многу обуки во кои беа вклучени постоечки згрижувачи, потенцијални згрижувачи и професио-налци од Центрите за социјална работа од различни градови во Македонија. Искрено, се гордеам со постигнатите резултати. Успеавме да обучиме 141 згрижувачко семејство, да обучиме 114 професионалци од Центрите за социјална работа од различни градови на Репуб-лика Македонија и СОС Детско село Македонија од кои 49 се лиценцирани PRIDE обучувачи и успеавме да мотивираме 57 потенцијални згрижувачки семејства со можност за нивно вклу-чување во системот на згрижување во Република Македонија“, рече Марио Јанчев, Директорот за развој на програми при СОС Детско село Македо-нија.Со ова е направен голем исчекор кон подобра иднина за децата во системот на згрижување, се раз-бира и отворање на многу можности и придобивки за системот на социјална заштита во Македонија. Главни придобивки од програмата „PRIDE“ се стандардизираната методологија која ќе овозможи унифициран и единствен пристап при ангажман и вклучување на потенцијални згри-жувачи во системот на грижа за деца; Стандардизирана методологија која ќе овозможи унифициран пристап во суштинска континуирана поддршка на постоечките згрижувачи со што ќе се овозможи квалитет во грижата за децата; Унифицирано разбирање на компетенциите на згрижувачите, суштината и целите на згрижувањето на деца во системот на алтернативна грижа, помеѓу сите актери во системот, како и отворањето на можности за споделување на ресурсите и одговорностите во системот на згрижување на деца.„PRIDE“ е програма применувана во светски рамки и е признаена методологија со која се унапредува поддршката и грижата за децата во згрижувачките семејства. Дизајнирана е да го зајакне квалитетот на грижата за децата во згрижувачкото семејство и да ги подобри услугите, со стандардизиран избор и подготовка на згрижувачи. Програмата, исто така, обезбедува стручно оспособување и професионален развој на згрижувачите, но и на сите вклучени во процесот на поддршка на згрижувачките семејства./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.