Контакт

Општество

Европската мрежа „Жени против насилство“ и партнерските организации започнуваат со кампањата Step up!

Објавено пред

Европската мрежа „Жени против насилство“ (WAVE), чии членки се и Националниот совет за родова рамноправност и Националната мрежа против насилство врз жените и семејно насилство, од среда започнува европска кампања која ќе се одвива во текот на следните две години. Членките на WAVE ќе се залагаат за унапредување на правата на жените жртви на насилство и нивните деца за пристап до сервиси за поддршка и заштита. 

„Во многу земји во Европа не се вложува доволно во специјализирани сервиси за поддршка и, како последица на тоа, жените немаат каде да се обратат за соoдветна помош. Ги повикуваме институциите на ЕУ, националните влади и останатите чинители да ги засилат напорите за спречување на насилството врз жените!“, порача претседателката на WAVE, Роза Логар.

Насилството врз жените е најраспространета форма на кршење на човековите права и многу често има фатални последици. Општествените норми, предрасудите и стереотипите се дел од причините за големиот број непријавени случаи на родово засновано насилство. Во многу општества ова насилство се осудува, но во исто време и молчешкум се толерира. Но оваа појава влијае на сите нас, на целото општество.

Потребни се сервиси за поддршка за зајакнување на жените и искоренување на оваа појава. Затоа, од владите и чинителите во цела Европа бараме да се вложува повеќе во специјализирани сервиси кои работат од перспектива на човекови права и кои ќе влијаат за општествена промена, велат од организацијата.

Бројки кои говорат за недостигот од специјализирани сервиси (WAVE Извештај 2015):

–       Само 15 од 46 европски земји имаат СОС телефони кои функционираат 24/7 и се бесплатни

–       Во Европа недостигаат повеќе од 47,000 места во згрижувалишта за жени, особено во земјите кои пристапија во ЕУ по 2004 година и земјите кои сè уште не се во ЕУ

–       Во повеќето земји нема центри за поддршка на жени жртви на силување и сексуално насилство

–       За многу жени пристапот до специјализирани сервиси за поддршка е попречен, вклучувајќи жени-мигрантки, жени од етничките малцинства, постари жени и припаднички на ЛГБТИ заедницата.

Европската мрежа на жени против насилство (WAVE), Националниот совет за родова рамноправност и Националната мрежа против насилство врз жените и семејно насилство ги повикуваат носителите на одлуки на национално и европско ниво: активно да ги поддржат мерките за заштита на жените жртви на насилство; да се заложат за подобрување на пристапот до специјализирани сервиси за поддршка на сите жени и нивните деца; да се заложат за зголемување на бројот на специјализирани сервиси за поддршка и заштита на жените жртви на насилство и нивните деца; да се заложат за подобрување на квалитетот на сервисите за поддршка и за финансиска поддршка на женските организации кои ги нудат тие сервиси.

Поради тоа што насилството врз жените е општествен проблем кој влијае на економската слобода и потенцијал на жените и со тоа има огромни последици врз економијата во светски рамки, оваа кампања повикува на зголемување на инвестициите за поддршка на жртвите во Македонија и во Европа./крај/мф/бс

Македонија

(Фото) Црн крст исцртан пред домот на скопски бизнисмен

Објавено пред

Утрово пред домот на сопственикот на градежната компанија „Кубус“, Златко Тодоров, е испишан црн крст со неговото име, а истата порака ја има и на фасадите. МВР за „Макфакс“ го потврди случајот.

Фотографија од местото каде е исцртан крстот со името и презимето на бизнисменот

„На 18.02 во 8:30 часот З.Т. пријавил дека на улица Христо Смирненски има натпис на коловозот со испишана заканувачка порака при што истата порака ја има и на фасадите. Се преземаат мерки и активности за расчистување на случајот“. Минатата недела на неколку локации низ Скопје беа поставени натписи за истиот бизнисмен „Кој го штити Златко Тодоров во обвинителството и судот?“

Од полицијата известија дека во врска со опожарувањето на неговото возило, кое се случи лани, постапува скопското обвинителство. „Во врска со настан од 20.09.2018 година околу 4:00 часот на улица Христо Смирнески кога е опожарено патничко моторно возило Х5, со скопски регистарски ознаки сопственост на лицето К. Т. од Скопје кое го користел неговиот татко З. Т. од Скопје, од страна на увидна екипа од СВР Скопје беше извршен увид и преземени се соодветни мерки и активности. За случајот е известен и јавен обвинител кој во координација со МВР врз основ на прибавените докази дава насоки за расчистување на случајот“, велат од МВР за „Макфакс“.

Бизнисменот Златко Тодоров  рече за „Макфакс“ дека овие настани се последица од шестгодишното непостапување на обвинителстовото за кривичните пријави за случајот „Банки“. „Сите овие настани се последица на непостапувањето на обвинителството, по кривичните пријави, кои, по наши сознаија, МВР ги има поднесено во 2013 година и УБК преку БЈБ во 2017 година како и Упрвата за финансиската полиција“, вели Тодоров.

„Непостапувањето по кривичните пријави ги подгрева надежите на сторителите во аферата дека ќе се извлечат со вакви заплашувања и закани по живот. Арамиите се убедуваат дека ќе дојде до ослободување од процесот на кривично гонење. Во врска со натписите, во ‘Кубус’ нема еден купец кој побарал од нас аргументирано да постапиме дека има каков било проблем. Напротив. Склучени се и во тек на склучување има договори. Толку е за вербата што клиентите ја имаат во компанијата од 27 години работа.

Прикажи повеќе...

Македонија

Велешкото обвинителство сè уште утврдува одговорност за автобуската несреќа кај Катланово од 2017 година

Објавено пред

Велешкото јавно обвинителство сè уште утврдува каква одлука ќе донесе за автобуската несреќа што се случи во 2017 година кај Катланово, во која 27 патници кои се враќаа од одмор на Халкидики во Грција беа повредени, од кои една жена почина, а на деветгодишно девојче му беше ампутирана раката.

Од обвинителството за „Макфакс“ велат дека е направен увид, подигнати се траги и извршено е вештачење. Обвинителството прибавило лекарски извештаи за констатираната здравствена состојба кај секој од повредените патници со видот и карактерот на здобиените повреди.

Издадена е и наредба до Машинскиот факултет во Скопје за вештачење на автобусот при што е констатирано дека возилото ја напуштило асфалтираната патна подлога постепено, без да ја намали брзината.

„Од трагите на патот и во делот каде што возилото се движело делумно на патот, а делумно надвор од него, како и од записите на тахографот и врз основа на динамичка анализа на траекторијата на движење на возилото, се заклучи дека нема докази за дејство на командите на возилото како обид да се избегне настанот (кочење, нагло свртување и сл.)“, велат од обвинителството.

На возилото не се најдени технички неисправности кои може да бидат причина за настанување на незгодата. Сите оштетувања на возилото се последица од неговото напуштање на коловозот, контактите со металната ограда и натамошното неконтролирано движење надвор од патот. Надлежниот обвинител ги испитал сите оштетени и возачот на автобусот во својство на обвинет.

Од обвинитлеството информираат дека направени се сообраќајни вештачења од Бирото за судски вештачења Скопје и од Техничкиот факултет Битола.

„Причините за настанување на сообраќајната незгода ќе бидат предмет на натамошни проучувања од причина што усогласувањето на сообраќајните вештачења е примено во Основното јавно обвинителство Велес на ден 11.02.2019 година и предметот е во фаза на темелна јавнообвинителска обработка заради донесување на соодветна јавнообвинителска одлука“.

Во автобусот на „Бус травел“, кој се преврте при враќањето од Грција, се наоѓаа туристи на туристичката агенција „Савана“.

Прикажи повеќе...

Македонија

Обвинителството почна да ги испитува очевидците на автобуската несреќа кај Ласкарци

Објавено пред

Поради координација и поголема динамика во постапувањето на сите надлежни институции при утврдувањето на причините на автобуската несреќа што се случи на автопатот Скопје – Тетово кај селото Ласкарци, во скопското обвинителство се одржал работен состанок на претставници од обвинителството, Министерството за внатрешни работи, Бирото за судски вештачења, Машинскиот факултет во Скопје и на Институтот за судска медицина, криминалистика и медицинска деонтологија.

„Со цел да се обезбеди динамика во утврдувањето на сите релевантни факти и причините кои доведоа до несреќата, Основното јавно обвинителство Скопје во текот на денешниот ден започна со испитување на очевидците на настанот, а во текот на неделата свој исказ пред надлежен јавен обвинител ќе даде и возачот на автобусот“, соопшти обвинителството.

МВР ги доставило до обвинителството скицата, фотодокументацијата и други писмени прилози за сообраќајната несреќа, а треба да биде доставен и записникот за извршениот увид на местото на настанот.

Обвинителството издало наредби за обезбедување други писмени докази од правното лице „Дурмо турс“ – сопственик на автобусот, како и од ресорните министерства за транспорт и врски и за внатрешни работи.

„До Институтот за судска медицина, криминалистика и медицинска деонтологија беа доставени наредби за обдукции на сите починати лица, а од здравствените установи беше побарана комплетната медицинска документација за повредените“, се додава во соопштението.

Побарани се и листинзите од мобилниот телефон на возачот, а за самиот телефон  изготвена е наредба за вештачење, со цел да се утврди дали во критичното време возачот активно користел некоја од комуникациските врски на тој телефон. До Машинскиот факултет во Скопје во петокот беше доставена наредба за вештачење на техничката исправност на автобусот во моментот на несреќата.

Прикажи повеќе...

Најново

Топ5 часа

Се судрија автомобил и трактор, едно лице загина кај Доброште

Eдно лице загина, а едно добило сериозни повреди во сообраќајната несреќа што се случи на патот Тетово-Јажинце, кај селото Доброште. Како...

Македонија6 часа

Силјановска до Заев: Надвор сум од концептот во кој работа има само за децата на вашите функционери

Кандидатката за претседател на ВМРО-ДПМНЕ, Гордана Силјановска, се огласи на својот профил на „Фејсбук“ кога премиерот Зоран Заев изјави дека...

Македонија7 часа

Се бара притвор за девет лица што изработувале и продавале огнено оружје

Надлежниот јавен обвинител до судот ќе достави предлог за определување мерка притвор за учесниците во криминалната група која изразботувала и...

Македонија9 часа

„Макфакс“ и Групацијата Клип медија не планираат никаква соработка со Бојан Јовановски

Редакцијата на „Макфакс“ и Групацијата Клип медија целосно застануваат зад својата новинарка Мери Јордановска и како и досега, и во...

Македонија9 часа

ССНМ со осуда за заканите на Бојан Јовановски кон новинарката Мери Јордановска

Самостојниот синдикат на новинарите и на медиумските работници (ССНМ) најостро го осудува односот на де факто сопственикот на „1ТВ“, Бојан...

Македонија9 часа

Ванковска: Јавноста не го разбра зборот иронија, сега ми се закануваат со линч

Професорката Билјана Ванковска смета дека не направила недолична корелација со масакарот кај Карпалак од 2001 година и автобуската несреќа кај...

Македонија11 час

(Видео) Заев: Силјановска е спротивност на концептот едно општество за сите

Претседателскиот кандидат на ВМРО-ДПМНЕ, Гордана Силјановска, е надвор од секој можен концепт на актуелната власт и не е прифатливо решение...

Македонија11 час

Вонреден технички преглед се прави на сите 40 автобуси на „Дурмо турс“

Вонреден технички преглед се прави на сите автобуси на компанијата „Дурмо турс“ , дознава „Макфакс“. Вонредната проверка на исправноста на...

Македонија11 час

(Видео) Ахмети: Не е добро Заев да биде претседателски кандидат

Лидерoт на ДУИ, Али Ахмети, по денешната средба со премиерот Зоран Заев не сакаше да открие кои се кандидатите за...

Култура12 часа

Чудни коинциденции го следат победникот на „Санденс“, за „Медена земја“ и награда и дете

Телефонски повик непосредно пред премиерата што го добила екипата на трикратно наградениот македонски документарец на престижниот фестивал  „Санденс“ ги потресла...

Македонија12 часа

Прибе без одговор до каде е имплементацијата на реформите

Рајнхард Прибе, германскиот експерт за владеење на правото кој ги предводеше експертските групи на Европската комисија во Македонија, не даде...

Топ12 часа

Заев: Дел од роднините на функционерите ќе се повлечат од работните места

Дел од роднините на функционерите кои се вработија во државни институции најавиле повлекување на работните места, изјави премиерот Зоран Заев....

Македонија13 часа

Велешкото обвинителство сè уште утврдува одговорност за автобуската несреќа кај Катланово од 2017 година

Велешкото јавно обвинителство сè уште утврдува каква одлука ќе донесе за автобуската несреќа што се случи во 2017 година кај...

Македонија14 часа

Пешов: Нухиу на 27 април не ми даде команда за делување

При упадот во Собранието на Република Македонија на 27 април 2017 година, тогашниот министер за внатрешни работи, Агим Нухиу, не...

Македонија15 часа

(Видео) Илија Димовски не дојде на судење – бил во Брисел на состанок на НАТО

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го...

Свет17 часа

Шест загинати и тројца повредени во престрелка во Мексико Сити

Шест лица загинаа, а тројца други се повредени во вооружена престрелка на криминална банда во предградието Изтапалапа во Мексико Сити,...

Свет17 часа

Влошена здравствената состојба на Сергеј Скрипал

Здравјето на поранешниот руски полковник на ГРУ Сергеј Скрипал, кој во март минатата година во Лондон беше затруен во обид...

Свет18 часа

ОБСЕ побара од Киев да ѝ дозволи на Русија да ги следи изборите

Претседателот на ОБСЕ, словачкиот министер за надворешни работи, Мирослав Лајчак, му посочи на својот украински колега Павло Климкин дека одбивањето...

Свет19 часа

Голем шумски пожар ја зафати ,,мртвата зона” во Чернобил

Голем пожар избувна во чернобилската Зона на исклученост, местото на најлошата нуклеарна катастрофа во историјата на човештвото, на околу 20 километри од...

Свет19 часа

Европа не ги сака назад своите граѓани борци на ИД како што бара Трамп

Трамп побара од европските земји да ги вратат дома и судски да ги гонат џихадистите заробени во Сирија, но барањето...

Досие