Општество
Коалицијата СЕГА ги промовира правата на децата низ Македонија
Коалицијата на невладини организации СЕГА од 6-ти до 12-ти октомври во Куманово, Струмица, Тетово, Прилеп и Кавадарци реализира различни активности „Недела на детето“ во рамките на проектот „Промоција на детските права и интеркултурната комуникација”, чија цел е да се промовираат правата на детето кое треба да ги ужива во рамките на неговиот раст и развој, како и потребната заштита која е нужно да му биде обезбедена од страна на државата и институциите за овозможување среќно и здраво детство.
Коалицијата на невладини организации СЕГА од 6-ти до 12-ти октомври во Куманово, Струмица, Тетово, Прилеп и Кавадарци реализира различни активности „Недела на детето“ во рамките на проектот „Промоција на детските права и интеркултурната комуникација”, чија цел е да се промовираат правата на детето кое треба да ги ужива во рамките на неговиот раст и развој, како и потребната заштита која е нужно да му биде обезбедена од страна на државата и институциите за овозможување среќно и здраво детство.
Активноста наречена „Детско вовче” се одржа на Градскиот плоштад во Куманово и во насока на развивање масовен активизам кај децата и заедницата за промовирање на детските права, додека во Струмица под мотото „Да ги вратиме детските игри“ беше изведени детски хепенинг со деца на возраст од 8 до 6 години, преку детски игри направија анкети и собираа податоци за детските права, кои ќе бидат печатени во посебна брошура. Другите активности ќе се одржат на 10-ти октомври во Прилеп и во Кавадарци, а на 12-ти октомври во Тетово.
Универзалната декларација за правата на детето, којашто во 1959 година ја усвои Генералното собрание во Обединетите нации, на сите деца без каква и да е разлика, како што е раса, боја на кожа, јазик, вероисповед, политичко или друго мислење, национално или социјално потекло, имот, раѓање, или други околности, им припаѓаат сите права кои се наведени во декларацијата, за да може да ги ужива заради свое сопствено добро и добро на општеството. Оваа декларација ги повикува родителите, мажите и жените како и поединците, добротворните организации, локалните власти и националните влади да ги признаат овие права и да се грижат за нивно почитување со законски и други мерки.
„Детските права континуирано треба да се унапредуваат и затоа Коалицијата СЕГА спроведува различни активностите кои ги реализира во рамките на ’Недела на детето’ и има цел да ги унапреди положбата и правата на децата и да се укаже за поголема грижа за нив. Грижата за децата треба да биде во сите 365 дена од годината, и треба да се трудиме да им обезбедиме нормално и среќно детство, преку почитување на нивната личност, интереси и права“, рече Зоран Илиески, извршен менаџер на Коалицијата СЕГА:
Активностите се организираат во рамките на проектот „Промовирање на детските права и интеркултурната комуникација“, кој Коалиција на младински организации СЕГА го спроведува во партнерство со Совет за превенција од малолетничка деликвенција (СППМД) – Кавадарци, Македонскиот Центар за Граѓанско Образование (МЦГО) – Скопје и Мајка – Куманово, и Центар за едукација и развој – Теарце, а со поддршка на Детската Фондација Песталоци. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.