Сојузот на Здруженија на дијабетичари на Македонија (СЗДМ) ја поздравува одлуката на Владата на Република Северна Македонија и на Министерството за здравство, за уништување на заостанатите количини на инсулини кои се чувале во Бирото за стокови резерви, а биле набавувани со Законот за паралелен увоз.

„Ваквите одлуки треба да продолжат се до уништување на последното инсулинско пенкало кое е со сомнителен квалитет од времето на паралелниот увоз.Благодарност до Министерството за здравство за тоа што конечно лицата со дијабетес 123.850 во нашата држава, можат да бидат сигурни во квалитетот на инсулините кои се набавуваат со гаранција за квалитет на истите“, се вели во соопштението.

Премиерот Зоран Заев и министерката за труд и социјална политика Мила Царовска денеска беа во Струмица по повод пуштањето во употреба на детската градинка во Муртино. Во својата изјава за медиуми, премиерот Заев истакна дека приоритет на Владата е да обезбеди услови за правилен ран детски развој, преку проширување на капацитетите на градинките и јакнењето на професионалните компетенции на кадарот, со што се гради вистински квалитетно предучилишно образование.

„Децата се нашето богатство, нашиот силен потенцијал и грижата за нив, за нивниот ран и правилен развој е нашиот врвен приоритет, и оваа градинка го сведочи тоа. И не е само оваа градинка. За две години, на територијата на целата наша земја изградивме, или е во тек е изградбата и проектите за близу 70 градинки. Таква иницијатива, за толку кус период, не е забележана во историјата на Северна Македонија“, рече премиерот Заев.

Пред неполн месец, министерката за труд и социјална политика, Мила Царовска потпиша договори за грантови за изградба на нови градинки со пет општини во вкупен износ од 228.100.000,00 денари.

„Во новите градинки се отвора простор за 760 нови деца. За првпат по долго време во нашата држава ќе се градат вакви големи објекти, бидејќи ја препознаваме клучната улога на предучилишното образование за раст и развој на децата”, рече премиерот Заев и додаде дека се вложува и во луѓето кои ги обликуваат идните генерации преку зголемување на платите и јакнење на компетенциите на кадарот во градинките.

„Само оваа година обезбедивме 1.400 согласности за вработувања во градинките. Почнувајќи од јунската плата којашто на поголемиот дел од вработените веќе им е исплатена, стручниот кадар во градинките доби зголемување во просек од 16 % што е околу 3.000 денари во нето износ по вработен“, рече премиерот Заев и се заблагодари на партнерите, ЕУ и Светска банка кои преку Министерството за финансии ја поддржаа финансиски пренамената на овој објект од општинска зграда во детска градинка.

Министерката за труд и социјална политика, Мила Царовска рече дека само годинава во струмичкиот регион се отвораат две нови градинки, а за идната година е планирана инвестиција во уште три.

„Грижата за децата и инвестирањето во раниот детски развој е приоритет на Владата но и на локалните самоуправи. Навистина ми е драго што забрзано се подобруваат условите за престој во поголемиот дел од градинките низ земјава, посебно во руралните места кои со години беа заборавени. Министерството за труд и социјална политика продолжува посветено да инвестира во детската заштита, а со тоа вложува во иднината на секое дете и на нашата држава. За идната година во Буџетот издвоивме 105 милиони денари за реконструкција, опремување и изградба на детски градини, а изминатите две и пол години како Влада инвестиравме над 180 милиони денари“, рече Царовска.

Светиoт Климент Oхридски сo свoјaтa прoсветителскa дејнoст успеaл дa гo зaслужи местoтo вo великaните нa цивилизaцијaта и прoсветителствoто, вели во својата честитка по повод државниот и христијански празник, лидерот на ВМРО-ДПМНЕ, Христијан Мицкоски.

„Тoј сo злaтни букви јa зaпишaл и Мaкедoнијa кaкo земјa вo кoјa живеел, рaбoтел и делувaл и ние сме нa тoa oсoбенo гoрди. Негoвoтo делo денес живее вo секoј изгoвoрен или зaпишaн збoр не сaмo кaј нaрoдите кoи јa кoристaт aзбукaтa Кирилицa, туку и кaј сите oстaнaти слoвенски нaрoди и култури“, нагласува Мицкоски додавајќи дека фaкелoт нa писменoстa кoј гo зaпaлил Свети Климент Oхридски гo прoсветлил целиoт слoвенски свет.

Претседателот на ВМРО-ДПМНЕ веле дека Свети Климент е доказ оти истрајноста успева, а пожртвуваноста носи резултати.

„Да се спротивставиме на декаденцијата, немањето на принципи и вредности. Заедно да се бориме против она што го мачи нашиот народ и знам дека така ќе успееме“, истакнува Мицкоски во пораката по повод денот посветен на чествувањето на Свети Климент Oхридски.