Контакт

Општество

Регионална конференција Заштита на просторот за мирен јавен собир во југоисточна Европа

Објавено пред

Првата регионална и национална конференција „Заштита на просторот за мирен јавен собир во Југоисточна Европа“ ќе се одржи следните два дена (понеделник и вторник, 25-ти и 26-ти август) во Скопје во хотелот „Холидеј Ин“.

Конферецијата ќе овозможи претставниците на граѓанските организации од Балканот, претставници од ОБСЕ/ОДИХР, Европската унија, експерти и претставници на институциите, да ги истражат и дискутираат можностите и предностите поврзани со правните и практичните аспекти на примената на слободата на јавен собир во Југоисточна Европа. Постојната законска рамка и заштитните механизми кои го гарантираат правото на јавен собир во практиката ќе бидат разгледувани. Исто така, на конференцијата ќе се идентификуваат начините за подобра соработка помеѓу граѓанското општество, медиумите и властите, со цел унапредување на правото на јавен собир во регионот. Конференцијата ја организира „Реактор – Истражување во акција“ во соработка со Европскиот центар за непрофитно право (ECNL), ОБСЕ/ОДИХР, и е дел од Проектот на УСАИД за граѓанско општество кој го спроведува Фондацијата Отворено општество – Македонија. На неа учество ќе земат низа клучни говорници, вклучително и претставници од ОБСЕ/ОДИХР, ECNL, Уставниот суд на Република Македонија, претставници на релевантни институции, како и проминентни организации на граѓанското општество од регионот ќе учествуваат на конференцијата.Конференцијата ќе се осврне на темите за стандардите и практиките од областа на јавните собири, како и можностите за правна заштита; експертски ставови за предизвиците кои произлегуваат од глобалните трендови од остварувањето на правото на јавен собир; прецизен увид на потребите и перспективите на различните релевантни чинители; и за јавните собири во дигиталната ера: нови технологии за организирање и следење јавни собири. Една од главните цели на конференцијата е да понуди можности за вмрежување и да поттикне дебата меѓу учесниците од државите од југоисточна Европа и Македонија./крај/мф

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

168 нови случаи на Ковид-19 и седуммина починати за 24 часа

Објавено пред

Министерството за здравство информира дека во последните 24 часа направени се 1.478 тестирања, а регистрирани се 168 нови случаи на Ковид-19, и тоа во: Скопје – 110, Кавадарци и Кочани по 9, Гевгелија – 7, Битола – 5, Куманово, Прилеп и Охрид по 3, Струга, Неготино, Македонски Брод и Дојран по 2 и по еден заразен во Тетово, Гостивар, Струмица, Кичево, Свети Николе, Ресен, Берово, Делчево, Виница, Богданци и Демир Хисар.

Во текот на изминатото деноноќие пријавени се седум починати лица – 4 од Скопје (71, 69, 59 и 55 години) и по едно починато лице од Велес (67), Струмица (65) и од Штип (77). Сите пријавени лица се починати во болнички услови.

За 24 часа, регистрирани сe и 275 оздравени пациенти, и тоа од: Скопје – 90, Битола – 26, Прилеп – 24, Кавадарци – 22, Берово – 18, Струмица – 13, Кочани – 11, Тетово – 10, Велес – 7, Валандово – 6, Куманово, Неготино и Радовиш по 5, Гевгелија – 4, Штип, Крива Паланка, Делчево, Кратово и Пехчево по 3, Виница, Пробиштип, Крушево и Македонски Брод по 2 и по еден оздравен во Гостивар, Свети Николе, Ресен, Дебар, Богданци и Демир Хисар.

Направените 1.478 теста се преку: ИЈЗ – 131, ЦЈЗ Скопје – 26, ЦЈЗ Куманово – 17, Клиника за инфективни болести и фебрилни состојби – 1, Судска медицина – 1, „Жан Митрев“ („Филип Втори“) – 65, „Авицена“ – 82, „Биотек“ – 71, „Систина“ – 53, лабораторија „Лаор“ – 74, „Ремедика“ – 13, „Плодност“ – 34, „Никоб лаб“ – 210, „ВФВ медикал“ – 20, „Ели медика“ – 17, „Рапид лаб“ – 7, „Жан Митрев Струмица“ – 3, ЈЗУ и ПЗУ (рапид-тест) – вкупно 653.

Досега во земјата се направени вкупно 1.493.451 тестирања на Ковид-19. Вкупната бројка на ковид-дијагностицирани од почетокот на епидемијата изнесува 218.362, бројот на оздравени пациенти е 204.960, на починати е 7.695, а бројот на активни случаи изнесува 5.707.

Според епидемиолошките анализи, во моментот дистрибуцијата по градови е следна:

Скопје 95.588, Активни 2.762
Куманово 12.966, Активни 189
Тетово 11.353, Активни 87
Прилеп 10.386, Активни 340
Битола 8.883, Активни 494
Гостивар 8.075, Активни 21
Велес 7.362, Активни 165
Кавадарци 7.120, Активни 243
Штип 6.632, Активни 115
Охрид 6.558, Активни 212
Струмица 6.157, Активни 113
Кичево 4.237, Активни 43
Кочани 4.042, Активни 106
Струга 3.913, Активни 35
Гевгелија 2.821, Активни 82
Неготино 2.581, Активни 41
Свети Николе 2.128, Активни 40
Крива Паланка 1.913, Активни 70
Ресен 1.770, Активни 61
Радовиш 1.760, Активни 61
Берово 1.466, Активни 55
Дебар 1.456, Активни 0
Делчево 1.429, Активни 103
Виница 1.162, Активни 17
Пробиштип 1.128, Активни 23
Валандово 959, Активни 42
Кратово 778, Активни 27
Богданци 647, Активни 19
Демир Хисар 622, Активни 50
Крушево 595, Активни 32
Македонски Брод 505, Активни 14
Демир Капија 426, Активни 4
Македонска Каменица 421, Активни 27
Пехчево 353, Активни 7
Дојран 170, Активни 7

Прикажи повеќе...

Македонија

Со караница помеѓу обвинетиот Бојан Јовановски и судијката заврши рочиштето за Меѓународниот сојуз

Објавено пред

Со караница помеѓу обвинетиот Бојан Јовановски и судијката Софче Гаврилова-Ефремова заврши рочиштето за Меѓународниот сојуз

Јовановски побара нејзино изземање од процесот во кој му се суди, а в.д. претседателот на судот, Иван Џолев, го нарече корумпиран. Откога неколкупати го прекина во неговото излагање, судијката Гаврилова-Ефремова ѝ нареди на затворската полиција да го изнесе Јовановски од судницата.

Караницата почна кога обвинетиот се објаснуваше дека недостигаат материјали од неговиот телефон, кој го вештачеше МВР, и дека не е виновен што тие не се презентирани бидејќи форензичкото вештачење го добил летото.

„Ќе ви дадам еден податок што судот го знае колку и јас. Копијата на судот му е дадена во јуни 2021 година. Тоа се месеци на годишни одмори“, рече Јовановски по што судијката го прекина со образложение дека тоа веќе го кажал неговиот адвокат Сашко Дуковски, а Јовановски продолжи: „Вие имате константна потреба да ме цензурирате. Вие постојано ме цензурирате. Само тоа што ви одговара го кажувате“.

На ова возврати судијката Гаврилова-Ефремова: „Судот дава и одзема збор. Овде се зборува конструктивно. Обврзна сум да нема дефокусирање на главната расправа“, на што Јовановски возврати: „Мене две години што ме тероризира јавноста, тоа нема врска. Само вас кога ви одговара, тогаш се споменува јавноста“.

По ова, следуваше ново барање за изземање на судијката од страна на Бојан Јовановски.

„Судијката Софче Гаврилова-Ефремова, апелирам до в.д. претседателот на овој суд, иако имам недоверба и кон него, апелирам најсериозно да ги земе предвид сите овие наводи за крајно тенденциозно однесување од страна на судијката, и тоа: на секое рочиште за главна расправа судијката ми предизвикува психички стрес поради тенденциозното, малициозно, анимозитетно однесувсње единствено кон мене како обвинет и странка во постапка. На минатото рочиште ми беше одземено правото да побарам изземање со образложение тоа да го направам писмено, а требало под нови околности. Но, тоа треба да го цени друг, а не судијката за која барам изземање. Со оглед дека се наоѓам во пенални услови да не можам писмено да побарам и да ги остварам правата…“, рече Јовановски.

Судијката Гаврилова-Ефремова го прекина во неговото излагање и посочи: „Сите што издржуваат затвор имаат право и во судот пристигнуваат писмени поднесоци“, по што Јовановски додаде: „Со блиска роднина, сестра на судечкиот судија, сум бил во пријателски односи, нека го провери тоа“.

„Јас немам сестра. Или не знам до сега дека имам. На обвинетиот му укажувам дека сите други причини во однос на барањето за изземање да бидат писмено доставени“, рече Софче Гаврилова-Ефремова.

Јовановски возврати: „Јас реков близок роднина, женско лице. Можам да ви ја донесам на следното рочиште“.

Судијката го прекина обвинетиот Бојан Јовановски со барање од затворската полиција да го изнесат од судот.

„Изнесете го обвинетиот од судот“, рече судијката со барање писмено да се произнесе за неговото барање за изземање.

Прикажи повеќе...

Македонија

Судскиот совет: Преку посебна антикорупциска комисија ќе ја вратиме довербата на граѓаните во судството

Објавено пред

Пред неколку месеци формирана е посебна комисија за борба против корупцијата со обврска да ги анализира пријавите за корупција во судството за да утврди дали информациите и податоците oд граѓаните што пријавуваат се веродостојни, информираат од Судскиот совет по повод Светскиот ден против корупцијата.

Од таму нагласуваат дека преку спроведувањето реформи во судството настојуваат да изградат механизми за спречување на корупцијата и за заштита на човековите права.

„Во тек е процес на целосна дигитализација на судскиот систем, со што ќе се олесни комуникацијата на граѓаните со институциите, но дигитализацијата ќе овозможи и полесен увид во работата на судиите, со што тие ќе бидат потранспарентни, а тоа ќе значи нивно независно и објективно одлучување и помала склоност кон корупција.

Судскиот совет усвои методологија за квалитативно оценување на судиите, како и методологија за сложеност на судски предмети. Со нивната примена ќе може да се прави пошироко, подиректно и поверодостојно оценување на работата на судиите што ќе придонесе за нивно поодговорно постапување, како и носење пресуди исклучиво врз докази. Континуираниот мониторинг ќе ги намали ризиците од корупција.

Практично, крајната цел на системот што сака да го воспостави Судскиот совет преку дигитализацијата, преку надградбата на АКМИС-от, преку новите методологии за оценување и за утврдување сложеност на предмети, е да имаме ажурно судство со испорачување брза и ефикасна правда. Тоа ќе ја врати довербата на граѓаните во судскиот систем и ќе придонесе кон искоренување на корупцијата“, се наведува во соопштението.

Во него се додава дека со последните измени во Законот за Судскиот совет, преку кои се отворила можност секој да поднесе иницијатива за утврдување одговорност за несовесно и нестручно постапување на судија, целосно се смениле бројките со поднесени барања.

„Ако во изминатите години Судскиот совет имаше само по неколку барања годишно, годинава има 50-ина иницијативи за испитување одговорност кај судии“, се наведува во соопштението.

Во него уште еднаш се апелира граѓаните што имаат сознанија и информации за случаи на корупција во судството веднаш да ги пријават.

Прикажи повеќе...

Најново

Македонија50 минути

168 нови случаи на Ковид-19 и седуммина починати за 24 часа

Министерството за здравство информира дека во последните 24 часа направени се 1.478 тестирања, а регистрирани се 168 нови случаи на...

Македонија3 часа

Со караница помеѓу обвинетиот Бојан Јовановски и судијката заврши рочиштето за Меѓународниот сојуз

Со караница помеѓу обвинетиот Бојан Јовановски и судијката Софче Гаврилова-Ефремова заврши рочиштето за Меѓународниот сојуз Јовановски побара нејзино изземање од...

Свет4 часа

Од компанијата „Фајзер“ со најава: Можеби ќе биде потребна четврта доза за заштита од омикрон-сојот

Фармацевтските компании „Фајзер“ и „Бионтек“ велат дека две дози од нивната вакцина не обезбедуваат силна заштита од омикрон-сојот, па затоа...

Свет5 часа

Бајден: Дали да испратам војска во Украина доколку Русите нападнат – тоа не е опција

Американскиот претседател Џо Бајден изјави дека нема да нареди испраќање американски војници во Украина како одговор на можна руска инвазија....

Европа7 часа

(Видео) Tепачка во турскиот парламент

Синоќешната расправа за буџетот во турскиот парламент завршила со тепачка меѓу пратениците, јавуваат медиумите во регионот. Имено, додека се расправало...

Свет7 часа

Aкутната фаза на пандемијата на коронавирусот ќе заврши во 2022, предвидува Бил Гејтс

Акутната фаза на пандемијата на коронавирусот ќе заврши во 2022 година, предвиде основачот на „Мајкрософт“, Бил Гејтс, на својот блог,...

Македонија22 часа

Бектеши: Цената на струјата нема да поскапи повеќе од 10%

Поскапувањето на струјата нема да биде повеќе од 10%, изјави денеска министерот за економија, Крешник Бектеши. „Согласно сите проекции, зголемување...

Македонија23 часа

419 новозаразени и 14 починати од Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 3.285 тестирања,...

Свет1 ден

Три дози од вакцината на „Фајзер“ штитат од омикрон – официјална изјава од појавата на новиот сој

Фармацевтските компании „Фајзер“ и „Бионтек“ денеска објавија дека нивните три дози од вакцината против коронавирус за време на лабораториски тест...

Европа1 ден

Олаф Шолц официјално избран за канцелар на Германија

Германскиот парламент го избра Олаф Шолц за наследник на Ангела Меркел како канцелар на Германија. Лидерот на Социјалдемократската партија (СПД),...

Свет1 ден

Швајцарија одобри капсула за евтаназија: Смртта настапува за помалку од една минута

Еутаназијата е поддржана легално во Швајцарија, а оние што ја сакаат ќе имаат на располагање нов метод. Капсулите Сарко го...

Европа1 ден

Рации во Германија поради трговија со работници од Балканот – има уапсени и запленет имот

Германските полицајци и цариници денеска спроведоа десетици рации ширум земјата со цел да ја потиснат наводната трговија со привремени работници...

Свет1 ден

(Видео) Јапонски милијардер стана првиот руски турист во вселената

Јапонскиот милијардер Јусаку Маезава денеска полета до Меѓународната вселенска станица (ISS) во својот прв вселенски лет. Руското вселенско летало Сојуз,...

Свет1 ден

Објавена фотогафија од омикрон со помош на електронски микроскоп

Универзитетот во Хонг Конг објави фотографија од новиот сој на коронавирусот, омикрон, добиена со помош на електронски микроскоп. Омикрон првпат...

Свет1 ден

(Видео) Во Индија се урна хеликоптер во кој бил шефот за безбедност и неговата сопруга

Индиски воен хеликоптер утрово се урна во Тамил Хад. Според светските медиуми, во авионот бил и шефот на индискиот безбедносен...

Свет1 ден

Во разговорот на Путин и Бајден покрај сериозни теми имало и шеги

Разговорот помеѓу претседателите на Русија и САД, Владимир Путин и Џо Бајден бил деловен, но се слушале и шеги и...

Европа2 дена

Белорусија воведува ембарго за производи од непријателски земји, меѓу нив и Македонија

Официјален Минск од следната година ќе воведе ембарго на стоки од земји кои водат непријателска политика кон Белорусија, соопшти прес-службата...

Европа2 дена

Банкнотите на еврото преку нов дизајн ќе промовираат различност и инклузивност

Европската централна банка (ЕЦБ) во понеделникот објави дека планира да ги редизајнира банкнотите на еврото во следните три години за...

Македонија2 дена

Вкупно 16 починати и 375 нови случаи на Ковид-19

Министерството за здравство информира дека во последните 24 часа направени се 2.744 тестирања, а регистрирани се 375 нови случаи на...

Европа2 дена

Објавени нови сателитски снимки од руска војска на украинската граница

Американските медиуми продолжуваат да презентираат докази за руска акумулација на сили по должина на границата со Украина и подготовки за...

Досие