Општество
Собрани 619.000 денари за поплавените подрачја
До денеска на телефонските броеви за донации собрани се 619.000 денари помош за настраданите од поплавите кои во изминативе денови зафатија делови од Македонија, а покрај тоа на сметка на Фондот за солидарноста се собрани дополнителни 6.300 денари.
До денеска на телефонските броеви за донации собрани се 619.000 денари помош за настраданите од поплавите кои во изминативе денови зафатија делови од Македонија, а покрај тоа на сметка на Фондот за солидарноста се собрани дополнителни 6.300 денари.
Со хуманитарната акција за помош на поплавените собрани се средства за лична хигиена, вода за пиење, прехранбени продукти, кебиња и душеци. Како што информираат од Црвениот крст со донациите ќе им се помогне на околу 650 загрозени семејства, од кои на околу 300 семејства помошта им е веќе доставена.
Надлежните институции апелираа да не се пие водата во поплавените подрачја, а за таа цел се донирани над 50 илјади литри вода да пиење.
„Ги повикувам компаниите, со оглед на фактот дека во моментов има обезбедено вода за денешниот ден, во текот на утрешниот ден да донираат и очекуваме повторно една голема донација од страна на Пелистерка, а исто така во акцијата се вклучија и Горска и Кожуфчанка. Оочекуваме и сите производители на вода да се приклучат“, рече министерот за труд и социјална политика, Диме Спасов.
Од денеска Црвениот крст отвори и донаторска девизна сметка на која можат да донираат граѓани од странство.
Министерот за труд и социјална политика Диме Спасов денеска апелираше до сите граѓани, приватни компании и приватни бизнисмени и стопанственици, македонската дијаспора и пријателите на Република Македонија надвор од државата да се приклучат кон хуманитарната помош и да дадат свој придонес на еден од телефонските броеви 070/075/077-143-400.
„Донациите засега се доволни за да се задоволат потребите на поплавените домаќинства, обезбедени се донации во вид на прехранбени продукти, облека, пакети за хигиена. Центрите за социјални работи во соработка со општините се на терен и прват увид во самите домаќинства коишто се погодени, до сега има околу 100 домаќинства коишто се во ризик и коишто се детектирани од страна на Центрите за социјални работи“, рече Спасов.
На овие семејства ќе им биде дадена и еднократна парична помош, а за истите ќе бидат одделени и голем број средства собрани од телефонските донации.
Владата ќе се откаже од ДДВ-то од пораките за донација на поплавените подрачја, а предлогот ќе биде ставен на дневен ред на следната Владина седница, а средствата од ДДВ-то заедно со другите ќе бидат наменети за санација на последиците од поплавите и создавање можности за враќање на лицата кои ги напуштале домовите./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.