Општество
Споредбено истражување на јавното мислење во регионот: воените институции со најголема доверба
Според истражувањето на јавното мислење спроведено во Албанија, Босна и Херцеговина, Косово, Македонија, Србија и Црна Гора, граѓаните од регионот најмногу имаат доверба во државните и меѓународните воени институции.
Во Македонија и Србија институции со најголема доверба се државните армии (71.5 процент од испитанците во Македонија и 69 отсто од испитаниците во Србија), додека во Албанија и Косово тоа се меѓународни воени институции како НАТО (71 отсто) и односно КФОР (67 отсто). Во Албанија, државната армија се рангира трета (44 проценти), според довербата на граѓаните.
Државната армија е рангирана како четврта (69 проценти) од испитаниците во Црна Гора, со тоа што граѓаните повеќе веруваат во здравствениот (60,3 отсто) и образовниот (58,7 отсто) систем, како и во Српската православна црква (55,6 отсто), додека, пак, во Босна и Херцеговина државната армија е втора институција со најголема доверба (62 проценти) а најмногу се верува во работата на претпријатијата за комунални дејности (63,1 отсто).
Објаснувањата за овие рангирања се разликуваат од земја до земја. Ѓерѓи Вурмо од ИДМ Албанија, големата доверба во НАТО (71 процент), која е поголема од која и да е друга државна институција, го објаснува со општата перцепција дека државните институции се корумпирани, па оттаму граѓаните ја насочуваат довербата во меѓународни институции.
Ќендеса Сулејмани од Центарот за истражување и креирање на политики (ЦИКП), смета дека во Македонија армијата е настрана од јавниот живот без позначајни скандали и без повод за недоверба. Од друга страна, Ирина Ризмал од ЦЕАС Србија тврди дека армијата во Србија традиционално ужива голема доверба и не е погодена од воените злосторства кои се поврзуваат со неа, бидејќи на неа се гледа, пред сѐ, како на институција која ги брани граѓаните.
Осврнувајќи се на субјектите со помала доверба, во четири од шесте држави, политичките партии се на дното од табелата, а доколку слаба доверба уживаат и судството и парламентите.
Истражувањето на јавното мислење е спроведено во рамки на проектот „Застапување за отворена влада“ финансиран од Европската унија, кој се имплементира во шест држави од регионот. Во Македонија анкетата беше реализирана во август 2014-та година./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.