Општество
Стопанска банка инвестира во сообраќаен полигон за деца
Стопанска банка го иницира и промовира проектот „Вози право, вози здраво“ кој има за цел да ја подигне свеста за предностите на алтернативните начини на превоз како нешто особено значајно за градот Скопје, но и да создаде здрави навики посебно кај најмладите.
Како пример за општествено одговорна компанија, во своето делување Стопанска банка покрај највисоките професионални стандарди посебно внимание посветува на окружувањето во кое делува и во неговото оплеменување. Како најголема инспирација за нашите досегашни општествено одговорни активности биле децата за кои инвестиравме во образование, благосостојба, здравство и оттука сакаме да продолжиме со донација на урбана едукативна велосипедски полигон за жителите на Скопје.
Со цел да се обезбеди што поголема поддршка и инволвираност на граѓаните Стопанска банка постави веб банери на најпопуларните сајтови, на кои може и виртуелно да се вози велосипед, да се мерат поминатите метри, и колку повеќе метри се извозат толку повеќе средства Стопанска банка ќе донира за изградба на полигонот за деца. „Донираните“ метри ќе можат да се собираат и на големата ревијална трка во недела на 13-ти септември, која ќе почне во 18 часот пред i-bank store а ќе заврши на влезот во градскиот парк со голем настан, каде за музичкиот дел се задолжени Калиопи, 5+ Бенд и DJ Гоце (САФ) а секако ќе има и многу вредни награди и дополнителна забава.
„Слоганот ‘На ваша страна’ Стопанска банка АД – Скопје постојано го надградува и веќе е нераздвоен дел од нашиот ентитет. Ние сме на страната на децата, на страната на спортот, на страната на чистата средина, здравото тело и здравиот дух. Токму овие вредности Стопанска банка ги вплотува во овој проект и оттука веруваме дека повторно ќе наидеме на голем одѕив кај населението. Стоиме гордо зад успехот на Банката од деловното работење, но успехот го реинвестираме во заедницата не само преку подобрените производи, услуги и финансиската едукација туку и преку вакви интерактивни и долгорочни проекти кои ја покажуваат нашата хумана димензија“, рече Диомидис Николетопулос, генерален извршен директор и претседател на Управниот одбор
Стопанска банка во текот на изминатите години инвестираше во оперативна инфраструктура, развој на модерни и флексибилни банкарски производи, како и во алтернативни и еколошки канали за банкарските услуги преку i-bank сервисите. Токму затоа и ревијалната трка започнува од i-bank store филијалата која е уникатна, безготовинска филијала која работи по највисоки еколошки стандарди и ја користи најмодерната технологија во промоцијата на банкарските производи и услуги.
„Ги поттикнуваме сите граѓани се приклучат на проектот „Вози право, вози здраво“ со тоа што ќе ги „донираат“ своите метри извозени со велосипед, тротинет, ролерки, но и бебешки колички кои ние соодветно ќе ги регистрираме и ќе ги преточиме во средствата потребни за детскиот сообраќаен полигон“, додаде Николетопулос.
Регистрацијата за учество на трката е бесплатна и може да се направи online преку веб страницата на Банката www.stb.com.mk или во i-bank store филијалата.
Сите регистрирани учесници на крајот на трката ќе добијат репрезентативни подароци од Банката а најсреќните ќе бидат извлечени за: 3 fixie велосипеди, 3 GoPro Session камери, детски велосипеди., тротинети, дополнителна спортска опрема и многу други вредни награди. Подароци и изненадувања ќе има и за посетителите на настанот во скопскиот Градски парк./крај/мф/сд
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Годишен извештај на Народниот правобранител: Помалку претставки од граѓаните за работата на јавните обвинителства
Во извештајната 2023 година, во областа која се однесува на работата и постапувањето на обвинителствата во Република Северна Македонија поднесени се 63 претставки што е за 24 помалку во однос на 2022 година, се констатира во Годишниот извештај за степенот на обезбедувањето почитување, унапредување и заштита на човековите слободи и права во 2023 година што го објавува Народниот правобранител на Република Северна Македонија.
Согласно објавените податоци, бројот на претставки на граѓаните на годишно ниво се намалил за повеќе од 38%, што претставува резултат на заложбите на Јавното обвинителство за зголемување на ефикасноста на постапките и континуираните напори за подобрување на довербата на граѓаните во работата на јавните обвинителства.
Во најголем број од претставките граѓаните бараа интервенција во врска со постапки пред основните јавни обвинителства (51), потоа пред Основното јавно обвинителството за организиран криминал и корупција (4), постапка пред Јавното обвинителство на РСМ (3), пред вишите јавни обвинителства (2), друго (2) и една претставка се однесуваше за постапка пред Совет на јавни обвинители. Ваквиот сооднос е очекуван со оглед на обемот на предметна работа и фактот што токму јавните обвинителства со основна надлежност го прават првиот директен контакт на граѓаните со институцијата.
Доколку се има предвид вкупниот обем на работа на јавните обвинителства кои активно постапуваат по поднесени кривични пријави за над 40.000 сторители на кривични дела во текот на годината, поднесените 63 претставки до Народниот правобранител претставуваат околу 0,1% од таа бројка. Притоа, граѓаните во посочените предмети изразувале незадоволство поради непостапување по поднесена пријава на кривично дело, одолжување на постапката или поради незадоволство од донесена одлука. Од тие причини Народниот правобранител, меѓу останатите препораки во извештајот, во делот на Јавното обвинителство препорачува основните јавни обвинителства да ги доставуваат јавнообвинителските одлуки до странките и да им се овозможи правото да ги обжалат до повисоките јавни обвинителства, да постапуваат поажурно и навремено да преземаат дејствија, да го почитуваат рокот од 3 месеци доколку не донесат јавнообвинителска одлука да го известуваат повисокиот јавен обвинител и пријавителот, за да нема сомневање и страв дека гонењето ќе застари.
Сите овие забелешки Јавното обвинителство ги зема предвид, детално ги анализира и ќе продолжи да презема активности за дополнително зголемување на ефикасноста, на транспарентноста и на отчетноста за постапките што ги води. Ваквите заложби на Јавното обвинителство се веќе воспоставен начин на работа при што уште во извештајот за 2022 година омбудсманот констатираше дека за разлика од претходните години, сега јавните обвинителства, особено издвојувајќи ги Основното јавно обвинителство Скопје и Основно јавно обвинителство за гонење на организиран криминал и корупција, постапуваат по барањата на Народниот правобранител, даваат суштински и целосни одговори за бараните информации од постапките, се вели во соопштението од Јавното обвинителство.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.