Општество
Во институциите на државата работат 128.347 службеници
Официјално бројот на институции во државата изнесува 1.288, додека пак бројот на вработените изнесува 128.347, а најмногу вработени има во јавните установи и тоа 64.168, соопшти во четврток, министерот за информатичко општество и администрација, Марта Арсовска Томовска која го презентираше Годишниот извештај за податоците од Регистарот на вработените во јавниот сектор за 2015 година.
Тој е веќе е објавен на веб страната на министерството, на следниов линк: http://mioa.gov.mk/?q=node/216.Арсовска Томовска посочи дека податоците даваат детална слика за структурата и организациската поставеност на централната и локалната власт, јавните установи и претпријатија во Република Македонија. Практично, прикажана е организацијата на законодавната, судската и извршната власт, како и бројот на вработените во секоја институција одделно, почнувајќи од Собранието, Владата, преку министерствата, регулаторните тела, правосудните органи, па се до општините, јавните претпријатија, болниците, училиштата, градинките, како и податоците за структурата на работните места, за вработените, и тоа според пол, возраст, образование и припадност на заедница.Арсовска Томовска соопшти и дека официјално бројот на институции во државата изнесува 1.288, додека пак бројот на вработените изнесува 128.347. Најмногу вработени има во јавните установи и тоа 64.168. Во однос на половата застапеност, поголема е застапеноста на жените кои сочинуваат 53 отсто од вработените во институциите на јавниот сектор, а процентот на мажите изнесува 47 отсто. Просечната старост на вработен во јавниот сектор изнесува 45,1 година, а најмногубројна е групата со старост од 46 до 55 години. Во однос на степенот на образование, 47.529 од вработените имаат високо образование, што е 43,37 отсто од вкупниот број на вработени, а во јавниот сектор вработени се и 2.165 магистри, како и 1.383 доктори на науки. „За прв пат во Македонија, ако погледнете споредбено со државите во регионот, на ваков систематизиран и прегледен начин ставени се на располагање податоците кои ги интересираат граѓаните, како и научната и стручна јавност”, рече Арсовска Томовска. Таа потсети дека вработените во администрацијата преку онлајн сервисот за проверка на записи во базата на вработени во јавниот сектор, кој од минатиот месец е поставен на интернет страницата на МИОА, можат да проверат дали за нив се води евиденција.Воедно ги повика сите вработени во институциите на јавниот сектор да пријават каква било злоупотреба, притисок или неправилност, а кои се во насока на вршење притисок на вработените пред претстојните избори, на телефонскиот број 02/3200 899 или на мобилен телефон 072 228683 или на е-маил адресата [email protected]./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.