Општество
Зголемување од 25% на посебниот додаток за децата со попреченост
Зголемување за 25 проценти на посебниот додаток за материјално необезбедени родители кои имаат деца со попреченост се предвидува со најновите измени на Законот за заштита на децата, што ќе стапат на сила во јуни, 2015 година. Со измените се овозможува и остварување на правото на посебен додаток за сите деца со Даунов синдром.
Министерот за труд и социјална политика, Диме Спасов, во вторник, 23ти декември, ги соопшти најновите измени во Законот за заштита на децата кои се насочени кон поголема поддршка на децата со попреченост, децата со специфични потреби, телесни, интелектуални и комбинирани пречки, а кои кои беа усвоени на последната владина седница.
„Согледувајќи ја потребата на родителите кои имаат деца со попреченост, а се во потешка финансиска положба и се материјално необезбедени, односно оние кои се приматели на социјална и постојана парична помош, донесовме одлука за воведување на значително зголемување на посебниот додаток за оваа категорија на граѓани, односно со измените на законот ќе овозможиме зголемување за 25% на посебниот додаток за материјално необезбедени родители корисници на посебен додаток, при што проценката е дека првично ќе се опфатат 1.030 материјално необезбедени реодители кои се приматели на посебен додаток, од кои 919 се корисници на социјална парична помош и 111 се корисници на постојана парична помош”, рече Спасов.
Тој додаде дека како резултат на комуникацијата со здруженијата на родители на деца со Даунов синдром, произлегла и потребата од поголема поддршка во делот на правото на посебен додаток, со кој дете со пречки во развојот и со специфични потреби е и дете со Даунов синдром.
„Клучно во овие измени на Законот за заштита на децата е што се овозможува остварување на право на посебен додаток и за сите децата со Даунов синдром. Во изминатиот период само дел од родителите остваруваа постојана парична помош за деца со Даунов синдром кои имаат комбинирани пречки во развојот, за 180 дечиња. При што ќе им овозможиме да оствaрат месечна парична помош и на родителите на 88 деца кои се категоризирани како деца само со Даунов синдром, односно со овие измени на Законот за заштита на децата ја воведуваме како категорија и категоријата деца со Даунов синдром”, потенцираше Спасов.
Овие измени ќе стапат во сила започнувајќи од јуни 2015 година, а за таа цел на годишно ниво, министерството ќе издвои околу 18.690.940 денари. За реализација, пак, на финансиската поддршка за сите родители кои имаат деца со Даунов синдром годишно се издвојуваат вкупно 414.690.000 денари за 6.900 родители или 710 дечиња со попреченост.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.
Македонија
Заедничка иницијатива на засегнатите од неспроведувањето на новиот закон за бришење на застарени долгови
Во понеделник, 11 март 2024 во 12 часот пред Министерство за правда во Скопје, може да дојде секој од засегнатите граѓани од извршители, а кој сака да поднесе барање за застарување на долг – 10 години од издавање на извршна исправа – или да поднесе приговор за нерегуларности од извршувањата (пренаплатеност, лихварење, рекет, измама, фалсификат…), информира преку Фејсбук статус Ана Глигорова.
Глигорова вели дека ќе има подготвени, испечатени теркови со барања до Министерството кои ќе може да се пополнуваат на лие место и потоа да се поднесат во пријавницата на Министерството за правда.
Овие барања ќе се однесуваат за сите оние кои биле одбиени од извршителите да го спроведат новиот закон кој е во сила, но и за сите оние кои не поднеле никакво барање до сега, информира Глигорова.
-Ако поднесувате приговор за други нерегуларности составете го сами, според предметот за кој сте засегнати, но и тие документи ќе бидат предадени истиот ден, – додава таа.
Глигорова порачува засегнатите да земат слободен ден или час од работа, за да дојдат лично да ги пополнат и предадат поднесоците за што ќе им биде потребна лична карта и фотокопија од документите.