Македонија
Основен суд Скопје 1: Нема рокови за закажување на судењата за обвиненијата на СЈО
Иако Специјалната јавна обвинителка, Катица Јанева во петокот изјави дека судот во рок од осум дена треба да ги закаже судењата за двата случаи за кои ова Обвинителство поднесе обвинение, од Основниот суд Скопје 1 велат дека нема формално утврдени рокови за закажување на главните расправи.
Двата обвинителни предлози согласно електронскиот систем за распределба, се распоредени кај двајца судии од одделот Кривично полнолетни за понатамошнопостапување.Од Судот потврдуваат дека се работи за забрзани постапки коишто можат да бидат поведени врз основа на обвинителен предлог или приватна тужба и во овие случаи е предивдена парична казна или казна затвор од пет години.„За овие предмети не е предвидено водење на предистражна постапка туку обвинителниот предлог или приватната тужба треба да бидат комплетирани и документирани со цврсти докази кои даваат повеќе од разумно сомнение за сторено кривично дело и судот не би требало да има потешкотии за утврдување на фактичката состојба, со долго водење на главната расправа“, соопштуваат од Судот.По распоредувањето на обвинителниот предлог или приватната тужба, судијата има обврска да испита дали е надлежен и дали постојат услови за отфрлање на предлогот или приватната тужба или во спротивно да закаже главна расправа за која ќе ги известистранките со покана и ќе им достави примерок од обвинителниот предлог илиприватната тужба.„Потребно е да се напомене дека за испитување на обвинителниот предлог или приватната тужба и закажување на главна расправа законот не предвидува формални утврдени рокови, освен во случај кога се работи за притворски предмет кои се води по брза постапка и за кои доколку е определна мерка притвор по предлог на јавниотобвинител, во претходна постапка, притворот не може да трае подолго од осум дена доподнесување на обвинителниот предлог, што е јасно предвидено во член 470 одЗКП, а во овие два предлози овластениот обвинител воопшто не предложил до судотопределување на некоја од мерките за обезбедување присуство“, велат од Судот.Специјалното јавно обвинителство во четвртокот поднесе две обвиненија за уништување на списи поврзани со работата на системите за следење на комуникациите и за насилните протести што се случија во јули 2013 година во скопската општина Центар.Првообвинет во првиот случај е директорот на Петтата Управа, Горан Грујевски и уште шестмина службеници од Управата за безбедност и контраразузнавање, додека за вториот случај првообвинет е поранешниот премиер и лидер на ВМРО-ДПМНЕ, Никола Груевски и поранешниот Министер за транспорт и врски, Миле Јанакиески, и двајцата за поттикнување на насилство. Освен нив, за истото дело обвинети се уште три лица, а девет лица се обвинети како учесници во насилните протести./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.