Македонија
Основниот суд Скопје 1 одлуката за одземање на пасошот на Канческа-Mилевска ќе ја носи во понеделник
Основниот суд Скопје 1 Скопје во петокот не одлучи дали на министерката за култура Елизабета Канческа-Милевска осомничена во случајот „Тендери“, ќе ѝ биде одземена патната исправи и дали ќе треба да се јавува во судот еднаш седмично.
Како што инфромиравме во петокот, министерката за култура Елизабета Канческа-Милевска во петокот во судот даде исказ во присуството на обвинителката од Специјалното јавно обвинителство за предмети произлезени од нелегално прислушуваните телефонски разговори (скратено СЈО) Фатиме Фетаи. По двочасовниот распит, министерката не соопшти детали за распитот, изјави за медиумите дека не ѝ биле презентирани докази и ги обвини СЈО и најголемата опозицска партија СДСМ дека прават политички театар. Канческа- Милевска беше повикана на распит една седмица откако СЈО ги достави предлозите за мерки на претпазливост до судот. Таа е првоосомничена во новиот случај „Тендери“. Се товари за местење на тендерот за изградба на Музејот на ВМРО во полза на АД Бетон- Штип. Со тоа, како што објави СЈО, го оштетила државниот буџет за милион евра. Во случајот се осомничени уште три лица, но мерки на претпазливост, обвинителите побараа само за министерката и второосомничената во случајот, која е дел од Комисијата за јавни набавки во Министерството за култура. При објавување на случајот, СЈО соопшти дека постојат околности кои укажуваат на опасност од бегство. Поради тоа побара од судот да им ги одземе пасошите и да им изрече обврска за пријавување на своето присуство на министерката Елизабета Канческа- Милевска и на второосомничената во случајот „Тендери“./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.