Македонија
Полицајци велосипедисти на плажите во Охрид
Охридската полиција од среда во своето редовно полициско работење ја ангажира велосипедската полициска патрола.
Патролата има тројца полицајци-велосипедисти кои активно ќе се вклучат во превентивното и репресивното делување пред се во реализација на кражби, спречување на вршење кривични дела и прекршоци, откривање и приведување на сторители на разни казнени дела по плажите и паркинзите како и во централното градско подрачје. Велосипедистите-полицајци ќе работаат на реализација на мерките за одржување на јавниот ред и мир за што, имаат посебна полициска обука.„Велосипедската полиција е модерна замисла за нова и современа форма на полициско работење што треба да обезбеди партнерство и поблизок контакт со граѓаните, збогатување со нова содржина во превентивното делување со што кај јавноста треба да се подигне нивото на позитивна перцепција за полицијата како јавен сервис во служба на граѓаните. Таа е обид за поголема мобилност на полициската служба посебно во летните месеци кога имаме зголемена фрекфенција на сообраќајниците во Охрид, можност за побрзо пристигнување на местото на настанот каде има нарушување на јавниот ред и мир или кражба посебно во централното градско подрачје, откривање и пронаоѓање на сторителите на казнени дела, нов облик во одржувањето на јавниот ред и мир, укажување помош и заштита на граѓани и субјект за поголема ефикасност во извршувањето на вкупните полициски работи утврдени со закон“, соопштуваат од СВР Охрид. Во изминативе осум години, велосипедската полициска патрола во Охрид целосно беше вклучена во превентивните активности на СВР Охрид но и во репресивното делување пред се во реализација на кражби, спречување на вршење кривични дела и прекршоци, откривање и приведување на сторители на кражби по плажите и паркинзите како и во централното градско подрачје но и во реализација на мерки за одржување на јавниот ред и мир. Севкупната работа на полициската велосипедска патрола се извршува крајно професионално и во согласност со законските полициски овластувања. Пред стартот на нивната работа на 17 јули 2008 година, припадниците на велосипедската полициска патрола имаа посебна едномесечна обука што во Охрид ја реализираше полициски инструктор од МВР на РМ со стекнат сертификат за посебни техники на полициско велосипедско патролирање претходно обучен од американски полициски обучувачи за полициско патролирање на велосипед. Патролата во изминативе 8 години од функционирањето, целосно го оправда своето постоење и значително придонесе во подигнувањето на степенот на севкупната безбедност во Охрид. Патролата претставува посебна туристичка атракција која со воодушевување е прифатена од охриѓани и од туристите. Тие се сликаат со велосипедистите и покажуваат интерес за разговор со нив. Патролата учестува во превентивни акции на СВР Охрид, делење на флаери по плажите за заштита од кражби и во низа други проектни активности на оделението за превенција, активно е вклучена и во програмите на неколку национални телевизии што во живо се емитуваа од Охрид а беа посветени и на безбедноста и охридската полиција. Тие од движење на велосипед практично манифестираа акција за приведување сторител на казнено дело со што ги демонстрираа стекнатите вештини и знаења. Патролата е редовно присутна и во обезбедување на значајни концерти и спортски манифестации што во летниот период се одржуваат во Охрид како и во разни проектни активности на Општинскиот совет за безбедност во сообраќајот на патиштата, невладините организации, велосипедските клубови и други локални спортски организации. Покрај позитивното делување на релација полиција-локална заедница и зголемената можност за поблизок контакт со граѓаните посебно со младите, патролата го афирмира велосипедизмот како спортска дисциплина и здрав начин на живот, ја промовира грижата за здрав начин на живот и го надоградува позитивниот имиџ во јавноста. Секако дека постои и значителна економска оправданост од постоењето и работата на велосипедската полициска патрола. Проектот „Велосипедска полициска патрола“ е изработен во мај 2008 година по иницијатива на портпаролот на СВР Охрид по што преку МВР на РМ е подржан од одделот за развој на полиција при мисијата на ОБСЕ во Република Македонија. Тогаш, на пригодна манифестација во МВР беа доделени вкупно пет специјални полициски велосипеди. Истите се редовно сервисирани и одржувани. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.