Македонија
Поликлиниката Драчево со нов психијатриски кабинет
Во поликлиниката Драчево за првпат е отворен специјалистички кабинет по психијатрија со доктор-специјалист, преземен од приватна во јавна здравствена установа, во рамки на третиот оглас на Министерството за здравство за преминување на доктори-специјалисти во јавното здравство.
Со третиот оглас на Министерството, објавен во месец јуни, во рамки на Здравствен дом Скопје се преземаат вкупно 10 доктори-специјалисти.Кабинетот по психијатрија почна со работа од 27 октомври и веднаш се закажани термини за преглед на пациенти во системот МојТермин. Кабинетот работи секој ден, од 07:30 до 14:30 часот.„Отворањето на специјалистичкиот кабинет по психијатрија овозможува кадровско зајакнување на оваа здравствена установа, како и проширување на здравствената дејност на установата. Воедно, на овој начин се овозможува поголема достапност на оваа специјалистичка услуга до граѓаните од овој регион, имајќи предвид дека кон поликлиниката Драчево гравитираат околу 80 илјади граѓани“ соопштуваат од Минустерството за здравство.Специјалистичкиот кабинет по психијатрија е еден во низата кабинети кои беа формирани во рамки на оваа поликлиника во изминатиот период. Почнувајќи од средината на 2012 година, досега во поликлиниката се отворени: интернистички кабинет; биохемиска лабораторија; кабинет за уво,нос и грло; рендген-кабинет, како и пункт за Итна медицинска помош. Инаку, со претходните два огласи на Министерството за здравство за преминување на доктори-специјалисти од приватно во јавно здравство, во Здравствен дом Скопје се преземени 19 доктори-специјалисти, што заедно со новите 10 доктори од последниот оглас, значи сериозно кадровско зајакнување од вкупно 29 специјалисти, како и можност за отворање на нови кабинети, а со тоа и поголема достапност на специјалистичките услуги до граѓаните./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.