Контакт

Политика

Груевски: Прифаќањето на платформата на албанските партии ја отвора Пандорината кутија

Објавено пред

ВМРО-ДПМНЕ нема да потпише платформа која нема да донесе мир во државата, бидејќи нејзиното прифаќање бои претставувало отворање на Пандорината кутија во смисла на меѓуетничките односи, рече челникот на оваа партија и поранешен премиер Никола Груевски во опширното интервју во саботата вечерта на телевизијата ТВ НОВА, одговарајќи на прашањето за декларацијата на четирите албански партии во Македонија која ја наложија како услов за поддршка на една од двете македонски партии со најмногу мандати во Собранието.

dobivaj vesti na viber

На предвремените парламентарни избори на 11-ти декември ВМРО-ДПМНЕ освои 51 мандат и со десетте пратеници кои ги освои неговиот досегашен албански коалиционен партнер во владата ДУИ, можеше да формира натполовично мнозинство за формирање министерски кабинет. Но партиите во предвидениот ток не успеаја да се договорат, па започнаа преговорите меѓу „интегративците“ на Али Ахмети и СДСМ кој обезбеди 49 пратеници, но ја има поддршката и на другите досега опозициски албански партии.

Ахмети на челниот на социјалдемократите Зоран Заев му порача дека очекува писмен предлог во односна споменатата платформа за добивање на потписите на десетте пратеници на ДУИ, а во саботата од СДСМ најавија дека веќе ги составиле писмените материјали, без да наведат поединости од нивната содржина.

„Ние (ВМРО-ДПМНЕ) на ДУИ им кажавме дека не можеме да прифатиме платформа потпишана во друга држава и да разговараме. Ние препознавме дека станува за обид за репреговарање на охридскиот Рамковен договор. А ние знаеме дека многупати имавме сугестии од сите страни дека тој договор е тешко издоговаран и дека не треба да се мисли за негово репреговарање, зошто и другите заедници би излегле со свои барања како и мнозинската заедница. Така отвораме една пандорина кутија која не сум сигурен дека може лошо да заврши, рече челникот на ВМРО-ДПМНЕ, Никола Груевски.

„Сé треба да има логика во политиката. На Албанците на овие избори им се нудеше нешто што нема да им донесе подобро. Што имаат тие ако има двојазичност во Берово, Штип, Демир Капија… Ние рековме да се зборува за тоа во општини каде има најмалку 20 од некоја етничка заедница, за ако треба и другите да добијат нешто. Да видиме дали има нешто логично и што оставрува некои човекови права односно да им го подобри животот на луѓето, а не само да се фалат политичарите дека нешто направиле“, додаде Груевски.

Исткана дека во преговорите со ДУИ не се согласиле со платформата и двојазичност на цела територија

„Преговорите со ДУИ пропаднаа и не беше искористен првично мандатот за создавање на влада бидејќи главен проблем беше барањато за воведување на двојазичност на целата територија на Македонија што е неприфатливо“, изјави Груевски.

„Откако не успеаја плановите за постизборен инжинеринг стана јасно дека тежиштето на борбата се префрла со притисоци врз преговорите за формирање на влада со коалициониот партнер ДУИ што на почеток одеше во позитивна насока. Со оглед на распоредот на пратеници знаевме дека ќе биде тешко да се формира влада, но не одевме веднаш да бараме нови избори. Со ДУИ од старт видовме обиди за одложување на преговорите поради внатрепартиски несогласувања. Потоа бевме соочени со барањата на ДУИ со конкретен закон доставен на хартија за двојазичност на цела територија за изедначување на албанскиот со македонскиот јазик. Им кажавме дека е нелогично да има двојазичност каде Македонците се 65, а Албанците се 25 отсто. кои живеат пред сé во северозападна Македонија каде веќе уживаат голем број на етнички права, особено со Рамковниот“, рече Груевски.

„На маса беше ставена и платформата која ја одбивме, бидејќи е составена со други партии и во друга држава. Препознавме дека станува обид за репреговарање на охридскиот Рамковен договор. Тој е тешко постигнат и не треба да се менува, што ако помалите етнички заедници, па дури и македонската заедница излезат со свои барања. Со тоа ќе отвориме една Пандорина кутија која нема да донесе нешто добро. Им кажавме дека не сакаме да разговараме за платформата, туку за поединечни конкретни разговори“, Груевски во интервјуто за ТВ Нова.

Лидерот на ВМРО-ДПМНЕ во интервјуто порача дека нема да се откажат од работење за доброто на граѓаните.

„Ако СДСМ го направи тоа и ја прифати платформата, ние сме подготвени да одиме во опозиција и ќе направиме сé што е во наша моќ да не се прифатат такви барања кои ќе го нарушат мирот. Сакаме да им помогнеме на сите граѓани да имаат подобар живот, преку економија, работни места, пензии, плати и подобри можности за сите. Ние сме луге кои држиме до даден збор и нелогични работи нема да прифаќаме. Ние не сме против Албанците иако медиумите на Сорос нé оцрнија и создадоа лоша перцепција за нас“, рече Груевски.

Тој заборуваше и за тоа дека по дознавањето на изборните резултати, како и во започнувањето на политичката криза во земјата имало мешање на дипломати и странски држави, кое го забележале и обичните граѓаните.

„Нема граѓанин што не го препозна тоа дека одредени дипломатии и одредени држави се обидуваа со сите сили да ѝ помогнат на СДСМ да биде попосакувана од македонските гласачи, а ВМРО-ДПМНЕ да биде што пооцрнета и ставена во што понепријатна ситуација, граѓаните да почнат да размислуваат поинаку, да гледаат на ВМРО-ДПМНЕ со други очи и тоа беше видливо“, истакна Груевски во интервју на ТВ НОВА.

„Велиме дека изборите беа фер, чисти, демократски и слободни, но не можеме да го изоставиме делот дека државата две години беше под тешка пресија, а ние како владејачка партија под уште потешка пресија од надворешни фактори. СДСМ на овие избори извади многу пари. Сето тоа не е прикажано во нивните извештаи. Беше видливо дека потрошија многу повеќе пари од ВМРО-ДПМНЕ, иако тоа не се рефлектира во извештаите, па изгледа дека ние сме потрошиле повеќе пари. Времето ќе покаже од каде се тие средства и ништо нема да остане скриено. По тој двегодишен период на организирано торпедирање на ВМРО-ДПМНЕ од сите страни, организирана хајка против ВМРО-ДПМНЕ и неговото раководство, организирана криза во земјата, не беше случајна. Оваа криза ѝ беше наметната на земјата, долго подготвувана и СДСМ немаа ни процент капацитет самите да организираат таква криза, тие беа инструмент во целата ситуација“, заклучи Груевски.

Во изборната кампања Груевски од гласачите бараше мандат со 63 пратеника, предупредувајќи дека во спротивно ќе има тешкотии при формирањето влада, но и за декемврискиот резултат на ВМРО-ДПМНЕ вели дека неговата партија го освоила речиси истиот број на гласови како и во 2014 година, што како што рече, покажува „кристална победа како и пред три години“.

„Во 2014-та се зборуваше дека сме вршеле притисок, победата не била чиста, СДСМ излезе од парламентот со такви објаснувања, иако немаше релевантни докази. Сега кога СДСМ доби министер за внатрешни работи, министер за труд и социјала, тројца заменици министри со право на вето, директор на информативната програма на државната телевизија, измени на закони, на изборниот закон и редица други работи, кога го доби сето тоа, се испостави дека бројот на гласачи што ВМРО-ДПМНЕ ги добивал е безмалку ист, практично ги задржавме гласовите од 2014 година и дојдовме до победа. Десетта победа по ред, без пораз“, констатираше Груевски.

Додаде дека победата на последните парламентарни избори е последица на многу работа, а народот тоа повторно го препозна. Нно победата, рече, воопшто не била лесна, имајќи предвид дека на овие избори им претходеле многу опструкции со цел да се влошат позициите на ВМРО-ДПМНЕ.

„Свесни сме дека нашата победа е последица на сработеното, победата не паѓа од небо. Ја заработивме со многу труд и многу работа, додека мнозинството граѓани тоа го препозна и награди. По победата имаше обид за рекомпонирање на гласовите, но морам да напоменам дека иако сиве овие избри беа чисти и демократски, претходеше година на сериозно влијание однадвор во правец на тоа да се влошат позициите на ВМРО-ДПМНЕ и да се подобрат на СДСМ. Одредени фактори правеа се за да му помогнат на СДСМ“, рече Груевски.
Груевски во разговорото категорички ги отфрли тврдењата дека иднината на Специјалното јавно обвинителство (СЈО), кој според ткн Пржинскиот договор на најголемите четири партии има 18-месечен мандат, и неговото продолжување било пречка за договор со партијата на Али Амети.

„СЈО беше спомнато во самиот почеток на преговорите и беше укажано дека сакаат да биде продолжен мандатот, а од наша страна рековме дека не сакаме и тоа беше аргументирано. За СЈО се зборуваше еден само еден ден од сите денови на преговори“, тврди Груевски

„Се затвори прашањето констатирајќи дека имаме различни гледишта. Јас мислам, и сум убеден, и дека ДУИ нема да признае дека и нивното мислење е изнудено, но нема да навлегувам во тоа. Тие претставија дека сакаат да се продолжи (мандатот на СјО), ние кажавме аргументи. Прво, дека имаме договор од Пржино кој е потпишан од четири партии во присуство на меѓународни претставници и требаше да биде излез од кризата. Тој договор ние го почитувавме со сите рокови обврски повлекување на премиер …смена на министри, закони,заменици министри и ред други работи. Вклучително и СЈО. За СЈО беше договорено од сите присутни дека 18 месеци се доволни за да се истражат сите работи дека ако се оцени да отворат обвинение и потоа да има рок за судски рочишта. Сите беа свесни за колкав материјал е тоа од креирани материјали. Се согласивме сите, и ние тоа го почитувавме. На 30-ти јуни завршуваат 18 месеци, иако стана јасно во меѓувреме дека СЈО е инструмент на надворешни центри и за остварување на други цели тоа го гледаат и помачлите деца кои не разбираат политика. СЈО покажа дека е крајно селективно на таргет е само една политичка партија, за дуи нема ништо за СДСМ нема ништо иако тие велеа дека за нив има најмногу материјали. Се е сконцентрирано на една партија. Но е толку очигледно дека се алатка на СДСМ и странски центри што тоа не може да се премолчи. Нивните прес-конференции се исто како на СДСМ“, одговори Груевски.

Според него, станува збор за тим кој е „исклучително на своја политичка агенда“ а тоа е уривање на раководството и паријата по секоја цена без елементарни докази. „Тие се чувствуваат силни затоа што сметаат дека некој ги штити. И така зборуваат меѓу себе и знаат дека се дел од своја мисија, мисијата има име – тоа е ВМРО-ДПМНЕ“, рече лидерот на оваа партија.

За Груевски многу видлив бил и обидот на СДСМ и нивните сојузници преку тн „изборен инжинеринг“ да ги променат резултатите од изборите, но тоа сепак не им успеало.

„Ги вложија сите максимални напори, но и тука коалицијата на ВМРО-ДПМНЕ и коалицијата ‘За подобра Македонија’ успеја само поради поддршката на народот. Главна карактеристика на нашето работење во изминатиот период беше тоа што се потпиравме на народот. И кога се потпирате на народот, тоа го правите откако претходно сте убедени дека сте на таа позиција за да му помогнете на тој народ. Поради тоа во изминатите години бев фокусиран на економијата, инвестициите, отворањето нови работни места, земјоделието, образованието, апарати за здравството“, рече Груевски.

Додаде дека како партија секогаш ја сфаќале политиката како можност да ги услужат граѓаните, за разлика од СДСМ кои на неколку наврати го изневерија народот и како последица на тоа тој тешко тешко им возвраќа со поддршка. Поради тоа, според Груевски, СДСМ е губитник, но прават обиди тоа да го прикажат поинаку.

„На граѓаните во многу наврати им предочив дека доколку нема јасна победа со 63 пратеници тоа ќе биде можност кризата да биде продолжена, тоа го сакаат некои сили“, рече Груевски на Тв Нова.

„Тоа не се случи затоа што некои работи се изместија со многу фактори. Сега кризата продолжува само се менуваат одредени фази има одредени разлики но продолжува и тоа не е добро. Нам ни требаат пред избори со јасна победа. Ако изгубиме со еден пратеник ние нема да играме како СДСМ со националните интереси, затоа што така и државата ќе губи. Ние тоа нема да го правиме како СДСМ, ќе се бориме во парламентот но нема да бидеме како нив. Изгубија па излегоа на прослава и до ден денес тоа го зборат. Колку треба да немаш интегритет за секој ден да зборуваш дека си победник. Нека има избори да видиме кој ќе победи нека одбере народот. Но потоа да се овозможи да се формира влада и да се остварат целите“, продолжи Груевски

Речи и дека кога се ставил во одбрана го националните интереси, многу добро знаел дека ќе биде политички нападнат, но оти народот му „дава сила“.

„Како политичар имам опоненти, тие се од земјата, но некогаш ако земјата е мала и ако некој друг од надвор, личности или земји, имаат поинакви планови тие стануваат ваши противници и својата големина и можат да ја користат за да ги променат тековите за да ве отстранат од власт и да ги остварат нивните интереси. Тие нема да ја кажат вистинската цел, туку ќе се обидат да ве направат криминалци, корумпирани, лоши луѓе, монструми, дека сте убивале луѓе, дека сте краделе, за народот сам да ве смени. Многу е јасна ситуацијата. Македонија не е прв. Секој политичар кој ќе застане цврсто зад интересите на народот треба да биде свесен за ова. Јас бев подготвен на тоа. Кога ги бранев националните интереси свесен бев дека ќе бидам нападат и затоа на нозе го издржав ова и имам уште сила, рече Груевски, кој додаде дека силата ја црпи од народот./крај/мф/сн

Македонија

Демократски сојуз: Грешки со историски димензии

Објавено пред

Демократскиот сојуз предупредува на процес на сечење на македонските корени преку заедничката комисија за историски и образовни прашања, со што се отвора процес на бугаризација на Македонија.

dobivaj vesti na viber

„Работата на оваа комисија е рефлексија на решенијата содржани во Договорот за пријателство, добрососедство и соработка помеѓу Република Македонија и Република Бугарија со кој се дефинира заедничка историја и формирање на Комисија за историски и образовни прашања. Формулациите за заедничко чествување на Светите Кирил и Методиј, Св. Климент, Св. Наум и Цар Самоил и препораките за менување на учебниците во двете земји кои ги усогласила заедничката комисија, директно го менуваат историскиот наратив во полза на бугарската национална и етничка кауза во Македонија“, порачуваат од партијата.

Демократскиот сојуз оценува дека е неприфатливо со административни комисии и решенија да се менува минатото, со интенција со релативизирање на историските факти да се негира и обезличува македонскиот идентитет. Ова е безуспешен обид на транспозиција на современата свест во далечното минато и погрешно сфаќање на историјата, формирана во периодот на комунизмот.

„Со оспорување на македонските просветители и револуционери кои се дел од КОДОТ на секој Македонец, се негира македонскиот идентитет, неговите корени и иднината. Да потсетиме, тој што нема историја, нема иднина, а токму тоа сега се прави“, велат оттаму и ги повикуваат историчарите од Македонија, од регионот и од Европа и сите прогресивни луѓе „да застанат зад историските факти во одбрана на македонскиот народ и неговиот идентитет, историја, култура и јазик“.

„Договорот е со фабричка грешка, бидејќи поаѓа од наводна заедничка историја која ги поврзува двете држави и нивните народи, но Бугарија под таа формулација подразбира ‘бугарска историја’. Како држава, треба да ги процениме сите ризици од прифаќање на решенијата на Комисијата за историски и образовни прашања, како и од продолжување на нејзината работа, особено што овие обврски се дел од Протоколот потпишан од министрите за надворешни работи на двете земји и истовремено се составен дел на Преговарачката рамка за нашето пристапување кон ЕУ, кои Бугарија може да ги користи за уцени и блокирање на евроинтеграциските процеси на Македонија“, е ставот на Демократскиот сојуз.

Прикажи повеќе...

Македонија

СДСМ: Потонаа сите лаги на ВМРО-ДПМНЕ за наводно менување на историјата

Објавено пред

„Паднаа во вода сите лаги на ВМРО-ДПМНЕ и Христијан Мицкоски со кои со месеци ги вознемируваа граѓаните и се обидуваа да создадат нови поделби. Со усвоените препораки на Заедничката мултидисциплинарна експертска комисија за историски и образовни прашања стана јасно дека во нив нема ништо спорно, затскриено, нема никакво бришење или менување на историјата по бугарски терк, како што лажеа Мицкоски и ВМРО-ДПМНЕ“, порачуваат од владејачката СДСМ.

dobivaj vesti na viber

Ставот на партијата е дека „усвоените препораки за одредени учебници во основното образование се на база на реципроцитет и ќе бидат доставени и до македонската, но и до бугарската влада“.

„Ова ги демантира грубите лаги на ВМРО-ДПМНЕ и покажува дека ВМРО-ДПМНЕ и Мицкоски сакаат да го нарушат процесот на решавање на отворените прашања со Бугарија. За разлика од таквиот однос на Мицкоски и ВМРО-ДПМНЕ, Владата предводена од СДСМ продолжува да бара решенија за отворените прашања, при тоа заштитувајќи ги македонскиот идентитет, македонската историја и самобитност“, порачуваат од СДСМ.

Прикажи повеќе...

Македонија

ВМРО-ДПМНЕ: Ковачевски да одговори, или уставни измени веднаш во Собрание или оставка и избори

Објавено пред

„Секојдневните предавства од криминалната власт на СДСМ и ДУИ треба да престанат. Константните притисоци од власта на Ковачевски кон пратениците на ВМРО-ДПМНЕ нема да поминат“, обвинуваат од опозициската ВМРО-ДПМНЕ.

dobivaj vesti na viber

Од партијата соопштуваат „за да престанат притисоците од страна на власта кон пратениците, СДСМ и Ковачевски имаат избор и понуда од страна на претседателот Христијан Мицкоски. Доколку Ковачевски и СДСМ се сигурни дека имаат 80 пратеници, веднаш по враќање на пратениците во Собранието да ги стават уставните измени на дневен ред на првата собраниска седница“.

„Ако на таа седница не поминат уставните измени за вметнување на Бугарите во Уставот, наредниот ден, да се распушти Собранието и да се оди на предвремени парламентарни избори.
Ако од власта се сигурни дека она што го прават е исправно еве им избор, или слугување на Бугарија и промена на Уставот или предвремени избори. Ова е чесна и фер понуда. На потег е Ковачевски“ е партискиот став.

Прикажи повеќе...

Најново

Македонија18 минути

Бугарските историчари прогласија победа: „Ќе продолжиме да ги браниме позициите и за јазикот, браќата Миладиновци и Гоце Делчев“

Двегодишната битка за одбрана на позицијата на Бугарија во историските спорови со Северна Македонија ја достигна првата победа. Ова се...

Регион2 часа

Ќе требаат нови операции за децата повредени во автобуската несреќа во Бугарија

Двете повредени деца, кои вчера од Стара Загора беа пренесени во болницата „Пирогов“ во Софија, сè уште се во тешка...

Македонија2 часа

Демократски сојуз: Грешки со историски димензии

Демократскиот сојуз предупредува на процес на сечење на македонските корени преку заедничката комисија за историски и образовни прашања, со што...

Македонија3 часа

СДСМ: Потонаа сите лаги на ВМРО-ДПМНЕ за наводно менување на историјата

„Паднаа во вода сите лаги на ВМРО-ДПМНЕ и Христијан Мицкоски со кои со месеци ги вознемируваа граѓаните и се обидуваа...

Европа3 часа

Киевскиот градоначалник Виталиј Кличко се разведува по 25 години брак

Градоначалникот на Киев и поранешен светски шампион во бокс Виталиј Кличко (51) се разведува од сопругата Наталија, по 25 години...

Македонија3 часа

ВМРО-ДПМНЕ: Ковачевски да одговори, или уставни измени веднаш во Собрание или оставка и избори

„Секојдневните предавства од криминалната власт на СДСМ и ДУИ треба да престанат. Константните притисоци од власта на Ковачевски кон пратениците...

Европа3 часа

Путин: Тоа што го прави Западот е глупаво

Владимир Путин ги нарече „залудни“ обидите да се поништи руската култура и самата Русија. „Тоа е едноставно глупаво. А оние...

Европа3 часа

Зеленски ги разреши шефовите на безбедносните служби

Зеленски ги разреши шефовите на безбедносните служби на четири регионални одделенија. Според декретите објавени на претседателската веб-страница, Серхи Зајац беше...

Македонија20 часа

Цар Самоил, Кирил и Методиј и Климент и Наум твореле во бугарската голема средновековна држава, се вели во препораката за заедничко чествување

Тоа што живееле и твореле на денешната територија на Македонија, во бугарската голема средновековна држава им е единственото заедничко на...

Македонија22 часа

(Видео) Комисијата препорача заедничко чествување на цар Самоил, Кирил и Методиј и Климент и Наум, ќе има и измени на антиката во учебниците

Комисијата за историски прашања даде препораки за заеднички чествувања на цар Самоил, светите Кирил и Методиј и светите Климент и...

Македонија22 часа

Петровска: Одлуките за донација на воена помош за Украина се одлуки на суверена и самостојна држава

Одлуките за донација на воена помош и вооружување за Украина се одлуки на суверена и самостојна држава, без оглед на...

Македонија24 часа

Бугарска фондација стави бугарско знаме пред споменикот на Гоце Делчев во Скопје и се пофали дека го исчистила

Бугарската фондација „Македонија“ на социјалната мрежа Фејсбук објави дека го исчистила споменикот на Гоце Делчев во Скопје, ставајќи до него...

Регион1 ден

Лончар: Едно дете е оперирано, а на еден патник му беше ампутирана ногата

Министерот за здравство на Србија, Златибор Лончар по посетата на повредените во несреќата во Бугарија изјави дека нема загинати. „Ги...

Македонија1 ден

Власта да се извини за исвиркувањето на македонскиот јазик на прославата на ДУИ, порача опозицијата

Опозициската ВМРО-ДПМНЕ побара од Владата на СДСМ и ДУИ, да се извини за исвиркувањето на прославата за Рамковниот договор, што...

Македонија1 ден

Македонскиот ПЕН-центар со осуда за нападот врз светски познатиот автор Салман Ружди

Македонскиот ПЕН-центар со длабока индигнација и згрозеност го осудува бруталниот напад врз светски познатиот автор Салман Ружди, кој целото свое...

Топ1 ден

Jапонскиот премиер: Никогаш повеќе нема да водиме војна

Јапонскиот премиер Фумио Кишида денеска, на 77-годишнината од капитулацијата на Токио во Втората светска војна, вети дека земјата никогаш повеќе...

Македонија1 ден

На Табановце се чека околу еден час, на Богородица 30 минути

Интензитетот на сообраќај на патните правци надвор од градските средини е зголемен. На ГП Богородица времето на чекање за излез...

Свет1 ден

Путин му напиша писмо на Ким Џонг-ун

Рускиот претседател Владимир Путин напиша во писмо до севернокорејскиот лидер Ким Џонг-ун по повод Денот на ослободувањето на Северна Кореја...

Регион2 дена

Исповед на Светлана Бориловиќ, мајката на монструмот од Цетиње: Подобро што и тој е мртов

Два дена по масакрот во Црна Гора, Светлана Бориловиќ, мајката на Вук Бориловиќ, жителот на Цетиње кој уби десетмина сограѓани...

Регион2 дена

(Видео) Автобус со деца од Србија се преврте во Бугарија

Автобус со деца од Србија се преврте во канал на автопатот „Тракија“ кај градот Стара Загора, изјави за Нова ТВ,...