Daily news
Одложено “повторувањето на постапката“на разрешениот судија Јордан Митриновски,заради отсуство на бранителот
Отсуството на бранителот на разрешениот пензиониран судија Јордан Митриновски ја одложи денешната расправа пред петчлената комисија на Судскиот совет,на која требаше да се повтори постапката за негово разрешување.
Нов датум е 11 мај,со кој се согласи и подносителот на барањето за разрешување,претседателот на Врховниот суд ,Јово Вангеловски , до кога Митриновски се обврза дека ќе го извести својот бранител.
Митриновски неколку пати потенцираше дека е способен и сам да се брани,но го прифатил барањето за одложување на својот бранител,кој бил на службен пат.Но, тој пред да си оди од средбата,им најави на членовите дека ќе им достави допис,во кој,како што рече поставил неколку прелиминарни прашања,кои се неопходни пред воопшто да се отпочне постапката.
Разрешениот судија не сакаше да прецизира кои се тие прашања,но нагалси дека сите прашања кои ги поднел се логична последица од одлуката од Стразбур и Судскиот совет мора да одговори на нив.
„ Во спротивно јас ќе ги одговорам пред јавноста. Во пресудата е дадено како забелешка дека е повреден членот 6. Треба да се работи според закон и здрав разум, да не дојдеме до Исусовата реченица: прости им Господи, не знаат што прават. Уште од самиот старт постапката почна со незаконско и недозволено барање, а така и заврши. Поднесено е обвинение од подносител кој во конкретниов случај не смее да биде подносител затоа што е инволвиран во работата на Судскиот совет и во претходната постапка.
Запрашан од новинарите дали знае што е вистинската причина за неговото разрешување и дали во заднината стои брачниот пар Филимена и Михајло Маневски,тој потврди дека конфликтот со нив му бил цело време отворен.
„ Филимена Маневска не можеше да го прежали нејзиното пензионирање кое јас го потпишав. Јас се противев на нивното постојано мешање во политиката и тоа доведе до отворен конфликт, што доведе до мое разрешување – нагласи Митриновски.
Претседателот на Врховниот суд на Македонија, Јово Вангеловски денеска изјави дека расправата е одложена на барање на подносителот врз основа на поснесокот од неговиот бранител.
– Независно дали е пензиониран или не, од судот во Стразбур има барање за
повторување на постапката и тоа мора да се спроведе.Каква ќе биде одлуката ќе зависи од Судскиот совет,рече Вангеловски,кој потврди дека нема да учествува во одлучувањето за Митриновски,бидејќи токму на тоа се однесуваше и повредата констатирана од Стразбур.
.Митриновски беше разрешен во 2011 година поради одлуката на советот со кој тој претседавал да го пушти во домашен притвор тутунскиот бос Бајруш Сејдиу.По барање на државниот јавен обвинител,Кривичниот суд на Врховниот суд со кој претседаваше тогашниот и сегашен претседател на највисокиот суд, Јован Вангеловски, го укина притворот.Веднаш по тоа Вангеловски поднесе претставка со која бараше разрешување на Митриновски ,но по функција учествуваше и во работата на Судскиот совет.
Европскиот суд за човекови права во Стразбур на 30 април 2015 година ја прифати жалбата на Митриновски против Македонија бидејќи оцени дека бил разрешен од функцијата претседател на Апелациониот суд во постапка која не обезбедила фер и правично судење.Исто така, беше утврдено дека Судскиот совет не бил „непристрасен и независен“ во неговиот случај. На разрешениот судија му беа доделени 4.000 евра како нематеријална штета, како и 1.230 евра за трошоци во постапката.крај/мф/г.д
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.