Политика
ДОМ почнува кампања за борба против дрогата
Комисијата за здравство на ДОМ во саботата ја најави кампањата Борба против дрогата која ќе се состои од два дела, рече Тања Ѓуковиќ претставник на партиската комисија.
„Во првиот дел ќе се третира прашањето како да се спречи а во вториот дел ќе се разгледува прашањето како да се лечи, односно. како да се подобри третманот на зависноста од дрога. Предвидени се активности во насока на превенција од болестите на зависност преку негување на здрави навики и здрави животни стилови, едукација на деца и родители и рана детекција на употребата на дрога. Кампањата ќе опфати трибини, тркалезни маси и акции ширум Македонија“, рече Тања Ѓуковиќ од Комисијата за здравство на прес конференцијата одржана по повод почетокот на кампањата.
Комисијата за здравство на ДОМ изрази загриженост поради порастот на бројот на лицата корисници на дроги во земјата. Според податоците со коишто располага партијата којашто е дел од владејачката коалиција предводена од ВМРО-ДПМНЕ, проектираната бројка лица кои користат дроги по интравенозен пат е околу 10 илјади
„Во текот на 2011 година во јавните и приватните здравствени установи во Македонија со метадонска и бупренорфинска супституциона терапија се третирани околу 1.600 пациенти или скромни 16 отсто од оние на кои што тоа им е потребно. Тоа значи дека 84 отсто или 8.400 луѓе не се опфатени и претставуваат голем социјален и здравствен проблем“,, прецизираше Ѓуковиќ.
Втор проблем е нерамномерната распределба на постоечките капацитети. Иако 50 отсто, односно околу пет илјади зависници се наоѓаат во Скопје, само 10 проценти од нив се опфатени во програма. Какјо што кажа Ѓуковиќ, до ова може да се каже дека 8.400 зависници во Македонија се надвор од каква и да е програма и третман, без медицинска помош и без социјална поддршка, оставени на грижа на семејствата кои се веќе исцрпени.
Што се однесува до зависниците кои се опфатени во програмите, капацитетите на сервисите се преполнети, без можност за прием на нови пациенти, со недоволен кадар, речиси без сериозна психосоцијална поддршка, потсетија од ДОМ .
„Поради сето ова Комисијата за здравство на ДОМ бара да се отвори јавна расправа за овие проблеми и да се најде решение преку: 1. Зголемување на опфатеноста на зависниците во јавниот и приватниот здравстен сектор, за што можат да се користат и странски фондови; 2. Соодветна дисперзија на сервисите според потребите; 3. Искористување на постоечките капацитети на приватните здравствени установи во смисол на просторни и кадровски решенија и опрема, со што се остваруваат заштеди во Министерството за здравство; 4. Подобрување на третманот во установите со програма за рехабилитација и ресоцијализација и воведување на индивидуален пристап во третман, што значи дека третманот е прилагоден спрема потребите на секој пациент “, рече Ѓуковиќ .
Смета дека со дека со овие измени ќе се постигни поголем успех во справувањето со ова зло, како што се намалување на смртноста кај оваа популација, зголемување на функционалноста, а со тоа и работоспособноста на лицата зависни од дроги, намалување на инциденцата на сериозни компликации и последици по телесното здравје кај ваквите лица, намалување на заболувањата како што ХИВ, Хепатит Ц и др. во целната група;, намалување на опасностите од ширење на споменатите инфекции кај општата популација; декриминализирање на лицата зависни од дроги, заштита на правата на пациентите и со Уставот загарантираното право за еднаквост во третманот на здравствените проблеми./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.