Контакт

Политика

Груевски: ВМРО-ДПМНЕ нема да учествува и нема да ги признае резултатите од евентуалното прегласување

Објавено пред

 

ВМРО-ДПМНЕ нема да ги признае резултатите од евентуалното прегласување и нема да дозволи институциите во државата да функционираат преку фалсификување на волјата на народот, порача во саботата претседателот на ВМРО-ДПМНЕ Никола Груевски, обраќајки се пред поддржувачите и симпатизерите на партијата кои беа собрани пред претсториите на Државната изборна комисија (ДИК), каде што се разгледува последниот приговор кој беше поднесен од страна на СДСМ во однос на изборните нерегуларности.

 

Според Груевски, Извршниот комитет на партијата донел проглас во кој се наведени неколку точки, меѓу кои и напуштање на сите преговори со останатите политички партии а каде што учествуваат и дипломатски претставници од странски земји. „ДИК донесе незаконски одлуки со цел изигрување на изборната волја на народот. Работата на ДИК се претвори во пародија. Имаме информации за вмешување на странски претставници со цел вршење на влијание врз некои членови на ДИК за пост изборен инженеринг и фалсикување на изборната волја на граѓаните. Некои од независните претставници на ДИК не се независни“, изјави Груевски.

 

Порача дека незаконските одлуки на ДИК може да бидат корегирани од страна на Управниот суд и дека тие како партија сега повикуваат да не се врши притисок врз ова судско тело, но дека доколку и судот подлегне на притисоците, тогаш ВМРО-ДПМНЕ нема да учествува и да ги признае резултатите од евентуалното прегласување.

 

„Повикуваме да не се врши притисок врз Управниот суд а доколку тој подлегне на притисоците од страна и со тоа се фалсификува слободната волја на граѓаните, ВМРО-ДПМНЕ објавува дека нема да учествува во прегласувањето и нема да ги признае резултатите од тоа гласање. Нема да дозволиме аболицираниот крминалец Зоран Заев  да формира влада со фалсификувана волја на граѓаните“, рече тој.

 

ВМРО-ДПМНЕ не е задоволна од тоа што, како што рече Груевски, „некои амбасадори премногу се мешаат во внатрешната политика на земјата“ и порача дека „државата мора суверено да ги носи одлуките“.

 

„Некои амбасадори почнаа премногу да се мешаат во внатрешната политика на земјата, ВМРО-ДПМНЕ останува отворена за комуникација за странските претставници но некои амбасадори мора да престанат да се мешаат во внатрешната политика на земјата. ВМРО-ДПМНЕ нема да дозволи мешање во внатрешната политика на земјата. ВМРО-ДПМНЕ го напушта форматот на преговори каде учествуваат претставници на странски држави. ВМРО-ДПМНЕ во иднина нема да прифаќа нестандарни решенија кои ги нема и во членките на ЕУ. ВМРО-ДПМНЕ знема да прифати кантонизација и редефинирање на државата, под било какви услови и околости. Ќе се бориме за десоросоизација на Република Македонија и јакнење на независен граѓански сектор, кој нема да биде под ничија контрола“, додаде Груевски.

 

ВМРО-ДПМНЕ и историски и во иднина ќе биде прозападно ориентирана, нашите цели се членество во ЕУ и НАТО и темелно пријателство со САД, а овој проглас е проглас за заштита на демократијата во Република Македонија, заклучи лидерот на ВМРО-ДПМНЕ./крај/мф/бс

Македонија

Шилегов: Оваа година без палење стрништа, земјоделците бесплатно ќе го одлагаат отпадот

Објавено пред

Град Скопје почнува кампања за елиминирање на палењето на нивите и стрништата со цел намалување на загаденоста на воздухот и зачувување на плодноста на почвата, најави градоначалникот Петре Шилегов на денешната прес-конференција.

„До сега стрништата, плевелите и другите растителни отпадоци беа палени поради тоа што на земјоделците не им беше понудена алтернатива за одлагање на отпадот од бербата независно од тоа што палењето ја уништува плодноста на почвата и создава штетни материи што го загадуваат воздухот и претставуваат опасност за здравјето на сите, а особено на оние што се во близина“, рече Шилегов.

Тој додаде дека палењето стрништа, плевели и други растителни отпадоци ги уништува и микрофлората и фауната во обработливиот слој на почвата – она што ја прави земјата жива, плодна и самообновувачка. Исто така, нагласи дека палењето стрништа и земјоделски површински во временски услови кога имаме високи температури се фактор што има голема улога во појавата на пожари, кои покрај огромната штета што ја нанесуваат на земјоделските култури, претставуваат и сериозна опасност за човечкиот живот.

„Во соработка со градските претпријатија, УНДП и „МДЦ-Ти.нет“, спроведуваме кампања за едукација од штетните последици од палењето на стрништата и првпат ќе им понудиме решение на земјоделците за бесплатно одлагање на отпадот од бербата. Во периодот до 30 септември Град Скопјеќе им биде на располагање на сите земјоделци што имаат каков било отпад од берба и со наша помош бесплатно да го отстраниме од полињата како би се спречило негово палење“, рече Шилегов.

Сите земјоделци од скопските општини може да се пријават на телефонскиот број 071 395 395 и на вработените во Град Скопје да им ги остават своите податоци секој работен ден од 8 до 20 часот, а Градот по претходно утврден план и редослед, реонски, бесплатно ќе го собира растителниот отпад и ќе го одлага во „Дрисла“.

„Апелирам, по пријавувањето, со цел брзо и ефикасно отстранување на отпадот, земјодеците да го одложат отпадот од бербата на локација што ќе биде пристапна за механизацијата. Сите земјоделци што ќе се пријават однапред ќе знаат во кој ден од неделата ќе биде отстранет отпадот. Замолувам, доколку е возможно, покрај податоците, да ни остават и точна локација (на „Вибер“). Сакам да ги потсетам земјоделците дека палењето стрништа е казниво со закон. До сега ваквите палења не беа санкционирани поради тоа што на земјоделците не им беше понудена алтернатива за овој вид отпад. Сега нудиме решение што ќе биде ефикасно, а најважно е тоа што нема да претставува дополнителен трошок за граѓаните“, изјави Шилегов.

Тој укажа и дека Градот ќе врши засилени инспекциски контроли на терен и соодветно ќе биде санкционирано секое палење стрништа, плевели и други растителни отпадоци.

Инспекторите на Град Скопје имаат можност да снимаат со дронови, што ќе го скрати времето наменето за обиколување на земјоделските површини, а ќе даде точна локација според имотен лист за имотот на кој се пали растителен отпад.

Прикажи повеќе...

Македонија

(Видео) Стоилковски: Дали неморалните и развратни забави со Боки Тредичи се животот што го ветувавте, Костадине

Објавено пред

ВМРО-ДПМНЕ со нови обвинувања и прашања до портпаролот на СДСМ, Костадинов. Портпаролот на опозициската партија, Наум Стоилковски, вели дека Костадинов го бранел криминалот на Заев како да се работело за сопствен интерес.

„Можеби онаа реченица на Крими Заев, „изгубен во времето, ќе талкам по семето“, најдобро ја опишува состојбата во која се наоѓа Костадин Костадинов. Очигледно е дека зад паниката на Костадинов се крие и личен интерес и спречување на јавноста да дознае за неговиот неморален карактер. Костадине, наместо да се мачиш и да седиш цел ден на тастатурата, дојди овде пред камерите, да се соочиме со аргументи, па да им одговориш на граѓаните. Дали си толку гласен затоа што твои фотографии и тонски записи се најдени во телефонот на твоето другарче Боки Тредичи?

Дојди Костадине, тука пред камерите, кажи им на граѓаните дали и во кои два големи града во една наша соседна држава си се забавувал до раните утрински часови со другарчето Боки Тредичи? Чии пари си трошел таму доколку си бил!?

Колку пари, Костадине, наместо за плочки во зградата на Интерните клиники, завршија за луксузните забави со Боки Тредичи? Дали неморалните и развратни забави се животот што го ветувавте, Костадине Костадинов!?

Дојди Костадине, не се плаши, победи го стравот и кажи им на граѓаните што има во телефонот на Боки Тредичи што ти предизвикува толкав страв?
Доколку Заев се плаши од тоа да не се дознае дали чантата со милиони завршила на „Илинденска“ бр. 2, дали ти се плашиш да не го дознаат граѓаните твојот неморален карактер?

Излези Костадине, не се плаши. Тука пред новинарите ќе им кажеш на граѓаните, не мачи ги и нив, но и себе, да доаѓаат двапати. И, секако, за крај, Костадине, го делиш ли ставот на Зоран Заев за Боки Тредичи?“, праша Стоилковски.

Прикажи повеќе...

Македонија

(Видео) Јанева со адвокат дојде на распит кај Русковска

Објавено пред

Катица Јанева пристигна во Основното јавно обвинителство за гонење организиран криминал и корупција. Пред да влезе со адвокатот Стеван Павлески, кој е поранешен јавен обвинител, таа не одговараше на новинарски прашања, ниту сакаше да коментира за случајот „Рекет“.

„Што се однесува до мојата изјава денес, се надевам дека ќе ѝ помогнам на истрагата“, рече Јанева по што влезе на распит.

Таа во својата изјава рече; „Јас сум сè уште специјален јавен обвинител“ посочувајќи дека нејзините обвинители имаат целосно овластување да ги застапуваат предметите на суд.

Јанева се надева дека есенва ќе има неколку разрешници од случаите што ги води СЈО.

Специјалната јавна обвинителка доцнеше на распитот кај Русковска.

Распитот на Јанева доаѓа еден месец по отворањето на истрагата за „Рекет“, каде што засега осомничени се само Бојан Јовановски познат како Боки 13 и Зоран Милевски познат како Зоки Кичеец. Според Обвинителството, двајцата се сомничат дека изнудувале рекет од бизнисменот Орце Камчев, а за возврат тој требало да биде ослободен од истрагата за случајот „Империја“. Уште по отворањето на истрагата, обвинителката Русковска рече дека постои можност таа да се проширува.

Досега сведочеа обвинителката Лиле Стефанова, која го води случајот „Империја“, и обвинителката Елизабета Јосифовска, која како заменик на Јанева потпишала решение за отфрлање на притворот за Орце Камчев.

Прикажи повеќе...

Најново

Македонија2 часа

ОЈО отфрли иницијатива на антикорупциската за вработување судски соработник, застарело делото

Надлежен јавен обвинител од Основното јавно обвинителство Скопје донесе решение за отфрлање на иницијативата за кривично гонење поднесена од Државната...

Македонија2 часа

Спасени две лица што заталкале на Шар Шланина

Полициски службеници спасија двајца браќа на Шар Планина што заталкале упатувајќи се со мотоцикли кон Титов Врв по што планирале...

Македонија3 часа

Почнува трансформацијата на ординациите по општа медицина во ординации по семејна медицина

Специјалистите по семејна медицина од денеска може да почнат постапка за трансформација на своите ординации по општа медицина во ординации...

Македонија4 часа

Изгаснати пожарите кај селата Љубин и Кондово

Локализирани се пожарите што избувнаа вчера кај селата Љубин и Кондово, соопшти полицијата. До пожарот на потегот помеѓу селата Љубин и...

Македонија4 часа

(Видео) Јанева со адвокат дојде на распит кај Русковска

Катица Јанева пристигна во Основното јавно обвинителство за гонење организиран криминал и корупција. Пред да влезе со адвокатот Стеван Павлески,...

Свет4 часа

Епстејн потпишал тестамент два дена пред самоубиството

Новите судски податоци покажуваат дека милионерот Џефри Епстејн, кој беше вклучен во педофилија, потпишал тестамент само два дена пред самоубиството...

Свет5 часа

Макрон по средбата со Путин: Иднината на Русија е врзана за Европа

По средбата со рускиот претседател Владимир Путин во тврдината Брегансон, францускиот претседател Емануел Макрон истакна дека иднината на Русија е...

Свет5 часа

Коалициската влада на Џузепе Конте пред распаѓање

Италијанскиот премиер Џузепе Конте се очекува, денеска, во 15 часот, по локално време, да поднесе оставка пред Сенатот. Доколку Конте...

Свет5 часа

Британија најави укинување на слободата на движење

Во случај на тврд брегзит или брегзит без договор, на 31 октомври, Велика Британија најави дека ќе ја укине слободата...

Македонија6 часа

На дел од граничните премини задржување до 30 минути

Интензитетот на сообраќај на патните правци надвор од градските средини е зголемен, соопшти АМСМ во утринскиот извештај. На граничните премини...

Регион17 часа

Според Мета, Албанија не може да биде дел од дијалогот Косово – Србија

Албанскиот претседател Илир Мета вели дека „Албанија не може да биде дел од дијалогот Косово – Србија“. Во изјавата што...

Свет17 часа

Литванија со јод ќе се бори против радијацијата

Литванската влада соопшти дека ќе купи повеќе од четири милиони таблети јод во вредност од 900.000 евра, бидејќи соседна Белорусија...

Регион18 часа

Меркел: Европа ќе биде целосно обединета кога Западен Балкан ќе се приклучи на ЕУ

Европа ќе биде целосно обединета кога Западен Балкан ќе влезе во Европската Унија, рече германската канцеларка Ангела Меркел. Таа ја...

Европа18 часа

Французи зеле 40 килограми песок од Сардинија, се соочуваат со казна до 6 години затвор

Туристи кои зеле како сувенир 40 килограми песок од плажа во Сардинија се соочуваат со затворска казна до 6 години....

Топ20 часа

Расправија за пасишта во Арачиново заврши со пукање, едно лице е рането

Расправија околу пасиштата во Арачиново завршила со пукање, при што едно лице е рането. Како што информира МВР, вчера во...

Топ22 часа

Полицајци фатиле струмичанец додека се обидувал да ограби куќа

Полицајци фатиле струмичанец додека се обидувал да ограби куќа. Според МВР, синоќа во 21:00 часот на улица Панче Пешев во...

Македонија23 часа

Во државата нема вештак што ќе оцени дали Исмет Гури преправал потписи

Нова пауза на денешното рочиште за предметот „Титаник 3“ даде судијката Марија Клетничка. Советот, по паузата, одлучи да не го...

Македонија24 часа

Катица не ги иззема Фетаи и Бубевски

  Шефицата на СЈО во оставка, Катица Јанева, не ги иззема обвинителите Фатиме Фетаи и Гаврил Бубевски од застапување во...

Македонија1 ден

Адвокатот Миланов бара изземање на Јанева од „Титаник 3“ поради тензиите во СЈО

Адвокатот на обвинетиот Исмет Гури во предметот на СЈО, „Титаник 3“, Еленко Миланов, побара да бидат изземени Катица Јанева и...

Топ1 ден

Возач загина во сообраќајна несреќа кај Свети Николе

Четириесет и петгодишен возач од Куманово загина во сообраќајна несреќа на регионалниот пат Куманово – Свети Николе. Како што соопшти полицијата,...

Досие