Политика
СДСМ: Податоците потекнуваат од УБК при МВР
Покрај најавата дека јавноста ќе слушне дека нелегалните прислушувања се направени со опремата што ја поседува Управата за безбедност и контраразузнавање, јавноста во вторник од 27 `бомба` на опозицијата не слушна ништо освен како се носел Законот за следење на комуникациите.
Појаснувањето на лидерот на опозицијата Зоран Заев е дека постојат многу повеќе разговори кои го поддржуваат тоа тврдење, но дека поради личната природа на разговорите или граничната можност дали е законско или не нивното објавување, тие се доставени само до Јавното обвинителство.
„СДСМ располага со огромна документација сопственост на Македонија, со која се докажува дека во Македонија се организирало масовно прислушување. Постојат 100.000 разговори на 10.000 страници, 12.000 телефонски броеви на над 20.000 прислушувани граѓани. Денеска ќе слушнете дел од доказите кој следел и кој прислушувал и како го правел тоа. Материјалите ќе го потврдат она што го говориме од почеток дека податоците потекнуваат од УБК при МВР“, рече Заев на прес-конференција.
Потоа објасни дека имало два вида на евиденција изработена во ексел, каде под псевдоними се следени бројни функционери, а рече и дека во службите постоеле оперативци задолжени за следење на тие лица, преку, како што Мијалков, наводно, во една од прислушуваните снимки вели `суштествата`, што се однесува на опремата набавена од Израел, за која исто така, пред извесно време беа објавени прислушувани разговори.
Така, Зоран Заев бил следен под псевдоним ДС Зеко, Бранко Црвенковски е Крст, Миле Јанакиески – Тутин, Силвана Бонева е Босил, Драган Павловиќ Латас е Талас, Владо Бучковски е НДС Буба.
Во графата опис, појасни Заев се наоѓаат адреси на сопственици и корисници на телефони, а некаде се државни телефони, но кои ги користи лице кое е таргет на прислушување.
Во тринаесетте разговори што во вторник ги објави опозицијата, се слуша машки глас наводно на портпаролот на МВР, Иво Котевски кој бара за некој пријател од министерката за внатрешни работи, Гордана Јанкулоска, да најдат загубен телефон на неговата ќерка. Наводно Јанкулоска вели може, ако е вклучен „нека пријави ќе го лоцираме“.
Во неколку разговори, меѓу Јанкулоска, директорот на УБК, Сашо Мијалков, претседателот на Собранието, Трајко Вељаноски и Митко Чавков, се договара, што да се попушти пред барањата на опозицијата за Законот за следење на комуникациите.
„Дека е во полн состав и без најава, а се носи…а они додаваат дека се носи одлуката со мнозинство гласови. Инаку они сега имаат право во претходниот член стои дека имаат право да контролираат, имаат пристап до…опремата и средствата за следење на комуникациите. МЧ: Така, Комисијата ја водат они. ГЈ: Да де, ама тоа е тоа. Но ова значи дека они ќе донесат одлука и ќе го известат или министерот или директорот, сега, кого и да го известат. Па ние им кажуваме дојдете тој и тој ден, тогаш. И нормално, они се мнозинство, ќе дојдат, ќе речат: Ааа, се прислушкува цела држава. Ние ќе речеме не се прислушкува. И толку“.
Во наводен разговор меѓу Сашо Мијалков и Гордана Јанлулоска се вели: „Абе за ова што викаме за центаров, дали воопшто да го отвараме на 7-ми мај, ми е мене прашањето.
СМ: Е па, ај ќе видиме. Колку сте спремни… ГЈ: Знаеш зашто? СМ: Оти сакаат да дојдат и Израелциве. ГЈ: Не бе, за спремни мислам дека немаме проблем, него у контекст на другава работа, знаеш. Нели ние викаме, неаме снимки, неаме ова, неаме она, а промовираме таков Центар. СМ: Па добро, го отвараме после случкава, шо. До тогаш сме немале. ГЈ: А бе, до тогаш сме немале, него, суштинската разлика е дали нешто до тогаш ќе завршиме со убиствово. Ако завршиме е полн погодок, знаеш. СМ: Да, да, да.
ГЈ: Ама, ако не завршиме… СМ: Не, не, не. Тоа… ГЈ: Ај да видиме уште ден-два, па ќе се договориме, важи?“
Поточно, се доовара отворањето на Центарот за следење и контрола на сообраќајот, веднаш по убиството кај Смилковското Езеро, а Центарот е отворен во јуни.
„Јасно ли е зошто собраниската комисија не може да биде дел од разрешувањето на оваа криза… Босовите Груевски и Мијалков и по три месеци од обелоденувањето на аферата како крлежи се згрчени на фотељите“, рече Заев.
Тој најави голем марш во Скопје, но не прецизира на кој датум. Ги отфрли шпекулациите маршот во Скопје да се организира на 9 мај, туку рече ќе го утврдат заедно со граѓаните, но по објавувањето на снимки од прислушувани разговори за Смилковско езеро, Мартин Нешковски, името, Никола Младенов…/крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.