Политика
Шекеринска повика институциите да спроведат кредибилни избори
Институциите треба да гарантираат кредибилни избори, а тоа се постигнува со почитување на законите, смета заменик претседатлката на СДСМ Радмила Шекеринска.
„Ние сметаме дека секој ден сите институции на Македонија се на тест дали изборите се кредибилни или некредибилни. Начинот на кој треба да дојдеме до кредибилни избори е да ги почитуваме сите закони и поради тоа ние од наша страна, направивме сé и ќе продолжиме да го правиме за да добиеме избори од кои граѓаните нема да се срамат, туку да се гордеат. Меѓутоа секој со својата одговорност“, рече Шекеринска во четвртокот.За ставот на СДСМ во однос на иницијативта на Унитети до Уставниот суд за нелегитимноста на изборите, таа вели дека ова може лесно да се реши доколку Македонија стане една изборна единица, место сегашните шест.„Тоа е задача за Уставниот суд кој, за жал, во минатото за исто прашање носеше две различни одлуки. Ние од самиот почеток рековме дека е добро и дека ќе поддржиме решавање на овој проблем, меѓутоа, за жал, кај владејачките партии немаше интерес дури ни да се даде конкретен предлог. Сметаме дека ова прашање може многу лесно да се корегира и затоа уште еднаш повотуваме дека за Република Македонија, најдобро решение е целата држава да биде една изборна единица. На тој начин ќе престанат сите сикусии дали гласот на секој граѓанин во државата подеднакво вреди. На тој начин ќе престанат и овие непродуктивни расрави околу границите, околу општините и околу начинот како да се поделат сите изборни единици во шест изборни региони“, вели Шекеринска.Таа изрази поддршка за идејата на Левица за изолирање на ВМРО-ДПМНЕ, односно за повикот ни една партија да не коалицира со владејачката партија.„СДСМ и здружената опозицијата почнаа процес на покажување на вистината за ВМРО-ДПМНЕ на цела Македонија. Зарем некој има дилеми која е нашата позицијата? Цела оваа процедура целиот овој период го помиавме, за никогаш повеќе ова да не и се повтори на Македонија. Се разбира дека секој оној кој смета дека ова е непрефитливо го споделуваме со нив ставот дека на македонската јавност и е јасно и ќе и биде јасно кој шурувал, кој шурува, кој се пазари со ВМРО-ДПМНЕ а кој одамна кажа дека ваква власт мора час поскоро да си замине“, додаде Шекеринска.Претходно, таа го појасни планот со кој доколку СДСМ дојде на власт ќе го промени начинот на којшто функционира законодавниот дом со цел да не биде само гласачка машина, туку сервис на народот.„Според нашиот план ќе ги обврземе сите матични комисии во Собранието на Република Македонија задолжително да се отворат кон невладините организации, коморите, синдикатите, и тоа не само за дебати по закони, туку исто така и за надзорните расправи. Имаме план според кој пратениците во Република Македонија ќе ги бираат навистина граѓаните, на тој начин што ќе овозможиме избор преку отворени листи. Така ќе добиеме посилни пратеници, и посилно Собрание“, рече Шекеринска.Исто така, планот предвидува скратените процедури за носење на закони во Собранието да се ограничат, како и да се ревидира начинот на исплата на патните трошоци за пратениците кои живеат надвор од Скопје./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.