Контакт

Политика

Спировска: Резултатите од државната матура ги потврдија лошите образовни практики

Објавено пред

Лошите образовни практики ги потврдија резултатите од државната матура и покажаа дека зголемениот број на тестои не нозат повеќе знаење, туку само зголемен стрес, истакна во неделата на прес-конференција Дина Спировска, член на Извршниот одбор на СДММ, на што од владејачката ВМРО-ДПМНЕ одговорија дека станува збор за реформи што социјалдемократите пропуштиле да ги направат додека биле на власт.

Според неа идните студенти се дел од експеримент, а не од обмислен проект што треба да ги подготви за следните предизвици.

 

„Голготата на учениците од завршната четврта година, почна на зимскиот распуст, во јануари, со полагање два предмета во рамки на екстерното тестирање. По три месеца, во април, следуваше првиот дел од обврската државна матура, проектна задача. Следниот месец, мај, подготовка на 4 предмети за полагање матура. Паралелно со тоа годишни тестови, испрашувања, по 15 предмети од годината што го заокружува нивното средно образование. Тоа значи дека учениците за 5 – месеци полагале 7 испити, плус тековни тестирања. Дали сега некому му е чудно што резултатот од државната матура е тројка. Запишувањето на факултет допрва следува“, нагласи Спировска.

 

Таа истакна дека додека власта тера инает со нивните реформи, нова група на матуранти размислува да запише студии надвор од Македонија.

 

На ваквата изјава реагираа од ВМРО-ДПМНЕ од каде истакнаа дека Владата на Република Македонија континуирано и единствено работи во насока на градење, современ и конкурентен образовен систем, како еден од основните столбови за градење на општество базирано на знаење.

„И досега во таа насока се спроведоа и се спроведуваат бројни образовни реформи кои на пократок или на подолг рок го даваат очекуваниот ефект и придонесуваат за унапредување на квалитетот на воспитно образовниот процес и инфраструктутните услови. Но, тоа е нешто што СДСМ никогаш нема да го признае и потврди со оглед на деструктивноста и погубната политика којашто ја применуваат изминатите 20-тина години“, се вели во писмената реакција на партијата.

Од ВМРО-ДПМНЕ нагласуваат дека СДСМ се свесни оти се преземаат реформи кои тие пропуштиле или не сакале да ги направат, но не сакаат тоа да го признаат.

„Се обидуваат на ваков популистички и неаргументиран начин да придобијат некој ситен политички поен но нас ниедна прес конференција или нивно соопштение нема да не поколеба да  продолжиме да работиме во насока на остварување на зацртаната цел – подобро и поквалитетно образование за сите сегашни и идни генерации“, велат од ВМРО-ДПМНЕ./крај/мф/ап

            

Македонија

Мицкоски од Чаир: Нема место за криминалците во политиката

Објавено пред

Нема место за криминалците во политиката, доаѓа Обнова, изјави претседателот на ВМРО-ДПМНЕ, Христијан Мицкоски кој заедно со носителот на втората изборна единица, Владо Мисајловски ја посетија општина Чаир. При средбата со граѓани Мицкоски посочи дека има уште малку до 15-ти јули, денот кога ќе победи обновата.

„Денешниот говор ќе го започнам со реченица која што ми ја кажа еден мој пријател пред два дена, а кој што не е од Македонија, живее надвор инаку е родум тука. Вели: ‘Христијан, Зоран Заев за граѓаните во Македонија е вистински кошмар, но затоа е најдобриот и најслаткиот сон за некои соседи’. И тоа е така драги пријатели. Затоа што кај Зоран Заев и СДСМ барем ова раководство на СДСМ граѓаните на Македонија, самата Македонија се некако на дното на приоритетите. Кога зборуваме на дното нему му се поважни многу други работи, поважни му се сите оние лични агенди кои што е одлучен да ги турка на сметка на честа и достоинството на граѓаните во Македонија без разлика на нивниот етнички состав, без разлика на нашите етнички и верски различности“, нагласи Мицкоски.

Мицкоски додаде дека за жал граѓаните на Република Македонија секогаш се наоѓаат на дното на приоритетите на Зоран Заев и на оваа влада предводена од СДСМ.

„Матрицата на СДСМ без исклучок е составена од четири чекори. Првиот чекор е онаа лага позната за нив и тука најчесто таа лага е кажана со раката на срцето, главата налево или надесно, малку за жицата, малку за времето, малку за семето, изгубен така како талка итн. И ќе каже неколку лаги со цел да ги добие симпатиите на гласачите и на народот. Откако ќе добијат можност да управуваат со владата иако за волја на вистината веќе 18 години СДСМ нема победено на парламентарни избори, ќе потсетам 18 години така ќе биде и сега на овие избори. На овие 18 години ќе додадеме 4, па ќе бидат 22 години. Од тука веднаш доаѓа и вториот чекор, а тоа е национално понижување, национален срам. Третиот чекор од таа нивна матрица без исклучок е пљачка и криминал, масовна пљачка и масовен криминал. И конечно последниот чекор тие го заробуваат обвинителството, судството. Обвинителството е заробено за да се пресметаат со политичките неистомисленици, противници. А, судството за да можат да се амнестираат за некоја неправда направена од минатото“, истакна Мицкоски.

Мицкоски оцени дека СДСМ единствено гледа за своите лични интереси и не се грижат како живеат македонските граѓани.

„Јас ви ветувам дека во првите 100 дена секој оној кој што се огрешил пред законот, осрамотил пред граѓаните без разлика дали е политички определен или неопределен на онаа или оваа политичка партија ќе одговара. Од прв до последен. Доста беше неправди, овој народ е уморен од криминалци, од натрапници во политиката“, вети Мицкоски.

Мицкоски за крај порача на граѓаните дека на 15-ти јули ќе победи обновата и со тоа доаѓаат и најдобрите четири години за Република Македонија.

Прикажи повеќе...

Македонија

(Видео) Заев: Подобрените услови во здравството ги мотивираат лекарите во борбата против вирусот

Објавено пред

Во изминатите три години ги подобривме условите во над 30 јавноздравствени установи, a инвестицијата во Здравствениот дом во Тетово е еден од многуте примери за нашата посветеност во унапредување на здравствениот систем, рече претседателот на СДСМ во Тетово.

Како што нагласи тој, зголемени им се платите на лекарите специјалисти, на медицинските сестри, но и на помошно-техничкиот персонал во здравството.

„Со тоа го подигнавме нивото на здравствената заштита за пациентите и овозможивме подобри услови за работа за нашите здравствени работници, кои денес се целосно мотивирани во борбата против коронавирусот“, посочи Заев.

За следниот мандат тој најави уште повеќе инвестиции во здравството и уште подобар здравствен систем.

„Платите во здравството ги зголемуваме 40 отсто до 2024 година, односно по 10 отсто секоја година. 33 милиона евра вложуваме во одделенијата за интензивна нега, за нивна модернизација и набавка на современа опрема. Овде во Тетово набавуваме современа медицинска опрема за потребите на Ургентниот центар. Набавуваме и нови 70 возила за итната медицинска помош“, истакна лидерот на СДСМ додавајќи дека во заштитата на јавното здравје не смее да има компромиси.

Прикажи повеќе...

Македонија

(Видео) Пендаровски: Полигонот за вежби „Криволак“ е еден од нашите ресурси што можеме да му ги понудиме на НАТО

Објавено пред

Претседателот на државата и врховен командант на вооружените сили, Стево Пендаровски, ги посети припадниците на Армијата во армискиот полигон „Криволак“. Истовремено, Пендаровски изврши обиколка на инженерската единица која изведува инженерски работи во рамките на проектот за уредување на полигонот.

Одговорните команданти го информираа претседателот Пендаровски дека, почнувајќи пред 2 месеца, инженерскиот баталјон заедно со Канцеларијата за одбранбена соработка при Амбасадата на САД, реализира проекти за поправка на постојната патна инфраструктура, како и за обележување и пробивање траси за нови патни правци.

Исто така, одговорните на полигонот го информираа претседателот Пендаровски за тековните, како и за идните планирани активности во насока на инфраструктурно подобрување на „Криволак“, со систем обиколница и внатрешно поврзување со вкупна должина од 74 км, со подготовка за воспоставување влезови на полигонот од север, запад и од исток. Со новата инфраструктура, како што истакнаа претставниците на инженерскиот баталјон, ќе се зголеми мобилноста во рамките на полигонот, како и капацитетот за изведување вежби на ранг на други развиени земји.

Како 30-та земја членка на НАТО, Северна Македонија, како што рече претседателот Пендаровски, има што да им понуди на своите сојузници во алијансата.

„Полигонот за вежби „Криволак“, во кој изминатиот период се вложува многу со цел да се модернизира армискиот полигон, е еден од нашите ресурси што можеме да му ги понудиме на НАТО“, додаде претседателот Пендаровски.

При посетата на армискиот полигон „Криволак“ претседателот Пендаровски беше информиран и за претстојната вежба „Одлучен удар 21“, како и за интензивната соработка на нашата Армија со Канцеларијата за одбранбена соработка при Амбасадата на САД. Во рамките на таа соработка е и донацијата на материјали за изградба и поправка на патната инфраструктура на полигонот „Криволак”. Ова, како што истакна претседателот Пендаровски, е директна придобивка од членството на Северна Македонија во НАТО и соработката со САД како еден од нашите најголеми стратешки партнери.

Прикажи повеќе...

Најново

Македонија20 минути

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија2 часа

Турски државјани врзале чаршав и преку прозорец избегале од државен карантин во Скопје

Двајца државјани на Турција синоќа избегале од државен карантин во Скопје, со чаршав кој бил врзан како импровизирано јаже. Од...

Топ3 часа

Скопјанец ја нападнал со секира својата сопруга додека спиела, а потоа бил пронајден мртов

Шеесет и едногодишен маж од Скопско утрово со секира ја нападнал својата сопруга додека таа спиела во семејниот дом во...

Македонија4 часа

168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на...

Свет4 часа

Директорот на СЗО предупредува: Се забрзува ширењето на вирусот

Пандемијата на коронавирусот сè уште забрзува, а повеќето земји и натаму не успеваат да ја стават под контрола, предупреди директорот...

Регион5 часа

Србија воведува нови рестрикции поради коронавирусот, најстрого ќе биде во Белград

Во Србија, која веќе два дена е потресена од големи немири, донесени се нови мерки за превенција од коронавирусот. Како...

Регион7 часа

Без гушкање и бакнување, дозволен е само бакнеж на младенците – Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет8 часа

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Регион8 часа

(Видео) Полицијата нападнала две новинарки на протестот во Белград

Две новинарки на порталот „Нова.рс“ вчера биле нападнати од страна на полицијата на протестот во Белград. Порталот објави дека новинарката...

Топ8 часа

Комбе со 50 мигранти се превртело на патот Валандово – Струмица, возачот побегнал

Во вечерните часови на 8 јули на регионалниот пат Валандово – Струмица, пред крстосницата за село Раборци, се превртело комбе...

Македонија9 часа

Глоба за угостителски објект, на иста маса седеле четири лица што не биле од исто семејство

Обвинителството предложи глоби за угостителски објект во Скопје и за управителот на правното лице поради непочитување на мерките за заштита...

Регион10 часа

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но рече...

Македонија10 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион11 час

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија11 час

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион20 часа

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион22 часа

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион23 часа

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Свет1 ден

Бројот на заболени од коронавирус низ целиот свет надмина 12 милиони

Низ целиот свет oд новиот коронавирус досега се заразиле над 12 милиони луѓе, односно 12.002.132, според најновите податоци објавени на...

Регион1 ден

Вучиќ: Имаме сознанија за вмешаност на странски служби во вчерашниот протест

Претседателот на Србија, Александар Вучиќ, ги осуди синоќешните протести организирани пред националното собрание, оценувајќи ги како акт на политичко насилство....

Досие