Политика
Ставрески: Атмосферата е секогаш напната кога се носи Буџет
Атмосферата кога се носи Буџетот на државата секогаш е слична и не е лесно. Постојат различни мислења меѓу министерот за финансии, премиерот и останатите министри, изјави во понеделникот на вонредна прес-конференција вицепремиерот и министер за финасии Зоран Ставрески.
Тој појасни дека кога се носи Буџет, секој министер бара повеќе, а задача на министерот за финансии е да укаже што може да се реализира во претсојниот период, а што би останало за следната година.
„Министерот за финансии во секоја држава има задача да ги услогласи ставовите на сите министри и премиерот и во таа насока течат и нашите разговори. Буџетите во изминатите години даваа добри резултати за граѓаните и тоа е најважното“, рече Ставрески.
Истакна дека програмата за работа на Владата вклучува проекти во сите сектори и дека е природно е секој да сака пари за своите проекти.
Ставрески ги повтори успесите на економските политики на Владата во однос на растот, странските инвестиции, буџетот и невработеноста.
„Лани имавме втор најдобар резултат во однос на економскиот раст. Државниот долг на Република Македонија денес е под 35 отсто од БДП, што е меѓу четирите најмалку задолжени европски држави. Реформите што ги спроведува оваа влада веќе донесоа 30 нови странски компании, а годинава се очекуваат инвестиции на уште 25 компании. Успеавме невработеноста што ја наследивме од СДСМ од 37 проценти да ја намалиме на 27,9 отсто, што значи дека креирани се 125.000 нови работни места. Ова се резултатите на оваа Влада и на економскиот тим на оваа Влада“, рече Ставрески.
Тој директно не се осврна на претставените претходно во понеделникот снимки од страна на лидерот на СДСМ, Зоран Заев, на кои, како што тврди опозицијата, Ставрески во разговор со министерката за внатрешни работи Гордана Јанкулоска коментира дека македонскиот буџет е празен, а тој не е магионичар.
На новинарско прашање во врска со автентичноста на снимките, Ставрески рече дека не коментира незаконски набавени снимки и дека целата работа ќе има правна разрешница.
„Заради карактерот на природата на снимките кои нелегални во оваа фаза не можам да коментирам за нешто што ќе има правна разрешница. Кога институциите ќе ја завшрат работата ќе се дојде до одговор. Јас реагирам на зборовите искажани на прес-конференцијата на Заев“, рече Ставрески.
Оцени дека Заев селективно презентира снимки и дека има многу случаи во кои се согласувале со премиерот, но таква снимка не е објавена.
„Дел од стратегијата на опозицијата е добриот тренд на македонската економија да биде нарушен. Целта е веројатно да направат раздор, да направат немир во општеството, ама за тоа граѓаните ќе го кажат последниот збор“, рече Ставрески.
Тој истакна дека македонските граѓани во изминатите осум-девет години од страна на опозицијата постојано слушаат дека ќе се случи крах на економијата, а од друга страна платите и пензиите растат и се исплатуваат редовно. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.