Политика
ВМРО-ДПМНЕ: Наместо да зборуваат за проекти, во СДСМ си измислуваат нови функции
Зоран Заев се однесува неодговорно и несериозно. Наместо нови луѓе тој престави стари и потрошени кадри, поголемиот дел некомпетентни и без кредибилитет за областа која ја покриваат.
Ова се вели во реакцијата на владејачката ВМРО-ДПМНЕ, откако во среда лидерот на опозициската СДСМ Зоран Заев ги соопшти имињата на луѓето што ќе ги раководат комисиите кои ќе работат како коректори на официјалните комисии.
„Наместо да зборуваат за проекти тие си измислуваат нови функции во рамки на партијата, но луѓето остануваат исти. Концептот кој го претстави Заев не е нов. Тој е истиот кој го промовираа кога Бранко Црвенковски беше на чело на партијата. Поголем дел од тие луѓе беа дел и од составот и личниот кадровски избор на Зоран Заев пред изборите со кој загуби со над 200 илјади гласови разлика. Промовирањето на ваквиот концепт преставува продолжување на неразбирањето и игнорирање на пораката од граѓаните дека му ги прифаќаат овие луѓе. Ова е продолжување на нивната арогантна теза дека тие не се криви, ним ништо не им фали, тие се најдобрите и дека народот е крив што не ги гласа и е заведен од некаква измислена диктатура. Тие како во времето на комунизмот само си ги прераспределуваат позиции и титули без суштинска реформа“, велат од ВМРО-ДПМНЕ.
Понатаму од владејачката партија додаваат дека истите луѓе кои ги именуваа пред нецела година како претстедатели на Совети и партиски функционери сега само се преименувани во извршни директори, претстедатели на комисии и слично.
„Наместо да зборуваат за програма и проекти тие си измислуваат нови функции во рамки на партијата и не водат сметка за проблемите, а граѓаните и со тоа дека треба да создадат понуда алтернатива, а не да си делат виртуелни функции“, се вели во реакцијата.
Понатаму интегрално го пренесуваме текстот на реакцијата на ВМРО-ДПМНЕ на пресот на Зоран Заев во врска со понудените кандидати.
„Радмила Шекеринска е ликот во СДСМ кој секогаш беше најгласниот и најеуфоричниот поддржувач на Бранко Црвенковски и која цела своја кариера ја помина во аминување и спроведување на неговите погрешни политики. Сега е одговорна за надворешни работи во СДСМ, претходно ветуваше влез во НАТО и ЕУ за само 6 месеци, а никогаш не кажа како и по која цена ќе го направи тоа. Таа е дел од сите политики на СДСМ и сите изборни порази. Како прв човек на СЕП за сите јавни набавки ја постави за одговорна својата золва. Меѓу другото Шекеринска е позната и по фактот што со својот сопруг ја земаат најскапата кирија од 5000 евра месечно за стан кој сами на себе го рентаат.
Оливер Спасовски, сега одговорен за внатрешни работи, поранешен секретар на општина Куманово и инволвиран во сите матни тендери во општината. Со години истиот Оливер Спасовски се појавуваше позади Зоран Дамјановски Циц и учествуваше во упропастувањето на Куманово, скапите вечери и пијанки кои ги организираше градоначалчникот и локалните директори. Ако беше барем малку способен немаше да дозволи во Куманово СДСМ зад себе да не остави ниту еден единствен проект. Како генерален секретар на СДСМ еден од креаторите на сценариото за создавање на алиби за изборен пораз и непризнавање на резултатите од изборите.
Дамјан Манчевски цел живот се шлепаше на Радмила Шекеринска и меѓу членовите на СДСМ важи за човек чиј пат до позиција му бил поплочен со голем број на убави зборови најчесто за стајлингот на претпоставените. Денес тој е одговорен за земјоделие, а човекот нема никаква врзивна точка со земјоделието. Единствено најголемо искуство има со бизнисот со тендерите за паркинг кој ги добила од општина Куманово фирма чиј што еден од основачите е токму Манчевски.
Александар Кирацовски сега одговорен за здравство во СДСМ, човек кој од потпреседател на СДММ, стана потпретседател на СДСМ. Тој инаку е дипломиран машински инженер и нема допирна точка со здравство. На јавноста и остана запомнат како учесник во крвава тепачка, а денес СДСМ го промовира во проверен и компетентен кадар.
По којзнае кој пат СДСМ се обидува Цветанка Иванова да ја прикаже како нов и докажан кадар, а веќе со години нејзиното семејство е во бизнисот на распределба на тендери во Струмица од кои создадоа огромно богатство. И на струмичани, но и на целата македонска јавност е позната спрегата која постои меѓу смејеството Иванови и Заеви. Шемата е позната. Заеви даваат работа, Иванови извршуваат.
Царовска, е познатиот партиски експерт на СДСМ во НВО секторот, нивна инсталација која често затскривајќи се зад наводни НВО организации ја оцрнуваше работата на Владата. Очигледно дека за својата работа го задолжила СДСМ за висока партиска функција.
Исто како неа и Лидија Димова, доскорешната квазиекспертка за европски прашања, преку ноќ се претвори во партиски функционер на СДСМ. Таа беше пред две години промовирана за претседател на партискиот совет на СДСМ и сега повторно е промовирана на истата функција. Таа е еден од експертите финансирани од СОРОС, претходно го раководеше НВО Македонски центар за европско образование, организација финансирана од СОРОС која по добивањето на партиската функција во СДСМ престана да делува во јавноста што е доказ повеќе дека се работело само за праван зад кој Димова го затскривала своето делување и одработување за СДСМ. Таа ќе остане запаметена по изјавите дека е независна и нема поврзаност со СДСМ и исто така како претседател на МЦЕО побара од Брисел укинување на парите кои Европската унија ги дава за поддршка на Република Македонија. Последниот нејзин гаф беше лагата дека Владата префрлила пари на странска компанија за која се утврди дека не добила ниту денар.
Роберт Алаѓозовски веќе беше промовиран во претседател на таканаречениот Совет на култура. Сега е повторно на истата функција. Откако на изборите во 2002 година Алаѓозовски како дел од Коалицијата на партии Граѓанска алијанса за Македонија беше носител на кандидатска листа во 4-та изборна едница доживеа дебакл, беше и вршител на должост претседател на Лигата за демократија. Инаку како и секоја сдсмовска инсталација во граѓанскиот сектор, Алаѓозовски во повеќе наврати е стипендист и потпомогнуван од фондацијата СОРОС Македонија. Роберт Алаѓозовски е пропазнатлив и како член на граѓанската организација Контрапункт.
Рената Десковска која беше еден од потрпетседателите на СДСМ во времето на Бранко Црвенковски сега повторно е дел од кадровскиот состав на Зоран Заев. Десковска на последните локални избори како носител на изборната листа на СДСМ е дел од катастрофалниот пораз кој го доживеа СДСМ.
Драган Тевдовски кој сега е поставен на чело на Комисијата за економија е дел од професорското лоби на СДСМ и дел од сите изборни лаги и празни ветувања на СДСМ кои ги даде во сферата на економијата во претходните изборни циклуси. Драган Тевдовски беше и еден од основачите на институтот Прогрес кој имаше задача креирање на јавно мислење и критика на работата на Владата, криејќи се зад параванот на дејствување на граѓанскиот сектор.
Ванчо Узунов кој сега повторно е промовиран како дел од СДСМ кој ќе го опфати сегментот на финансиите и економијата преставува старо кадровско решение на СДСМ. Тој беше член во бордот на директори на Телеком кога за периодот 2005-2006-та година американските истражни органи посочуваат дека претставници на Владата на СДСМ учествувале во корупција за одржување на монополот на Телекомот. Узунов е поранешен Претседател на Транспарентност Македонија и личен советник на Бранко Црвенковски.
Стево Пендаровски кој сега Заев го преставува како дел од неговиот тим би потсетиле дека само пред неколку месеци го доживеа најубедливиот пораз со што јасно се докажа и покажа што мислат граѓаните за него.
Кире Наумов е дел од сите кадровски шеми на сите претседатели на СДСМ. Сега повторно тој е дел од кадровската понуда на Зоран Заев.
Со ваквиот кадровски состав Заев продолжува со неразбирање и игнорирање на пораката на граѓаните дека не му ги прифаќаат овие луѓе и овој начин на работа. Се додека вака ги поставуваат работите и не ги гледаат грешките во себе ќе лутаат при креирањето на политиките и ќе останат нестабилни и неослонливи како политичка гарнитура.
Површноста и парадерството остануваат нивна одлика“, се вели во реакцијата на ВМРО-ДПМНЕ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.