Контакт

Политика

Заев: Бараме техничка влада со само еден мандат – организирање фер избори

Објавено пред

Ако власта смета дека може да победи и на чесни избори, ова е шанса да го докаже тоа. Бараме техничка влада со еден единствен мандат – да ги организира следните избори, истакна во четвртокот лидерот на најголемата опозициска партија во земјава, СДСМ, Зоран Заев, за време на отворената трибина која беше организирана од страна на социјалдемократите и нејзините коалициони партнери под слоганот „Што да се прави за повторно освојување на слободата“.
 

Ако власта смета дека може да победи и на чесни избори, ова е шанса да го докаже тоа. Бараме техничка влада со еден единствен мандат – да ги организира следните избори, истакна во четвртокот лидерот на најголемата опозициска партија во земјава, СДСМ, Зоран Заев, за време на отворената трибина која беше организирана од страна на социјалдемократите и нејзините коалициони партнери под слоганот „Што да се прави за повторно освојување на слободата“.

 

Целта на СДСМ и коалицијата, како што истакна Заев, е преку овој отворен повик за широк граѓански фронт да се интегрираат идеи и можности за, како што нагласи, нормализирање на државата.

 

„Низ солидарност, партнерство, меѓусебно почитување можеме заеднички да ја вратиме уништената демократија и задушената слобода во нашата земја. Да ги утврдиме заедничките вредности за кои се заложува СДСМ, но се важни и за СДСМ и за граѓаните на Македонија и за граѓанскиот сектор. Стратегијата на којашто работиме, не е стратегија за доаѓање на власт. Тоа е стратегија за слободен избор. Последните избори беа кулминација на криминалните изборни циклуси што во континуитет ги спроведува власта на Никола Груевски. Во земјава нема демократска битка, туку демократска фасада. Нема владеење на правото, туку правда по терк на власта. Нема ни институции, ни медиуми. Сé е партија“, истакна во своето обраќање лидерот на СДСМ.

 

Според него, опозицијата е надвор од парламентот за да покаже дека нејзините вредности не се на продажба и дека нема да прифаќа „шупливи“ договори што може да ја уназадат државата.

 

„Она што може да нé врати е изделување на државата од партијата, регулацијата на медиумите и правична застапеност на опозицијата на јавниот сервис МРТВ и останатите медиуми, јасно презицирање на Избирачкиот список и изборното законодавство, спроведување попис и, пред сé, договор за формирање техничка влада што ќе го гарантира спроведувањето на сево ова и организирањето слободни, фер и демократски избори“, рече Заев и нагласи дека СДСМ и коалициските партнери не бараат техничка влада за да владеат заедно со Груевски.

 

Упати повик до сите граѓани „на силна заедничка битка“, за, како што рече, враќање на Македонија „каде што и е местото, меѓу цивилизираниот свет“ како дел од НАТО и Европската унија./крај/мф/ап

 

Македонија

(Видео) Николоски: ВМРО-ДПМНЕ ќе овозможи целосна дигитализација на македонското општество за период од 4 години

Објавено пред

Потпретседател на ВМРО-ДПМНЕ и Носител на изборна единица 4, Александар Николоски денеска е во посета на Струмица и струмичко. Како што најави, попладне ќе има средба со граѓани во централното градско подрачје на Струмица како и во околните населби, ќе оди во Банско, во Куклиш, а вечерта ќе ја заврши со трибина посветена на меѓународната политика заедно со младите луѓе од Струмица.

„ Причината зошто се наоѓаме токму во оваа населба Цветан Димов е затоа што сакаме да потенцираме на кој начин за жал градот не се развива, имаме други ветувања во изминатиот период, многу луѓе ни се пожалија дека инфраструктурно не им се решени проблемите, дека се уште нема донесено детален урбанистички план, ниту се соодветно решени инфраструктурните прашања како што е изградба на улици, канализации, одвод итн.

Сакаме да апелираме тоа да се реши во следниот период, а ќе се заложи владата на ВМРО-ДПМНЕ после 15 јули во соработка со општината тука за овие прашања да бидат надминати. Втора тема која што сакам да ја отворам денес имајќи во предвид дека веќе сме сериозно влезени во вториот дел од кампањата и имаме едно стабилно, убедливо водство во четвртата изборна единица од некаде 4 до 5 процентни поени разлика и сум убеден дека е извесна победата на 15 јули би сакал да презентирам дел од работите кои што ќе ги направиме во следниот период а не се спомнати.

За мене најзначајниот, најбитниот проект кој што ќе го обележи четири годишниот мандат 2020 – 2024 година е целосна дигитализација на македонското општество кое што треба да овозможи неколку работи. Прво силен удар на корупцијата затоа што преку 500 услуги кои во моментот се добиваат од разни државни институции и зависат од човечки фактор ќе бидат целосно дигитализирани за да се тргне човечкиот фактор од истите и да нема дискреционо одлучување на било кого.

Второ поврзано со дигитализацијата е комплетна дигитализација на основното и средното образование, со цел младите, новите генерации да фатат чекор со најмодерните светски држави и да можат да бидат конкурентни на европскиот и на светскиот пазар. Третата работа поврзана со дигитализацијата е во делот на владеење на правото каде што се има јасни стандарди и процедури со цел да запрат овие пракси со кои одредени процеси се влечат со години, одредени судии забораваат да свикаат рочишта, што одредени поротници одат во пензија итн итн.

Значи стрикни и јасни процедури и четвртата работа секојдневното живеење на луѓето односно олеснување на целокупната постапка и начин на функционирање. Ова е најголемиот проект кој што планираме да го спроведеме во следните четири години кои што ќе овозможи на луѓето полесен живот, на бројни млади луѓе да најдат работа тука во Македонија особено оние кои што се занимаваат со ИТ, со информатички науки имаат образование во тој дел.

Ќе стимулираме и помагаме доедукација и дообука за сите млади кои што ќе сакаат да се пренасочат во овој сектор, обуките ќе бидат бесплатни, односно ќе ги плаќа државата се со цел да имаме што поконкурентен број на млади луѓе кои што можат да се занимаваат со оваа работа.

И втората работа исклучителна значајна поврзана со екологијата. За жал Струмица е еден од најзагадените градови во Македонија. Тоа е така од неколку причини, прво од начинот на греење на огрев, и второ начинот на загревање на оранжериите тука во струмичко, за жал се користи огромна дрвна маса а дрвата се најголем производител на ПМ 5 и ПМ10 честички.

Планираме да спроведеме масовни проекти во екологијата конкретно тука во Струмица и струмичко, овозможување на топла вода, односно топла вода да стигне до секоја нива и до секоја оранжерија каде што за таа работа има можност. Понатаму секоја година 20 милиони евра, за четири години 80 милиони евра во делот на наводнување каде што ќе се возобноват постојни каналски мрежи, ќе се изградат нови каналски мрежи и ќе се градат акумулации и таа вода ќе може дел да се користи за наводнување, но дел исто така ќе може да се користи и за загревање во комбинација со сончевата енергија.

Третата работа е целосна гасификација вклучително и најбитно и за струмичкото поле за истата да се одбегне греењето со дрво. И сето ова заедно треба да не донесе во една ситуација за четири години Струмица да е далеку почиста и помалку загадена од ова што е сега. Ова се двете крупни работи за кои што сакав да позборувам и за кое што ќе зборуваме со струмичани“ порача Николоски.

Прикажи повеќе...

Македонија

Дескоска на видео-конференција на ОБСЕ: Потребна е подобра регионална соработка во борбата против организираниот криминал

Објавено пред

Корупцијата не познава граници, но истите се користат за прикривање на нелегално стекнатата корист. Поради тоа, неопходна е ефикасна меѓународна соработка за спречување и откривање на корупцијата, истакна министерката за правда, Рената Денеска на видео-конференцијата под покровителство на албанското претседателство со ОБСЕ, на тема “Добро владеење и борба против корупцијата во дигиталната ера: Зајакнување на принципите на транспарентноста, интегритетот и одговорноста“.

Кога станува збор за меѓународната соработка, министерката за правда потенцираше дека Република Северна Македонија е потписник на сите меѓународни конвенции од областа – како оние од Советот на Европа така и на Обединетите нации.

Сепак, покрај усогласеноста на домашното законодавство со меѓународните стандарди, министерката за правда истакна дека е потребна подобра регионална и меѓународна соработка за справување со организираниот криминал и корупција.

Во поглед на билатералните договори за екстрадиција, министерката Дескоска потенцираше дека во последно време во билатералните договори се предвидува и можност за екстрадиција на сопствените државјани и тоа во сите билатерални договори недвосмислено е наведено дека „екстрадиција на сопствени државјани се дозволува за дела од областа на организираниот криминал, корупција и перење пари“.

Дескоска истакна дека со новиот Закон за спречување на корупцијата и судирот на интереси, донесен во јануари 2019 година, проширени се и надлежностите на Државната комисија за спречување на корупција и со надлежноста да разменува информации со надлежни тела на други држави и меѓународни организации, врз основа на обврски преземени со меѓународни договори ратификувани согласно со Уставот.

Исто значајно, Дескоска истакна дека на предлог на Министерството за правда, во декември 2019 година, Владата ја прифати информацијата за потпишување на Меѓународниот договор за размена на податоци за проверка на изјави за имотна состојба, подготвен во рамки на активности организирани од Регионалната Анти-корупциска Иницијатива (РАИ). Со ратификацијата на овој договор, Државната комисија за спречување корупција и конфликт на интереси ќе се стекне со право да бара информации за имотната состојба на сите јавни функционери кои имаат или стекнуваат имоти и финансиски средства во странски земји. За потпишување на овој договор, Владата го овласти претседателот на Државната комисија за спречување на корупцијата.

Во поглед на статистичките податоци, министерката Дескоска истакна дека во Министерството за правда во 2018 година, регистрирани се 33 предмети кои се однесуваат на кривичното дело „Злоупотреба на службената положба и овластување“, од тоа скоро сите односно 27 предмети биле по барање на Република Северна Македонија. Во 2019 година, бројката е 28 предмети, од кои 25 на барање на Република Северна Македонија, а во првата половина на 2020 – 16 предмети од кои 14 предмети по барање на Република Северна Македонија. Од сите овие предмети завршени се само 13, додека пак сите преостанати чекаат завршница.

Министерката истакна дека податоците за мала држава како Република Северна Македонија се сепак високи бројки и дека од една страна не е добро што имаме толку предмети на корупција, но дека сепак од друга страна е добро што за тие предмети се водат истраги и активно се постапува.

Дескоска истакна и дека во Законот за меѓународна соработка во кривична материја се воочени одредени слабости во делот на формирањето на заедничките истражни тимови и подготвени се нови законски решенија. Со нив, договорот за формирање на заеднички истражен тим во име на Република Северна Македонија ќе го склучува Јавниот обвинител на Република Северна Македонија или јавен обвинител овластен од него.

Со вака поставена одредба се елиминира секаква можност извршната власт да има било какво влијание кај обвинителите за формирање на заеднички истражен тим.

Прикажи повеќе...

Македонија

Зибери: Во Владата на ДУИ, министрите ќе депонираат оставки на денот на нивниот избор

Објавено пред

Кандидатот за прв премиер Албанец, Насер Зибери, денес на прес конференција ги презентираше принципите по кои ќе функционира новата Влада. Ветувајќи цврсто почитување на овие заложби, Зибери посочи на транспарентност во управувањето, одговорноста, ефикасноста и професионалност, како клучни принципи по кои ќе се раководи во неговиот мандат како иден премиер.

„ Ние мора да го напуштиме клишето на досегашното управување со Владата на затворени седници, Транспарентноста е основниот елемент и принципот на секоја демократија, затоа во новиот мандат ќе се заложам седниците на Владата во иднина, да бидат јавно достапни, така што јавноста може директно да ги следи сесиите и случувањата на неа. Содржината на Владините седници не треба да бидат предмет на разни гласини, толкувања и меѓусебни несогласувања. Дебатите и одлуките на Владата треба да бидат достапни за јавноста за граѓаните да бидат информирани за сите круцијални теми“ истакна Зибери, посочувајќи дека овој принцип ќе се имплементира на неделна основа, како што се организирани и редовните седници на Владата.

„ Покрај транспарентноста, на седници на владата ќе биде поканет и најистакнатиот експерт во одредени области кога темата на Владата ќе бидат основните реформи за прашања од економски развој, образованието, социјална помош и други специфични сегменти од општествено значење. За нас е многу неопходно пред донесувањето на одлуките да се слушне гласот на експертите, гласот на професорите, академиците, луѓето од науката, така што одлуките на Владата ќе имаат научни поткрепа и ќе се засноваат на идеите и предлозите од академскиот свет.“, посочи Зибери, како предуслов за професионализација и ефикасност на работењето на идната Влада.

„ Одговорноста треба да биде основен принцип на функционирање на која било Влада, затоа јас ќе побарам уште на самиот ден кога ќе бидат назначени новите министри и заменици министри, да ми достават изјава за оставка, за во моментот кога Премиерот ќе процени дека потребно е да се направат измени и освежувања во неговиот кабинет, тоа веднаш да се спроведе“ посочи Зибери, упатувајќи на мерката со која секој министер ќе биде предмет на процес на верификација на спроведувањето на владините политики на секои два месеци, со што ќе се создаде можност за оценка на носителот на јавната фунцкија од аспект на неговата инвентивност, успешност и активност. Доколку одреден Министер не ги исполни критериумите и стандардите што ќе ги поставам во тој момент, ќе ја активирам однапред доставената оставка“, истакна Зибери.

Зибери вети посебно внимание и за важните меѓународни практики и особено во насока на стекнување на меѓународно искуство во лидерство и управување, како и создавање на економски политики што ќе бидат во функција на развојот на приватниот сектор. Во насока на привлекување на меѓународните искуство, Зибери најави дека при формирањето на идната Влада, ќе ги замоли партнерите на коалицијата – 20 проценти од позициите кои ќе ги предложат, без разлика дали се во ранг на министри, заменици министри или директори на државни институции, да бидат од дијаспората, или, пак, еминентни претставници со докажано искуство од бизнисот.

„ За среќа имаме албански, македонски и други граѓани кои се докажани на меѓународниот пазар, а на Северна Македонија ѝ е потребно ова искуство. Верувам дека владата изградена врз основа на овие темели и врз овие принципи може да биде многу поефикасна, може да биде многу поуспешна, може да биде многу потранспарентна и, пред сè, одговорна“ истакна Зибери, посочувајќи дека одговорноста треба да биде основа за градење доверба меѓу Владата, гласачите и Парламентот.

Прикажи повеќе...

Најново

Македонија35 минути

(Видео) Со цитати од Конески и Мартиновски, Ципрас упати поддршка до Заев

Претседателот на грчката партија Сириза и поранешен премиер на Грција, Алексис Ципрас упати видео порака со поддршка на претседателот Зоран...

Македонија55 минути

Јово Вангеловски обвинет за злоупотреба на службената положба

Основното јавно обвинителство Скопје до Основниот кривичен суд Скопје поднесе обвинителен предлог против поранешниот претседател на Врховниот суд, Јово Вангеловски...

Македонија1 час

Заболените од коронавирус и оние во самоизолација до утре можат да се пријават за да гласаат

Утре истекува рокот за пријавување на лицата кои се позитивни на Ковид-19 или се во домашна изолација, а кои сакаат да гласаат...

Свет3 часа

Шведска, сепак, воведува мерки против коронавирусот

Во Шведска денеска стапуваат во сила строги правила за почитување на мерките за физичка дистанца во угостителските објекти. Минималното растојание...

Македонија3 часа

Филипче: На денот на изборите ќе биде безбедно да се гласа

Министерот за здравство, доц. д-р Венко Филипче, истакна дека во изминатите четири месеци тој и колегите од Комисијата за заразни...

Свет4 часа

Секој десетти заболен од Ковид-19 во Англија е медицински или социјален работник

Десет проценти од сите инфекции на Ковид-19 во Англија забележани меѓу 26 април и 7 јуни биле меѓу здравствени или...

Регион6 часа

Црна Гора воведе карантин за сите што доаѓаат од Србија

Националното координативно тело за заразни болести во Црна Гора најави неколку епидемиолошки мерки за целата земја и особено за северот...

Македонија6 часа

Управниот суд ја отфрли тужбата на Наќе Чулев против Владата

Владата соопшти дека како тужена страна го доби решението од Управниот суд, со кое тужбата на тужителот Министерство за внатрешни...

Свет7 часа

Мелбурн ставен во карантин поради коронавирусот

Вториот по големина австралиски град, Мелбурн, ќе биде ставен под карантин поради коронавирусот, пренесе агенцијата АФП. Засега нема повеќе информации...

Свет7 часа

Коронавирусот може да се пренесе преку воздухот, тврдат 239 научници во отворено писмо до СЗО

Ако е точно дека коронавирусот се пренесува преку воздухот, тоа значително ќе влијае на мерките за нејзина контрола, пишува „Њујорк...

Македонија17 часа

„Правда за Кољо“ – нов протестен марш во Аеродром

Стотина млади лица вечерва одржуваа протестен марш од скопската населба Аеродром до кривичниот суд, носејќи транспарент „Правда за Кољо“. Граѓаните,...

Македонија18 часа

Шилегов: И вториот тест е негативен, невидливиот противник е победен

„Вечерва ги добив резултатите од вториот тест на Ковид-19. Како и вчерашниот, и денешниот е негативен.И официјално, невидливиот противник е...

Свет19 часа

Руските власти ископале ров околу село за да го заштитат од Ковид-19

Руските власти ископале ров околу оддалечено сибирско село за да го стават во карантин, откако десетици жители се заразиле со...

Регион20 часа

Во Србија шест лица починаа од коронавирус, регистрирани 289 новозаразени

Во последните 24 часа во Србија од ефектите на коронавирусот починаа уште шест лица, додека  регистриранисе  289 новозаразени лица, соопшти...

Македонија22 часа

ДИК со герила-акција во Охрид и Струга: Ти си на ред! Гласај безбедно!

Државната изборна комисија ја води кампањата „Ти си на ред“ за претстојните предвремени парламентарни избори 2020. Со герила-акција, за првпат...

Македонија1 ден

Во просек 13 отсто од тестираните на коронавирус во земјата се позитивни

Во просек 13 отсто од тестираните на Ковид-19 се позитивни, а неделно се прават 8.000 теста, истакна министерот за здравство,...

Македонија1 ден

(Интервју) Бачев: Ќе коалираме со онаа партија што ќе се залага за враќање на уставното име

Поништување на преспанскиот договор, поништување на договорот со Бугарија, враќање на уставното име на државата – се црвените линии под...

Македонија1 ден

Обвинителот Бубевски заболен од коронавирус, Фатиме Фетаи е во самоизолација

Обвинителот Гаврил Бубевски, кој беше дел од СЈО, а сега е дел од скопското Обвинителство и ги застапува предметите „Насилство...

Регион1 ден

Чедомир Јовановиќ објави фотографија од болница: Уморен сум, сè уште ми е неопходен кислород

Лидерот на српската Либерално-демократска партија ЛДП, Чедомир Јовановиќ, се огласи на „Твитер“ од Клиниката за инфективни болести во Белград, каде...

Македонија1 ден

Петмина починати и 78 новозаболени од Ковид-19 во земјата

Министерството за здравство информира дека во последните 24 часа направени се 894 тестирања, а регистрирани се 78 нови случаи на...

Досие