Политика
Заев: Избори на 24 април нема да се случат
Поради проста математика и немањето законски утврдено време од 85 до 90 дена за прочистување на Избирачкиот список, лидерот на СДСМ, Зоран Заев, тврди дека на предвидениот датум за предвремени парламентарни избори 24 април, тие не се можни.
„Избори на 24 април нема да се одржат. СДСМ е доволно силен и моќен после овие отворени процеси, пред се „Вистината за Македонија“, да не бидеме само нем посматрач на едностраните одлуки на владејачките партии. Ние немаме намера на телевизија да гледаме еднострано организирање избори. За да има избори, мора да има избор. Не може само владејачките партии да тргнат на избори “, рече Заев на прес-конференција.Потврди дека СДСМ, коалициските партнери и многу други партии нема да учествуваат на еднострано закажани избори на 24 април. „Договорот од Пржино беше склучен да се надмине политичката криза, а не да се продлабочи. Сега, секој граѓанин на Македонија, лично се увери дека Никола Груевски не сака слободни и фер, демократски избори, затоа што знае дека ќе ги загуби. Тоа се вистинските причини поради кои Груевски не сака прочистен избирачки список и слободни медиуми“, вели Заев.Пресмета дека евентуален прв можен датум за одржување избори е 5 јуни, ако проверката на Избирачкиот список заврши на 15 април, плус 50 дена (40 за јавен увид 10 дена печатење на избирачкиот список), се доаѓа до тој датум, ако пак заврши проверката на 15 мај, можен датум би бил 5 јули.Според него, за прочистување на избирачкиот список потребно е да се направи статистичко-историско проверување, значи споредување на претходните со новите, споредување на 10 бази на податоци со избирачкиот список, теренска проверка и евентуално бришење на сите недозволиви податоци коишто се во избирачкиот список. За да има теренска проверка треба да завршат претходните две фази, а за да се почне со проверка на терен треба да има медиумска кампања за да се известат граѓаните дека теренски ќе се прочистува списокот, мора да бидат обучени претставниците на ДИК, администрацијата и претставниците на политичките партии за чување на личните податоци.„ДИК е надлежна, ниту Груевски, ниту Заев, ниту Али Ахмети, ниту Тачи. ДИК е независната институција која ја избравме заедно сите. Таа е таа којашто ќе каже кога е неопходното време потребно или кога завршува тоа време за прочистување на избирачкиот список… Треба да престанат и Заев и Груевски да лицитираат со датумот за избори. ДИК е таа која има за прв пат независни експерти и е токму таа која што ќе каже точен термин до кога ќе го заврши прочистување на избирачкиот список и согласно тоа после можеме да седнеме да го проектираме датумот за избори или тоа да го направи ДИК“, додаде тој.Рече дека методологијата предложена од ДИК ќе ја прифатат и дека се подготвени да се откажат од сите нивни сугестии. „Тоа значи дека партијата добро проценила што со ваква методологија ќе постигнеме, тоа е сосема доволно“, рече Заев, кој дополни дека мора да се обезбеди список на оние кои ќе гласаат во странство во дипломатските претставништва или пак ќе гласаат дома и секако да се избришат сите фантомски гласачи коишто ги има во избирачкиот список, а со теренска проверка, ќе се постигне целата.Праша, како мисли Груевски да излезе и да каже дека ќе одиме на избори со 1.800.000 гласачи, кога се знае дека има помалку од 1.600.000 жители, кога се знае дека има 380.000 се средношколци со ненавршени 18 години. „Секако треба состојбите во медиумите да бидат разрешени. Да се прифати предлогот на меѓународната заедница којшто е ставен на маса и овде сме спремни нашите забелешки и сугестии да ги повлечеме и конечно да имаме договор“, рече Заев. Прашан за одлуките на Управниот суд кој донесе времена мерка да ги замрзне решенијата коишто се веќе донесени од двајцата министри на СДСМ, Оливер Спасовски за внатрешни и Фросина Ременска за труд и социјала, рече дека тоа значи дека нема пресуди за поништување решенија и за враќање на претходно поставените. „Ги охрабрувам министрите да си го земат министерството под контрола. Власта не знае поинаку освен со политички конфронтации, злоупотребувајќи ги сите институции. Спасовски и Фросина ееменски се министри со целосни права врз ресорите коишто ги водат. Само на тој начин ќе ја исполнат функцијата за која се таму, а тоа е да бидат контрола на власта и да не дозволат нови злоупотреби“, додаде Заев.Во коментар за понатамошното појавување на Груевски на отворање и најавување странски инвестиции, Заев рече дека ќе му било полесно на Никола Груевски ако одамна си ја дадел оставката и да се повлечел од сите политички функции. „Не знам што би можел да прави човекот, освен лопати, камен-темелници и секако горчливиот факт уште нови 74.000 пред се млади луѓе, да ја напуштат Македонија. Тоа е резултатот од неговото работење“, рече Заев.За справувањето со мигрантската криза рече дека сите дома и во меѓународната заедница, Европската унија добро знаат дека само стабилна земја Македонија, може да биде добар партнер во заедничкото справување со кризата.„А стабилна Македонија дека може да се случи само со СДСМ и промена на оваа власт. Секое семејство во Македонија да прими по десет бегалци не е решение за кризата,а не да твораат кампови во Македонија“, рече Заев./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Македонија е одземена од народот од страна на ДУИ и измеќарите од СДС, поради нивните политики луѓе гореа живи, се случуваа трагедии и иселување
„Македонија е одземена од народот, за жал наместо државата да му припадне на суверенот, а тоа е народот на кој што и треба да му припаѓа, државата во нашиот случај е украдена од народот од страна на една мала група на луѓе кои од денеска уште неколку недели ќе бидат во владата на Република Македонија. Таа група на луѓе ја предводат првенците од ДУИ на чело со Али Ахмети, Артан Груби, Бујар Османи и малкумина измеќари од СДСМ кои сеуште се таму слепи послушници на политиките на ДУИ и Али Ахмети“, истакна претседателот на ВМРО-ДПМНЕ Христијан Мицкоски на денешниот митинг на ВМРО-ДПМНЕ во Зрновци.
Претседателот Мицкоски потенцираше дека овие луѓе се виновни за неправдата, криминалот, опустошувањето, понижувањето, за целото зло кое и е нанесено на Македонија во изминатите 6 и половина години.
„Ќе ве потсетам, сетете се поради нивната неодговорна политика живи луѓе гореа во модуларната болница во Тетово; поради нивната криминална политика и начин на кој ги издаваат дозволите за да туристичките агенции управуваат со возилата десетици луѓе за жал го загубија својот живот не далеку од главниот град на нашиот источен сосед во трагедијата на „Беса транс“, се сеќавате колкумина од нив ветуваа дека ќе донесат живот какви ти се не знам услови за работа на земјоделците, загарантиран откуп по загарантирана цена, а 6 и половина години нивите ни останаа неорани, младите си заминаа, земјоделците се помалку се занимаваат со земјоделието затоа што не само што нема загарантиран откуп туку и тоа малку што денес се обработува и произведува нема кој да го купи“, дециден е Мицкоски.
Претседателот Мицкоски истакна дека дури и на СДСМ им е јасно дека победник на следните претседателски и парламентарни избори ќе бидат ВМРО-ДПМНЕ и коалицијата Твоја Македонија и Гордана Силјановска Давкова,
„Затоа ни е потребно ова обединување, затоа ни е потребна масовна излезеност. Сите заедно најпрво на 24 април да ја направиме Македонија горда, а потоа на 8 мај да ја направиме и горда и твоја со победа на Гордана Силјановска Давкова и ВМРО-ДПМНЕ со коалицијата „Твоја Македонија“, рече Мицкоски.
Македонија
Пендаровски: Тие ја сакаат Македонија само кога се на власт, ние ја сакаме и кога сме и кога не сме, бидејќи таа ни е единствената мајка
Во рамки на изборниот караван, кандидатот за претседател Стево Пендаровски денеска се сретна со граѓаните на село Белчишта, општина Дебрца и со граѓаните на општина Вевчани.
Говорејќи за начинот на владеење на опозицијата кога беше на власт, Пендаровски во село Белчишта истакна дека во нивно време имаше две групи на граѓани, односно нивни и наши, симпатизери на ВМРО и останати. И дека за разлика од сегашната владејачка структура која не направи крупни стратешки грешки со кои би била загрозена државата, ВМРО – ДПМНЕ и крупни и ситни грешки.
„На опозицијата и пречи што Македонија оди напред, кон развиените земји бидејќи ние сме заслужни за тие успеси, а не тие. Тие ја сакаат Македонија, само кога се на власт, а ние ја сакаме и кога сме и кога не сме на власт, бидејќи таа ни е единствената мајка“, рече Пендаровски.
Од Вевчани, кандидатот за претседател Стево Пендаровски порача дека луѓето знаат да проценат дали некој мисли само на себе и на својот џеб или мисли на нашата иднина. Зборувајќи за неговата против кандидатка, која не се појавила на митингот во Вевчани најавен за пред два дена, Пендаровски истакна дека не ни треба претседател кој има некој над себе.
„Не можам да замислам да кажуваш дека си претседател на сите, а да има некој над тебе, некој кој ќе ти кажува како да работиш. Таков е случајот со Силјановска и со Мицкоски. Овој што ја поддржува сака да биде и претседател и премиер. Ајде да го промениме уставот и да му овозможиме да биде и претседател на Собрание истовремено. Барем ќе заштедиме пари, а за ефектите понатаму ќе видиме“, додаде Пендаровски.
Денеска е предвидено Пендаровски да се обрати на митинзи и пред граѓаните на Струга и на Охрид.
Македонија
Димитриевски од Струга: Во Македонија има луѓе што можат да ги обединат граѓаните за суштестените прашања
Претседателскиот кандидат на Движењето ЗНАМ – За наша Македонија, Максим Димитриевски денеска беше во Струга.
„Струга е град сличен на градот од кадешто доаѓам. Мултиетничка средина, во која треба да се сакаме и почитуваме и да живееме заедно. Но притоа не смееме да дозволиме политиката да ги дели граѓаните и да создава чувство на граѓани од втор ред. Сведоци сме дека во нашата држава се случуваат големи неправди, а особено спрема припаданиците на македонскиот народ. Се случува еден феномен на партизација на целиот систем од оние што со пушка влегоа во Собрание, па потоа во извршната власт, а сега гледаме како ја запоседнуваат и судската власт и ги користат останатите, наводно големи партии, како привезок во коалиција, кои притоа се ставааат во целосна функција на ДУИ“.
„Токму затоа не сакам да ја оставам државата да расте и да се развива така. Затоа се одваживме да се вратиме таму каде што припаѓаме, на крушевските и АСНОМ-ските корени. Ние сакаме во суштина да ги промениме работите во
Македонија “.
Димитриевски рече дека Движењето ЗНАМ е нов политички субјект којшто сака да ги обединува, а не да ги дели граѓаните. Првенствено Македонците, а потоа и сите етнички заедници заедно. Тој посочи дека треба да се научиме како да живеме и да градиме реален соживот. Бидејќи, како што рече, соживот е да имаш права, но и обврски. Потребно е да има взаемна почит.
Тој нагласи дека целиот систем е креиран така за да биде поделен на два блока, кај македонскиот и два во албанскиот блок. И додека албанскиот блок, односно политичките субјекти, за националните прашања е секогаш единствен, македонскиот пука по сите шавови.
„Мора да се најдат луѓе коишто ќе го обединат народот. И затоа ќе ви кажам, Максим не може тоа да го направи сам. Вие сте ми потребни и не ме оставајте сам.“ потенцира тој.
„Доколку ја добијам поддршката од граѓаните на овие претстојни избори, ќе бидам Претседател на сите граѓани на Македонија. Првото нешто што ќе го направам е ќе понудам на сите политички субјекти коишто ќе ја сочинуваат идната власт, а дополнително и на опозицијата, да потпишат национална платформа за македонските национални интереси, бидејќи нам ни е тоа повеќе од потребно во овој момент“.
Тој додаде дека доколку биде избран за Претседател на државата, согласно неговата предизборна програма ќе работи на формирање на едно независно тело од експерти од Европската унија коишто ќе треба да се посветат на работење и анализа на сите пресуди од Стразбур против Република Бугарија за обесправеноста на македонските организации таму“’.
Димитриевски, исто така, рече дека согласно Програмата ќе формира и експертски тим, од наши и надворешни експерти кој ќе има за задача да поработи и на времената рамка којашто е во сила во моментот и на нејзина адаптација на општо прифатливите и општествените услови во Македонија, согласно желбата на македонските граѓани.
„Недозволиво е како народ и како држава да бидеме негирани. Ние постоиме во континуитет и како народ и како јазик, со сопствена историја, култура и тоа е одраз на заложбите и борбите на нашите претци. Недозволиво е некој во 21 век, којшто е член на Европската унија да не негира во континуитет. Затоа сметам дека следната политичка елита, која и да е на власт, а ќе биде таа на којашто граѓаните ќе и дадат мандат, треба сериозно да се посвети на ова поле, дополнително да ја разработи оваа преговарачка рамка и со Европската унија и ова билатерало прашање да го решиме на релација Скопје- Софија. Македонија мора да продолжи на патот на евроинтеграциите, но не по секоја цена, бидејќи мора да влеземе во Европската унија со крената глава, како Македонци и како засебна нација“, потенцира Димитриевски.
Караванот на ЗНАМ денеска беше и во Вевчани, каде што Димитриевски имаше средби со граѓани, а вечерва ќе биде во Охрид.