Политика
Заев очекува политичко насилство врз ДИК
Можно е во Државната изборна комисија (ДИК- да се случи политичко насилство со политичко надгласување, со што би се одлучило голем број спорни гласачи кои треба да се избришат, всушност да опстојат на избирачкиот список, смета лидерот на СДСМ, Зоран Заев.
„Јас, за жал, очекувам дека ДИК, денеска, со мнозинство гласови да гласа дека треба да опстојат. Овој врв на апсурдност и катарза се надевам ќе биде овозоможена да се случи пред граѓаните, ако не дај боже токму тоа се случи. Очекувам политичко насилие со политичко надгласување во независната ДИК. Ако тоа се случи тоа е врв на апсурдноста“, рече Заев, кој повика меѓународната заедница, граѓаните и медумите будно да ја следат работата на Државната изборна комисија.Само по основот на прашањето „Никој не живее на наведената адресата/ на адресата не живее лице со наведените податоци и испитанокот живее тука, но починал се вкупно 10.938 гласачи и тие треба да се избришат. На прашањето „Испитанокот живее тука и се иселил во друга адреса или од странство“, некаде е бројка од 27.317 гласачи.„Зарем тоа не е доволен основ тие граѓани да имаат право на глас, но да бидат во вториот дел на Избирачкиот список како граѓани кои живеат надвор од Македонија, а се со право на глас. Очекувам ДИК да работи по закон и методологија, на јавни седници пред очите на македонската јавност“, порача Заев.Опозицијата останува на ставот дека минимум услови за фер избори се реформи во медиумите, разграничување на партијата од државата и регуларни избори со прочистен Избирачки список. Токму во таа насока, се и преговорите кои се одвиваат со меѓународната заедница по одлуката опозицијата да не учествува на избори, потврди Заев.На новинарско прашање дали е можно Собранието да се свика повторно, откако веќе е распуштено, Заев тврди дека тоа е законски возможно.„Правото да распише избори Вељаноски го црпи од пратеничкиот мандат. Тој знам дека ќе патува на 14 април. Тоа е поради пратеничкиот мандат кој е еднаков со сите пратеници. Уставот и законите ниту забрануваат – ниту прават пречка за свикување на Собранието. Пратениците имаат мандат до изборот и верификацијата на новите пратеници. Согласно тоа постои отворена врата Парламентот да се свика, ако не друго поважно од тоа дека нема обезбедено услови за регуларни избори – здравје, значи пресериозна е причината за свикување на Парламентот“, вели Заев.Според него, има решение и ако деветте члена на ДИК си дадат оставка, затоа што може да свика Собранието и се бираат нови членови на ДИК и тоа е апсолутно дозволено, секако, ако постои само политичка волја.Во моментов тече и јавната седница на Државната изборна комисија на која се разгледува прогресот во Избирачкиот список, а до распишување на изборите остануваат уште 4 дена.Од одлуката на ДИК ќе зависи дали изборите ќе се одржат на 5. јуни или не, а претседателот на ДИК – Александар Чичаковски минатата недела изјави дека тој нема да стави потпис на Избирачкиот список, дури ако на него има и само еден спорен гласач.Од друга страна, владејачката партија ВМРО-ДПМНЕ останува на ставот дека условите се исполнети и изборите треба и мора да се одржат на 5. јуни.Во понеделник, Плтаформата за демократија ја потпиша и ПЕИ на Фијат Цаноск , со којшто во минатото СДСМ имал соработка.„Ја користам приликата заедно да повикаме да ни се приклучат сите слободоумни граѓани, сите демократи во ова наше општество, на принципиелна основа. На основа на начелата на коишто полага токму оваа Платформа за демократска Македонија“, рече Заев, кој информира и дека до ПЕИ испратил порака, но и покана за коалициско здружување.„Знаеме дека на 5-ти Јуни ќе нема избори, но избори ќе има затоа што само преку слободни избори можеме да ја вратиме слободата“, додаде Заев, кој очекува да бидат исполнети условите за регуларни, фер и демократски избори, а тоа се прочистен избирачки список, регулација на медиумите и разграничување на партијата од државата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.