Македонија
Поплавени куќи во Новаци
Поставен е монтажен мост на местото каде што во средата беше пресечен патот, па денеска може да се премине на другата страна и да се стигне до Новаци и РЕК Битола преку него.
Во Новаци поплавени се десет куќи, од кои една е целосно е уништена, јавува битолската телевизија Тера.Семејството Мицевски остана без дом и привремено е сместено во салата на општината.„Немаме куќа, покуќнина, ни остана само душата“, вели Станко Мицевски.Жителите на ова село, цела ноќ ја испумпувале водата од своите куќи, а токму пумпи најмногу им биле потребни. Денес и министерот за транспорт и врски Миле Јанакиески им вети дека ќе им донесат пумпи со голем капацитет за да ја исфрлат водата.Освен пумпи на жителите им треба и вода за пиење. Денешната состојба се оценува како постабилна од вчера, а граѓаните се подготвуваат за најавените утрешни врнежи од дожд./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.