Македонија
Повеќе илјади на маршот „Борбата продолжува, гласот победува“
Повеќе илјади луѓе учествуваа во вторникот на маршот под мотото „Борбата продолжува, гласот победува“, организиран во главниот град Скопје од граѓански здруженија и коалицијата на опозициските партии предводени од СДСМ, како и од невладини прганизации и ткн „Шарена револуција“.
Протесниот марш со учество на граѓани од повеќе градови во земјава и од Скопје започна околу 14 часот пред канцелариите на Специјалното јавно обвинителство (СЈО), вообичаена почетна точка на протестите од пролетва и летото, и продолжи по булеварот „Партизански одреди“ до центарот на Скопје, односно пред Собранието.
Организаторите најавија дека маршот е за достинствен живот, и оти затоа е одбран денешниот празник 11- ти Октомври, ден на почетокот на народноослбодителната борба во Втората светска војна, симболично како предвесник на промените за подобра иднина.
Поворката ја предводеше лидерот на најгоеламта опозицска партија СДСМ, Зоран Заев, придружуван од Зоран Верушевски поранешен челник на разузнавањето, обвинет за шпионажа и уште две дела во случајот „Пуч“, односно за наводно незаконско прибавување и прислушување на граѓани и политички личности носители на власта, кого владејачката партија го обвинува дека ги доставил таканаречените „бомби“, кои Заев ги емитуваше во јавноста и од кои произлегоа случаите против поранешни и сегашни носители на функции со кои се занимава СЈО, кое и на овој протест доби поддршка од приврзаниците на опозицијата.
„Борбата на нашата генерација е да ги вратиме вистинските вредности во општеството”. Актерката и граѓански проопозицски активнист Ирена Ристиќ го прочита манифестот од овој протест и ги повика „сите граѓани, пензионери, борци, студенти, ученици… да се придружат во борбата за слобода и просперитет во борбата за светла иднина“.
„Една е битката за Македонија, се менуваат само генерациите. Доста е! Да ги победиме сите предавници и деспоти! Сите на суд за една нова слободна и народна Македонија. Напред во победа, да се живи сите сојузници на слободата, да живее братството и единството на сите што живеат во оваа Македонија. Смрт на фашизмот, борбата продолжува, гласот победува“, порача. На крајот од настанот од импровизираната говорници пред Собранието по повеќето говорници на учеснциите им се обрати и челникот на СДСМ, кој меѓу другото рече дека маршот претставува „глас кој најавува враќање на слободата, демократијата, правдата, враќање на државата во рацете на граѓаните“.
„Ние граѓаните склучивме сојуз, поединци, групи, граѓански здруженија, шарени, леви партии, Македонци, Албанци, Турци, Срби. Роми, Бошњаци, ние граѓаните на Македонија го кренавме нашиот глас. Се излеавме илјадници, на денот на народното востание, на денот на народната борба, марширавме во чест на скопскиот, прилепскиот, битолскиот, кичевскиот партизански одред. Нашето оружје е нашиот глас. Се бориме и ќе се избориме за слобода, правда, правичност и еднаквост. Дојде време да ѝ дадеме ветување на Република Македонија“, рече Заев.
Истакна дека денешниот марш бил за да се „врати државата во рацете на граѓаните“.
„Ја одземаме (државата) од фамилијата на Никола Груевски, марширавме за враќање на парите кои ги украдоа. Ќе ги вратиме до денар, сé што украдоа. Денеска марширавме за достоинствени плати од кои ќе се живее, а не ќе се преживува, за задоволни работници и силни претпријатија. Од каде пари? Од таму пари, ќе ги вратат украдените пари, има сé да вратат“, порача лидерот на најголемата опозицска партија.
Заев вети дека по вонредните парламентарни избори на 11-ти декември, државниот Буџет ќе се полни од парите на граѓаните кои биле украдени и однесени во ткн даночни оази.
„Марширавме за деца да не просат по улици, семејства да не гладуваат, да не плачат по автобуските станици, за покрив над секоја гласа, за здравство кое лечи а нé убива, за државен систем кој помага а нé повредува. И 11-ти октомври 2016 ќе биде врежан со црвено, зошто и генерациите како и тие од 1944-та со својата одлучност, храброст и решителност се кренаа во одбрана ан идеалите, вистина и правдата, во одбрана на нашето достоинство и на нашите деца“, рее Заев и ги повика граѓаните да се приклучат на ова „испишување на историјата, рушење на режим и враќање на слободата“./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери