Македонија
Познат идентитетот на последните двајца загинати полицајци
Љубиша Аранѓеловиќ и Горан Стојменовиќ се последните двајца загинати полицајци, кои во неделaта им подлегнаа на повредите здобиени по судирот со терористичката група во кумановската Дива населба.
Сашо Самојловски, Бобан Ивановиќ, Горан Илиевски, Исамедин Османи, Љубиша Аранѓеловиќ, Горан Стојменовиќ, Жарко Кузмановски и Ненад Серафимовски се имињата на загинатите осум припадници на полициските сили кои дејствуваа против терористичката група од неколку десетици добро вооружени лица.
Покрај загинатите, Министерството за внатрешни работи соопшти дека се ранети 37 полициски службеници.
На страната на терористичката групацијата, според МВР, досега во објектите од кои тие дејствувале се најдени 14 тела чијашто идентификација е во тек.
Според соопштенија на ткн Ослободителна народна армија (ОНА) испратени до приштинските медиуми, а чија автентичност не е потврдена, се презема одговорноста за нападот во Куманово, а се упатуваат закани дека „нејзините вооружени сили се целосно организирани, способни и со доволно средства за продолжување на борбите“.
Министерството за внатрешни работи претходно објави дека по воочување на групирањето на поголемата група во кумановско, биле добиени оперативни сознанија дека таа има намера да изведе големи терористички напади во урбани средини. На тоа посочува и информацијата за уништен автомобил-бомба од страна на полицијата, откриен во Дива населба.
Според непотврдени сознанија, групата имала намера да изведе напади врз полициски станици во неколку градови во земјата, а се споменуваат како можни цели и најранливите институции, како што се образовни установи, потоа трговски центри и спортски манифестации.
Како водачи на групата се идентификувани Мухамед Красниќи ткн Малишева, Мирсад Ндрецај или командант Нато, Сами Укшини или командант Соколи, Бег Ризај алијас командант Бегу и Дем Шеху алијас командант Јунику. Сите, како што е речено, потекнуваат од Косово, во текот на 2001 година, сите тие се бореле во редовите на герилските групации во Липковскиот региони а се познати како основачи на повеќе терористички групи на поширокиот простор во региони./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.