Македонија
Продолжуваат тензиите на македонско-грчката граница
Македонската полиција во неделата доцна попладнето го зголеми присуството на припадниците на интервентните сили, во очекување да продолжат тензиите што ги предизвикаа претходно мигрантите кои сакаа да ја пробијат оградата на македонско-грчката граница кога македонските безбедносни сили одговорија со солзавец, а по продолжените судири се известува за повеќе повредени лица.
Според медицински извори од Гевгелија, во тамошната болница имало 13 интервенции врз повредени. Меѓународната невладина организација Médecins Sans Frontières (MSF – Лекари без граници) извести за 15 повредени македонски полицајци и за наводно 260 повредени мигранти, пренесуваат грчките медиуми и агенциите, но овие наводи не може да се проверат од независни извори.
Претставник на организацијата за грчките медиуми изјави дека „десетици лица“ се повредени, од кои најмногу имале проблеми со дишењето поради употребата на солзавец, а тројца биле хоспитализирани.
Македонската полиција претходно во неделата, откако група од најмалку 500 мигранти не успеала да ја прескокне жичената ограда по шпекулациите дека македонската граница ќе биде отворена, на нападите со камења од страна на гневните мигранти одговори со солзавец и шок и чадни бомби. Министерството за внатрешни работи потврди во меѓувреме дека 15 негови службеници се повредени, од кои петмина посериозно.
„Мигрантите фрлаа камења кон полицијата. Полицијата возврати со солзавец. Мигрантите ја туркаа оградата, но од грчката страна на границата. Оградата сè уште е таму, тие не се пробија“, пренесе претходно агенцијата Reuters повикувајќи се на анонимен извор од македонската полиција.
Безредијата, според медиумските извештаи во Грција, започнале откако меѓу илјадниците мигранти во импровизираниот камп во областа на Идомени биле растурани летоци на арапски јазик во кои се повикувало сите да се собера на границата и да се обидат насилно да ја преминат.
Агенцијата AFP, за која неименуван македонски полициски извор рекол дека претходно грчката полиција употребила солзавец за да ја смири тензичната ситуација од грчката страна на границата, пренесе дека бегалците истакнале транспаренти со натписи „Отворете ги границите“, „Потребна ни е ЕУ“, „Не се враќаме“ и скандирале „Меркел, Меркел“ и „Денеска или ќе ја пробиеме оградата или ќе умреме“.Во македонското министерство за внатрешни работи забележуваат дека постојат индиции дека безредијата и обидот за упад на македонска територија биле организирани, бидејќи било регистрирано дека најмалку три групи од по неколку стотици мигранти истовремено на три места се обиделе насилно да ја пробијат оградата.
Reuters констатирајќи го пасивниот однос на грчката полиција во смирувањето на ситуацијата, ја обвиниле македонската полиција за „неселективна“ примена на сила.
„Неселективното користење на хемиски супстанции, гумени куршуми и шок гранати врз ранливите групи, а особено без причини за таква сила, е опасен и непристоен чин“ изјавил за Reuters Јоргос Курицис, портпарол во грчката влада за координирање на миграцијата.
Од грчката страна на гранциата во областа Идомени, се проценува дека во моментов има повеќе од 10.000 бегалци и мигранти кои останаа тами, откако кон средината на февраури земјите од ткн балканска бегалска рута, вклучително и Македонија, го следеа примерот на земји од Европската унија и ги затворија границите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.