Македонија
Протест на мигрантите на македонско-грчката граница
Околу 300 мигранти од земјите во коишто нема војна повторно протестираа на грчко-македонската граница, кај Гевгелија, јавува репортерот на РТС од грчката страна на границата.
За време на протестот кој траел 45 минути, над десетина економски мигранти, главно од Иран, се качиле на оградата и ги повикувале другите да се придружат на протестот.Голем број мигранти дошле до оградата од грчката страна, а во првите редови биле ставени деца. Со себе носеле транспаренти на коишто пишувало „Ние не сме терористи, сакаме мир“, „Фала на помошта“. Извикувале „Полиција, ве молиме, отворете ги границите, станува студено“ и „Ве молиме помогнете. Не сме животни“.Потоа се повлекле на пограничната територија на Грција. Македонските безбедносни сили, пак, фатиле голема група мигранти кои некако успеале да ја заобиколат жичаната ограда и ги вратиле во Грција. На секои 15 до 20 минути стигнуваат нови групи економски мигранти кои илегално влегле во Македонија и специјалците ги враќаат на другата страна од границата. Преминот го чуваат два кордона полиција, а голем број специјалци и натаму стигнуваат во Гевгелија. Војската подготви водени топови и солзавец. Според очевидци пристигнале и оклопни возила, а воената полиција ги отстранила новинарите од граничниот премин.Протестот е кулминација на незадоволството на мигрантите, бидејќи минатата вечер во Македониja влегле неколку илјади луѓе од Сирија, Ирак и Авганистан, додека другите со денови чекаат од другата страна на границата. Оние кои влегле во земјата, уредно ја минале границата и доведени се до контролниот пункт од каде исклучиво со возови се префрлуваат до Табановце, бидејќи на таксистите и превозниците им е забрането да превезуваат мигранти. И грчката и македонската војска ги проверува документите на мигрантите, откако се појави информација дека мигрантите доаѓаат со лажни пасоши кои ги плаќаат во Грција околу 100 евра. Од друга страна, на оние на кои не им е дозволен влез во Македонија спиеле во шатори на грчката страна од границата, а некои од нив ноќта ја минале во прифатниот центар Идомени. Војската од утрово копа дупки за столбови, за да ја зајакне жичаната ограда на границата со Грција. Се претпоставува дека ќе биде ставена двојна жица за да се спречат илегалните влезови во Македонија. Во наредните денови се очекува оградата да биде завршена за да се покријат сите важни точки кои ги користат мигрантите. Досега е изградена ограда долга околу осум метри, а планот е ѕидот кон Грција да биде долг околу 50 километри./крај/мф/
Извор: RTS
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.
Македонија
Апасиев: Дали е вистина дека директорот на велешката болница забранил да им се дава инфузија на деца со температура 40 – за да заштеди
„Дали е вистина дека директорот на велешката Болница – Зоран Арсовски од СДС забранил да им се дава инфузија на Детското одделение, на деца со температура 40 – за да заштеди“, прашува претседателот на партијата Левица, Димитар Апасиев преку социјалните мрежи.
„И дали е вистина дека за операција на жолчка, во истава болница, докторите отворено си бараат мито од пациентите – од 500 евра ‘по тарифа’“, додава Апасиев.