Македонија
Првомајски протести во Скопје – „Не бидете опуштени, да не бидете отпуштени“
Работници, граѓани и потписници на Повелбата за солидарност со парола „Не бидете опуштени, да не бидете отпуштени“ во петок на пладне излегоа на протест којшто го започнаа од пред споменикот на Синдикатите меѓу двете светски војни, кај „Југодрво“, во центарот на Скопје.
Овој протест е во организација на левичарските движења „Солидарност“ и „Ленка“, Синдикатот на новинарите и медиумските работници, Синдикатот на дипломатската служба, на вработените во културата, а ќе им се придружат и Синдикатот на УПОЗ и МЕССО, кои се гранкови синдикати на ССМ, како и Конфедерацијата на синдикални организации на Македонија.
Според организаторите и во минатото и денес има два вида на синдикати, едните што биле на страната на работниците, а другите, како што рекоа, ја штителе власта од работниците.
„Нема да дозволиме да ни ги укинуваат работничките права. Мора да кренеме глас, доста беше молчење! Доста ни го газеа достоинството. Да го кренеме гласот. Ако ги спуштиме и држиме главите доле, никогаш нема да го видиме сонцето“, рече на почетокот на протестот Златко Савески од левичарското движење „Солидарност“.
Пред Законодавниот дом, работниците побараа да биде разрешен претседателот на Собранието, Трајко Вељаноски, како и ставање во мирување на неколку според нив, спорни Закони.
„Веднаш да се разреши претседателот на Собранието Трајко Вељановски со цел да можат да се отворат внатрешни и надворешни истраги за узурпација на власта. Второ барање, веднаш да изгласаат недоверба на актуелната Влада. Овие барања се предуслов за каква и да е истрага и поправка на актуелната состојба, тоа и амбасадори на некои држави ни го кажаа јавно. Бараме и најитно ставање во мирување на Законот за вработените во јавниот сектор, Законот за административните службеници, како и сите измени на законите за државните службеници, за културата, образование и енергетика. Но, и најновите правни ’бисери’ – Законот за хонорарните давачки“, рече Сашко Тодоровски од Синдикатот на македонската дипломатска служба.
Истовремено Сојузот на синдикатите на Македонија одржа марш на солидарноста по повод Меѓународниот ден на трудот 1 мај. Маршот почна пред платото на ССМ, а заврши на плоштадот Македонија. Синдикалниот лидер Живко Митревски побара потпишување колективни договори, обезбедување сигурни работни места, како и траен работен однос и работен однос на неопределено време и сигурни плати за сите работници со кои ќе им обезбедат пристоен живот./крај/мф
Извор: Фото:МОФ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.