Македонија
Разубавувањето на дуќаните во чаршијата ќе го поттикне развојот на економијата
Договор за реализација на Проектот за уредување на излозите и натписите на дуќаните во Старата скопска чаршија, со кој ќе почнат активностите за реализација на проектот за Уредување на излозите во чаршијата, потпишаа во петок, министерот за економија Беким Незири и претседателот на здружението „Еснаф“ Бејтула Морина.
Ова е проект кој Министерството за економија го предвиде во Програмата за развој на туризмот за 2015 година, а чија цел е враќање на автентичноста и зачувување на културните вредности кои ги има Старата скопска чаршија, за кој дуќанџиите од Блокот 3.2. преку здружението „Еснаф“ на Старата скопска чаршија, ќе можат да аплицираат на веќе објавениот повик. „Ќе ја направи чаршијата поатрактивна за туристите“, рече Незири додавајќи дека функциите се минливи, но делата и реализираните проекти остануваат. Министерот Незири истакна дека со овој проект ќе се продолжи и во наредната 2016 година, сè со цел да се опфатат сите дуќани во Старата скопска чаршија, односно сите дуќанџии да добијат можност да го вратат автентичниот изглед на своите дуќани, а со тоа и сјајот на чаршијата. Тој потсети дека Министерството за економија ангажираше проектантска куќа, која изготви техничка документација за конзервација, санација и адаптација на 60 дуќани во Блок 3.2 во Старата скопска чаршија. За секој дуќан е подготвен посебен проект во три фази, и тоа: претходен изглед на дуќанот, фактичка состојба и планиран изглед по интервенцијата за уредување на излогот. Притоа, не е само излогот опфатен во овој проект, туку за секој дуќан ќе се уредува и тендата, називот, односно натписот на дуќанот, околното зеленило, а за оние дуќани кои некогаш имале ќепенци, ќе се разгледа можноста тие повторно да се постават. Притоа, секоја интервенција ќе се координира со самите дуќанџии, по претходно добиена согласност од Министерството за култура и Конзерваторскиот центар.Претседателот Морина нагласи дека ова е првпат занаетчиите да добијат конкретна помош, како и дека проектот ќе се реализира во целосна координација со еснафот. Со потпишување на изјави за овластување на „Еснаф“, ова здружение си превзема обврска да ги застапува интересите за секој дуќан во овој блок, да ги спроведува сите постапки за реализација на проектот, согласно веќе утврдената динамика и да преземе одговорност за уредување на сите дуќани според техничката документација и изработените проекти. Средствата за реализација на проектот ќе бидат префрлани во неколку фази, согласно реализацијата на истиот, а надзорот над изведбата на проектот ќе го врши посебна Комисија, составена од претставници од Министерството за економија, Министерството за култура, Конзерваторскиот центар, Град Скопје и Општина Чаир.Истовремено, 20 занаетчии од Старата скопска чаршија денеска добија по 2 илјади евра неповратна помош за подобрување на имиџот на нивните дуќани. Овие грантови се дел од ИПА проектот за прекугранична соработка меѓу Македонија и Косово, што го реализираат општините Чаир и Гњилане.Претставникот на Европската комисија во земјава Мартин Клаук подвлече дека занаетчиството во Македонија е традиција, но современото живеење кое значително ги смени навиките на потрошувачите, речиси го доведе до работ на егзистенција. „Овој сектор може многу да придонесе за решавање на проблемот со невработеноста“, посочи Клаук.
Според градоначалникот на општина Чаир Изет Меџити, реновирањето на дуќаните нема да значи само подобрување на нивниот надворешен изглед. Тие ќе бидат и енергетски ефикасни, согласно светските трендови и стандарди./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.